19-01-2011, 03:43 PM
|
 |
عضو سوبر
|
|
تاريخ التسجيل: Apr 2008
المشاركات: 385
معدل تقييم المستوى: 6131
|
|
السلام عليكم ورحمة الله وبركاته
أسف ياشباب على تأخري عليكم بس توي أوصل الديره وفتحت النت قلت أعطيكم الاخبار
اليوم من الضحى وأنا عندهم في الوزاره ومن مكتب إلى مكتب وكل ماشافني أحد قال وش عندك
وأن علمته عبس بوجهه وقال مافيه جديد تابع الموقع حتى أدبلو جبدي إلا وهك الرجال شرواكم
مطوع جزاه الله خير نشدني عن طلبي وعلمته قال هذولا ما عندهم سالفه بس علم حقين الدبلوم بالفرع فيه لجنه مشكله لهم تداوم هناك مسئوله عن الترشيح ويعطيني أسم واحد منهم
يقاله العناز كان مني واهم وكتب لي ورقه قال روح له
طلعت من عندهم ورحت للفرع ماهو بعيد عنهم خلافهم
يوم وصلت الرجال إلي دلني عليه عطيته الورقه ناظر فيها وقال وش طلبك
قلت يطويل العمر أنا جيك من بعيد ومتعني أبيك تعطيني العلم الاكيد عن وضعنا
سألته في البدايه عن التقديم متى تفتحون ((عشانك يا الجهني))
قال شف معي التقديم بالنسبه لي الوظايف التعليميه رجال ونساء والغير تعليمي بكلاريوس رجال ونساء
فيه خطه ونظام محدد يمشون عليه كل سنه مايتغير وهو التعليميه خلال شهرين 6و7 وغير التعليميه اليكلاريوس شهر 4و5
ام أنتم يالدبلوم فألامر ماهو مرتب وماله خطه محدده يعني متى ماجاء أمر من فوق ((ممكن يقصد الوزير أو غيره مدري)) وقال أعلنو عن تقديم بتاريخ كذا نزلنا الاعلان مباشره في الموقع والجريد
ولكن هذي مني يقوله هو الدبلوم وخاصه الصحيين أذا بيفتحون بشهر 4 وأذا مافتحو بشهر 4 ترى السنه ماهم فاتحين وأنتظرو السنه الجايه شهر 1و2
وسئلته عن فيه ترشيح قريب
قال حنا ننتظر الوزارة يرسلون علينا وظايفهم والصحه إلى الحين مارسلو الي عندهم وخطبناهم وقالو ننتظر الارقام تخصص من الماليه خلال هالشهر ثم نفرزها ونوزعها على الاحتياج والمناطق والتخصصات ومن ثم نرسل الاحتياج لكم وعلى الاغلب أخر شهر 3 أوبداية 4
بس ممكن خلال أخر أو بداية الشهر الجاي يقصد3 فيه دفعه الحاقيه يمكن ماهي كثير على الي رشحنهم أخر شي يقصد 995
وسئلته عن تخصصي عدد الوظايف قال الاسنان وكل الوظايف ما اقدر أحددلك كم بيرسلون علينا
بس على كلامهم بحدود 1500 وظيفة فني لي جميع التخصصات
قلت أذا ارسلولكم بتعلنون عن الترشيح على طول
قال القوئم عندنا جاهزه وأذا مافيه تقديم جديد أكيد راح ينزل الترشيح أخر شهر 4 تقريباً
انتهى كلامه الله يعطيه العافيه ويجزاه خير أنا اشهد أنه ماقصر بيض الله وجهه تجاوب معي بكل الي طرحته عليه وماتظايق ولا دايم مبتسم أذا شافني أنفعلت شوي بكلامي
والله يوفقني ويوفقكم ويرزقنا بالوظيف أجمع
منقوووول بواسطه العضو (سنوني) من منتديات الكوادر الطبيه السعوديه للامانه
|
العرض العادي
