السلام عليكم ورحمة الله وبركاته
انا واعوذ بالله من كلمة انا بعطيكم التفصيل الممل من المعهد العسكري الي في جده
لاني الحين انا مسجل فيه من الدفعه 16 وابي اتخرج منه بعد 14 يوم إن شاء الله
والدفعه الجديدهـ الي تبي تجي هي الدفعه 19 الي الحين يبي يبداء تسجيلها
اسمه : (( مركز التدريب الحرس الوطني بالقطاع الغربي ))
موقعه : على طريق جدة و مكه السريع في بحرهـ
اقتباس:
المشاركة الأصلية كتبت بواسطة آبوعبدالله
ياخوان والله مادريت صراحه محتااااااااار جدا جدا جدا
|
ابو عبدالله الله يوفقك اخوي ويوفق جميع العاطلين وسجل فيه ما تدري يمكن رزقك فيه كل واحد ربي كاتب له رزق قبل ما يموت لو ان رزقه ذره في بطن حوت والحوت في قاع البحر يبي ياخذ رزقه قبل ما يموت
اقتباس:
|
ناوي اسجل في المعهد الي بالرياض
|
المعهد الي بالرياض انا قابلت ناس عندنا بجده بالدفعه الي تخرجت قبلنا جو على اخر 3 شهور في الحرس
لان الامن العام مشكلتهم الطول في التوظيف اذا تبي عسكري طبعاً
اما اذا ناوي تاخذ شهاده انا انصحك تجي لجدهـ لان الدراسه سهله ونفس المدرسين مقدرين الوضع الي فيه الطلاب
اما الي في الرياض عكس عن الي بجده
الدراسه متشددين فيها اما العسكريه مافيها عسكريه مثل جدهـ
انصحك اجل بجده منها دراسه سهله وغير كذا اقرب الي اهلك .
اقتباس:
|
فيه ناس اعرفهم من الجيران ومن الربع سجلوا ودرسوا فيه والحين اثنين في الحرس الوطني
واثنين في الامن العام دوريات امنية على ماعتقد
|
الله وفقهم وهذا رزقهم والله يوفقنا ويوفق الجميع ويرزقهم
اقتباس:
|
ويوم دخلت المنتدى استفسر رد علي واحد من خريجي المعهد ونصحني اني ادخل هالمعهد
|
وانا انصحك تدخل فيه بدال الجلسه
اقتباس:
|
يعني قال الدراسه سنه واجواء التعليم فيه زي الكلية التقنية اللهم تزيد عليها التدريب العسكري
|
كلام سليم 100%
اقتباس:
|
واذا طلبت عند التخرج انك تتوظف مدني فاحتمال تطول لين تجي الوظيفه اما اذا اخترت عسكري
بيسوون لك فحص ويعطونك رقم وبعدها بكل شهر او كم اسبوع يكلمونك
لانهم راح ياخذون الي يبون من عدد والله اعلم
|
في هذي اختلف معه
لان اول شي قبل ما تتخرج تجي شركات طبعا هي للي مايبي عسكري والشركات هي :: (( بن لادن وشركات ثانيه على حسب )) وطبعا قالو لنا فيه شركه راح تجي جديدهـ مع بن لادن
وطبعا هم بيعطونك ورقه تسجل رغبتك فيها يا عسكري او مدني
واذا عسكري طبعا ما ياخذون الا تخصصات معروفه ويحتاجها كثيرر في العسكريه الي هي :: (( ميكانيكا و ادارة مستودعات ))
وطبعا قبل اسبوع جانا ( 18 ) شخص من الي تخرجو قبلنا وكان عددهم تقريبا في 50 او اقل في الدفعه
وغير كذا تعينهم كلهم في ( الرياض و عرعر ) مافيه الا واحد الي هو واسطه منهم تعين في جدة ونسبته ضعيفه
وغير كذا كان معهم في الدفعه واحد واسطته قويه خاله عقيد في الحرس اسمه ( العقيد / محمد الشهيب ) ولا توظف في الحرس
يعني لو ربي كاتب لك رزقك لا واسطه ولا احد راح يوقف قدامك
اقتباس:
|
بس دخلت اللحين ذا الموضوع وقريت كل الردود وصراحه فيه ردود ماتشجع مادري هل الناس ذولي
|
اقتباس:
فعلا مجتهدين في المعهد ومالقوا وظائف او انهم من المستهترين ويلعبون وبكذا ماراح تجيهم وظائف طبعا
|
لا تعليق
اقتباس:
|
طيب اذا مافيه وظائف حسب كلام احد الاخوان انو معهد فاشل ايش الادله علشان نقتنع
|
من يقول مافيه وظائف فيه الشركات الي تجي بن لادن رواتبها 4000 وشوي
اقتباس:
|
مع العلم انو فيه ناس نعرفهم عز المعرفه توظفوا في الحرس الوطني وفي الامن العام وفي الجيش عن طريق هالمعهد
|
هذا انت شفت الشي من اقرب الناس لك وتعرفهم وتوظفو عن طريق المعهد
اقتباس:
|
والان تزوجوا وصار عندهم اولاد ومبسوطين
|
الله يوفقهم
اقتباس:
|
هل فعلا المعهد فااشل ياخوان ام تنصحون اخوانكم بالتسجيل فيه
|
انا انصح الي جالس وماعنده شي بدال التبطح انه يسجل ما يدري يمكن رزقه في المعهد
اقتباس:
|
وبكل امانه حنا طمعانين في ناس يدرسون في المعهد يعطونا نبذه عن المعهد
|
انا ادرس فيه الحين وباقي لي على التخرج 14 يوم إن شاء الله في 23 / 1 / 1432 هـ
الدراسه طبعا هي 9 شهور ومقسمه على 3 مستويات
كل مستوى 3 شهور يعني 13 اسبوع تقريبا
اعدادي ، متوسط ، نهائي
الاعدادي : اول شي بدايتها مشاة عسكريه ومواد عسكريه ومواد اساسيه : ( مخدرات ، مشاة ، اسعافات اوليه ، ثقافه اسلاميه ، إنجليزي ، حاسب ، ... الخ )
المتوسط : على حسب تخصصك يا علمي او شرعي + مشاة عسكرية كل عصر
العلمي لهم : ( ميكانيكا ، شبكات ، الكترونيات ، دعم فني )
الشرعي : ( محاسبة ، إدارة مستودعات ) واذا كان عدد الدفعه كبير فتحو قسم ( إدارة مكتبية )
النهائي : طبعا تكمل موادك حقت التخصص ولا يكون فيه مشاة عسكرية مثل الاعدادي والمتوسط
اقتباس:
|
السكن كيف زي سكن الجامعات يعني كل شخص غرفه او نظام سريه وكذا
|
لا نظام سرية في خيمة واسمها بركس او مهجع 
اقتباس:
|
هل نحن على مدار الاسبوع في المعهد او مانقدر نطلع نهائيا
|
ايه على مدار الاسبوع تكون عندهم وتطلع يوم الاربعاء الساعه 11 او 10 ونص
وطبعا البداية يقولون لك ( 45 ) يوم عسكريه بس ماتاخذها كامله تجلس اسبوعين و 3 ايام يعني ( 17 ) يوم بس وتطلع الاثنين وترجع الجمعه
اقتباس:
|
يعني نبي اخبار عنه عطونا نبذه عن المعهد حتى نقرر ياندخل او لا
|
هذي الاخبار عنه وبضيف بعد عنه وللفائدة الي يبي يسجل الحين ويبي يجي للدفعه الجديده
اسم قائد المركز ( العميد / فيحان ناصر التعيبي )
راح تكون اسم سريتك : ( سرية الملك عبدالعزيز )
البس المخصص : ( فنلية زرقاء + بنطلون اسود )
اسم قائد السرية : ( الرائد / خالد محمد الصمان )
رقيب السرية : ( حمود مسلم العتيبي )
وغير كذا فائدة المعهد انه يعلمك على الصبر و الصلاة في وقتها و يعطيك لياقه لان كل بعد صلاة فجر هروله كيلو و 800 متر تقريبا على مضمار
وطبعا لك مكافئة شهريه مقسمينها هي بالاصل 700 ريال لكل شهر بس انا لي سنه من 1 / 2 / 1431 هـ دخلت
وطبعا هي سنه كاملة 6 شهور تاخذ 600 ريال و 6 شهور الاخيره تاخذ 800 ريال
لو جمعتها كامله تطلع 8400 ريال
وقسمها على سنه بيصير تاخذ كل شهر 700 ريال
اقتباس:
|
تكفون ياشباب افيدونا ترى لو غيرنا ارئنا وهي بمصلحتنا راح تكسبون اجر فينا
|
هذا والله على ما اقوله شهيد << حسيت اني في محكمة دولية هع 
اقتباس:
|
انتظركم ولكم كل الشكر والاحترام
|
بالتوفيق للجميع
دعووواتكم اخواني
واي واحد يبغى شي عن المعهد يرسل لي رساله او يكتب لي هنا واجاوب له
15-12-2010, 12:48 PM
العرض العادي
