يااخوان :: اكيد الاغلب يعرف اني ترشحت (( طبعاً محد اتصل فيني ولاجتني رسالة ع الجوال!!))

المهم :: حصلت في الموقع مكتوب مرشح مبدئي ( اوكي؟!!)
رحت لفرع جدة قال انت مترشح .. وعطاني اوراق الكشف الطبي .. طبعاً بكره رايح لهم..

المهم(( الارقااام اللي طلعت اليوم .. ماطلع رقمي فيها؟))

ولمن ادخل على موقع الوزارة ( متابعة الطلب)) رجع مثل قبل (( يقول الوثائق مطابقة للبيانات.. ولازلت في قائمة الانتظار)) .. مو مكتوب مرشح.. مع انه قبل كذا كان مكتوب مرشح...

نفس الشيء صار مع احد الاخوان في القصيم.. قالوا له مترشح واليوم راح قالوا له انت مو مرشح..

..

اذا بكره رحت لهم فرع جدة وطلع الكلام صحيح(( ماترشحت)) مع انهم عطوني الكشف الطبي... وش اسوي
هل اشتكي على ديوان المظالم.. والا ايش؟؟

ع العموم:: اشوفهم بكره واشوف اخرتها معاهم.. (( هو لعب عيال على قولة اخواننا المصريين)؟؟

حسبي الله ونعم الوكيل..

^^^

اخوووي سكرتير انا نفس حالتك بالضبط !!!

دقيت ع الديوان قالوا انت مترشح تعال وخذ الكشف الطبي وسووه ع راحتك لانه يطووول شووي

المهم انشغلت مارحت لهم المهم رحت لهم اليووم الظهر وانا بالطريق يدق علي اخوووي قال الاسامي طلعت واسمك مو معاهم

قلت له ضف وجهك انت تستهبل قال قسم بالله ماطلع شي قلت انا بالطريق اشوووف وش سالفتهم المهم جيتهم الموووظف فتح فمه حوالي ساعه

قالي غريبه قلت شلووون غريبه قال انا اذكر يووم كلمتني وقلت لك انك منترشح وبالدمام بعد بس مدري وش صااار ومشيت من عنده وفمه فاتح وماعندهم ماعند جدتي منيره !!!

طيب الحل وش نسووووي صرنا لعبه عندهم مره مترشح مره لا ...

اخووووي سكرتير انا بروووح لهم بكره وانت رح لفرع جده وشف وش الاخبار وان شاء الله سهالات ...

السلام عليكم ورحمة الله وبركاته
كيف حالكم يا شباب المستقبل
اخواني انا معدلى 4.74 من 5 وتقدير ممـــــــــــــــتاز
ولا طلع رقمي ليش كذا
طبعا انا ولله الحمد انقبلة في التحلية لى 4 شهور بس ابق اعرف هي المفاضلة حسب المعدل ولا الواسطة
يعني لو مستني كان صار فيه جلطه من الخدمة المدنية
الله يعني كل مسلم ويرزقه من حيث لا يحتسب
مع تمنياتي بتوفيق الجمـــــــــــــــيع(اكثر من الاستغفار )

السلام عليكم .. يا أخوان مضيع رقم الطلب حقي .. وماقدرت أستعلم عن رقمي فية مشكلة في الموقع

وش الحل ؟

سلام عليكم شباب
شباب انا قدمت عام 1430 وطلع لي رقم يبدا ب 700ومارجعتهم نهائياَ هل يتم استبعادي وهل الرقم يطلع مرتين مره مطابقه ومره ترشيح وهل لو طلع قبل كذا ومدريت أرجعهم الحين ويمشوني تكفون فيدوني

ابتداءً من السبت وحتى نهاية دوام الأربعاء 20/ 3/ 1432هـ

وزارة الخدمة المدنية تدعو 682 من حملة الدبلومات إلى مراجعتها


دعت وزارة الخدمة المدنية 682 مواطناً من حمله الدبلومات دون الجامعية، إلى مراجعة فروعها ومكاتبها في مختلف المناطق والمحافظات ابتداء من السبت المقبل إلى نهاية دوام الأربعاء 20/ 3/ 1432هـ، حسب تقويم أم القرى.

وأوضحت أن المطلوب مراجعتهم هم من تمت مفاضلتهم ممن سبق أن تقدموا لمفاضلة حملة الدبلومات دون الجامعية (رجال) الراغبين في العمل الحكومي في الوظائف الإدارية والفنية والحرفية والصحية، على موقع وزارة الخدمة المدنية على الإنترنت خلال الفترة من 25/ 1/ 1431هـ حتى 19/ 2/ 1431هـ.

وطلبت الوزارة من المعلنة أرقام تقديمهم عند مراجعتهم فروع ومكاتب الوزارة، اصطحاب الوثائق التالية للمطابقة:

- رقم الطلب الذي حصل عليه المتقدم من موقع وزارة الخدمة المدنية، ومن فقد الرقم أو نسيه عليه الدخول لموقع وزارة الخدمة المدنية www.mcs.gov.sa واختيار أيقونة متابعة طلب التوظيف للحصول على رقم الطلب.

- نسخة من الهوية الوطنية مع الأصل.

- أصل وثيقة التخرج مع نسختين منها، موضحاً بها التقدير العام والنسبة المئوية أو المعدل التراكمي وتاريخ التخرج.

- شهادة التصنيف المهني من الهيئة السعودية للتخصصات الصحية.

وأشارت وزارة الخدمة المدنية إلى أن من لم يحضر أصول الوثائق مستوفية لجميع مكوناتها النظامية خلال فترة المطابقة، لن يتم النظر في المستندات التي تتوفر بعد نهاية الفترة المحددة للمطابقة, ومن لم يراجع خلال فترة المطابقة سيعد ذلك عدولاً منه عن رغبته في التوظف، وأرقام المطلوب مطابقة بياناتهم متوفرة على موقع الوزارة.

http://www.*********.com/news-action-show-id-14659.htm



الارقام هوووون

http://sabq.org/sabq/user/news.do?section=5&id=19800

السلام عليكم
ياشباب انا نسيت رقم الطلب وبحثت عنه في موقعهم برقم السجل المدني بس ماطلع لي شيء ؟؟ وش السوات