[align=center] بسم الله الرحمن الرحيم
السلام عليكم ورحمة الله وبركاته

التجارة وماادراك مالتجارة

الحين اللي معاهـ تمويل ومامعاهـ فكرة يعاني
واللي معاهـ فكرة ومامعاهـ تمويل برضو يعاني

ليش مانتكاتف مع بعض ونسويلنا مشروع ناجح؟؟؟؟

انا سبق لي ونزلة موضوع واللي عنوانه (عندي تمويل بس ناقصني الفكرة والتنفيذ)
صحيح ماقصرو الاخوان بس الافكار حقتهم ماتكلف 40 الف مع العلم ان تمويلي 500 الف ريال يعني ابي مشروع براس المال هذا علشان يدخل لي ارباح عاليه بس وين الفكرة ؟؟؟!!!

علشان كذا يااخواني وياخواتي اللي عنده فكرة براس المال هذا ياليت يراسلني ويكون دارس جدوى وعارف ارباح المشروع علشان نتجنب الخسارة وزي ماقلت قبل كذا له نسبه على حسب الاتفاق بيناتنا


المهم المشروع يكون قريب من الطائف ....







[/align]

بالتوفيق لكـ اخوي ان شاء الله



ما فكرت بمشروع مطعم هندي ! انا ما اعرف المنطقه اللي انت فيها لكن نصيحه مني خذ لكـ لفه على منطقتك وشوف وش نواقصها واحتياجها .. يعني لازم تنزل للسوق وتشوف واتمنى لك الربح والتوفيق

السلام عليكم ورحمة الله وبركاته ...

رأيي أن إذ معاك هالرأس مال تدخل في مجال العقارات المعروف عندنا ( العقار يمرض بس مايموت)
وأشوف أن العقارات مافيها خسارهـ .

اللـه يوفقك يآرب ويوفق الجميع لما يحبـه ويرضـاهـ ...

الله يزيدك وينعم عليك,,, انا لو اتوفر معي راس المال الي معك اول شي اسويه اشتري تريله مستعمله واجرها على شركه سنه وترد حقها ولا ناسبك الوضع اشتر ثلاث,,والله يوفق الجميع.

او تطلع نص المبلغ وتشتري لك اراضي كثيره في مناطق نائيه للمستقبل بعد 15 سنه للعيال. والله يوفقك بمشروع يناسبك,.

أخوي الغالي طموحك
بالنسبه للمشروع الي تبيه
وبما اني من سكان الطايف
أعتقد مشروع مماثل لفكرة ( صقلوب ) رائعه جداً
مع زيادة بعض الخدمات مثل مقهى انترنت مصغر أو العاب شبكة
بصراحه هذا المتنفس الوحيد لشباب الطايف
اتمنى ان قدرت أفيدك


::
::
::

الله يسسعدك ويوفقك تبي تريح راسك وتضمن رأس مالك تملك شقه واجرها في اي طريقه تبيها سواء شهريا ولا سنويا .

الله يوفقك ياارب ويرزقك من واسع فضله

انا محتاجة تمويل لمؤسستي لي استيراد بضايع من الخارج
بس للاسف انا مو من الطائف

لو حاب تدخل شريك حياك الله
التفاصيل بتكون على الخاص

الجواب
صاحب التمويل
خايف فلوسه تطير بالهواء
بمعنى اصح
خايف ينصب عليه
وهذا من حقه

اما صاحب الافكار
فنادرا
ماتجده يستطيع تنفيذها
والعائق الماده بلاشك

الحل
توثيق العقد عند محامي
شيكات بالمبلغ
وقبل كل شي الاستخاره
ومن ثم الاستشاره
وفي النهايه
اسال الله ان يغنينا بحلاله عن حرامه
ومن فضله عمن سواه
شكرا لصاحب الموضوع
تحياتي.

لا تدخل بكامل المبلغ في مشروع واحد خاصة اذا كانت هذه هي تحويشة العمر أو لا تملك سيولة غير هذه الــ 500 الف

فكر في المعدات الثقيلة .. أو مزرعة

ولا تستنى شخص يجيك ويقدم لك دراسة الجدوى وكل شي ... لانك بتكون جاهل في المشروع وبسهولة ينصب عليك

واذا تركك ماراح تعرف تدير المشروع