مدير جامعة الملك سعود .. وينك عن هضم حق موظفه؟

غرام الغامدي · #1 (**permalink**) 27-11-2010, 12:34 PM

السلام عليكم ورحمة الله وبركاته

انا غبت عنكم فتره ورجعت لان هذا هو مكاني ..
لكن جيتكم وانا مكسوره ومغبونه
جيتكم وقلبي فيه جمره ابيضت من الحزن
ياناس انظلت واناكل حقي .. وطردوووووووووووووني

جامعة الملك سعود .. الجامعه المحترمه يديرها ناس مايعرفون ربهم
طردوني بتهمه ماسويتها

مجرد تبلي
قطعوا رزقي الله يقطع الخير عنهم
انا محروق جوفي .. حرقوا جوفي .. حرقوني .. كنت ورقه مربحه لهم .. تلاعبوا فيني ورموني

قالوا في وظيفه وجيتهم ركض .. وقابلت وكيلتهم .. واعجبت فيني
وقالت تعالي داومي ورحت
كانت حاطه علي رئيسه تقودني .. اصدرت اوامر علي من اول ساعه شفتها فيها
وقمت نفذت شغل اسبوع في ساعتين
قالت ممكن ناخذك ليل ونهار !!!!!!!!!!!!!!!!!!!!

لايكون انا مكينه ونفس الراتب مايتغير ولا يزيد ..
طيب انا والدي تعبان
عندي ظروف صعبه
مالاهلي غيري ارميهم عشان اجلس معاكم بنصف الليل ؟
متى يمديني ارجع واشوف نفسي ؟
واشوف اهلي والا الدنيا فوضى

قلت تم

انتظرت بعد ماخلصت شغل احد يقولي تعالي وقعي العقد ... ولاعندك خبر

رحت انا اطالبهم
قالت لي الرئيسه وهي تاكل ورق عنب
ماااااااااااااافي
؟؟؟؟؟؟؟؟؟؟؟؟؟؟؟؟؟؟؟؟
كيف مافي وهذي دائره حكوميه .. حتى لو اهليه لازم عقد
لو انا خدامه لازم عقد

قالت مااااااااااااااااااافي ماعمرنا وقعنا ع عقود ؟؟؟؟؟

سؤال
وش يثبت حقي؟
قالت توقيع الحضور فقط
طيب ورق مباشره !!
قالت ماااااااااااااااافي مانعرف هالشي ؟
اجل مين الي يعرفه

هذولا جايبيني استغلال .. سالت الوكيله نفس الكلام .. رحت واتصلت ع العميد
وش القصه

قال روحي للوكيله .. المصيبه مايفهم
قلت هي تقول لالالالا مافي
قال ما ادري !!!
وربكم شاهد ع هالكلام
كيف يعني ؟
قال مدري مع السلامه انا مشغول .. اتصلت مره ثانيه ااكد عليه
رد علي السكرتير
واحد ماجن
جلس يتمايع معي بالكلام .. عطيته ع وجهه قلت وربي لارفع فيك شكوى
راح سبقني ع العميد

واتصل العميد بالوكيله وطردوني ..

انا كنت تعبانه لفتره .. ماقدرت انسى هالموقف .. حتى الي قهرني رفضوا يعطوني كتب زي الموظفات
حطوني في المخزن وبكرسي جنب الزباله ..
الله لايسامحك ياولد السديري

الله يجعلك تشوفها ببناتك .. ويقطع رزقك عاجلا غير اجل

الي قهرني جبت رقمه ..واتصلت اعلمه الصدق .. من حرت مافيني .. قال روحي للوكيله هي الي توظف
ياناس انا الي اعول ابوي وامي .. انا ابي مشلول ..ياناس قطعوا رزقي قطعوا لقمة عيشي
ياناس انا ما اذنبت بحق احد
طول عمري محافظه ع سمعتي وشرفي .. الله ياخذ روحي .. كيف اني فرحت بوظيفه وبالاخير شوتوني عشان عقد
اشوف الموظفات كلا له مكتبه واستقلاليته وكلا له اهتمامه وكلا له احترامه
وانا براااااااااااااااااااااا
لاني مجرد محتاجه ومسكينه .. لاني جالسه ع 800 ريال تبع الضمان الاجتماعي
قولولي .. تكفي حق كهرباء والا فاتورة ماء والا جوالات والا ثابت؟
اصلا ثابتنا مفصول من 9 شهور عادي

ليش هالظلم ؟
انا وش سويتلك يا السديري ؟
علمني وش سويتلك ؟ ترضى احد يقطع رزق اهلك ؟
ترضى احد يهين اختك والا بنتك؟
ليش ظلمتني الله يجعلني ظلمه لك في قبرك وفي صراطك وفي حياتك ومماتك
والله كتبت هالكلام وانا محرووووووووقه
في قلبي نار مضويه ..

كلا يحط نفسه مكاني .. ياليتني اعرف سبب هالجريمه .. ليش دمروني
نفسيا وصحينا ووظيفيا

ليش ؟

msh3al · #2 (**permalink**) 27-11-2010, 08:19 PM

الله يعوضك باللي احسن منها

يالغالية ادري والله قهر بس وقت ماسلمتي امرك لله تأكدي راح ربي يعوضك

{قدّر الله وماشاء فعل}

والله يوفقك ويرزقك ويفتحها بوجهك من حيث لاتحتسبين
وينصرك ويعزك على اللي ظلموك عاجلاً غير آجل

موفقة يالغالية

عربيا انا · #3 (**permalink**) 27-11-2010, 09:45 PM

ان كان كلامك كله صحيح % 100 الله لا يبقي عليه من العافيه شي ,, الله يحرمه السعاده ,, ويحرم كل من عاونه على طردك,, الشكوى لله يا وخيتي,, الله يعوضك ان شاء الله بالي احسن منها,. حسبي الله ونعم الوكيل.

احلم فيك · #4 (**permalink**) 28-11-2010, 03:23 AM

الله ياخذهم لكل من يقطع ارزاق المساكين ...

قسم بالله اشووت برجلي الي يقطع ارزاق الناس والمتكبرين خاصه

اعوذ بالله منهم

ان شاء الله ربي يرزقك بـ وظيفه حلووووه ياارب

سعودي مرجوج · #5 (**permalink**) 28-11-2010, 06:34 AM

وش ذ

ا

هــذا اكبر دليل على الي يقول انه ( البلد باقي بخير ) اي خير الله يهديك بس دام فيه ناس

زي هالأشكال ماتخاف الله .!!

إذا كان عندك احد محرم وبإستطاعته يطلع وينزل معك بالدوائر الحكوميه بأي وقت

فانا انصحك بقوة تقدمين شكوة عليه بالمحاكم و حقوق الانسـان وحتى لو وصلت شكوتك

للأمارة ماعندك اي مشكله أهم شيء انك ماتسكتين عن حقك وفوق كذا لازم تكونين متابعه

لشكوتك لي ماتاخذين حقك وحتى لو طالت .. والشيء الثاني لا تنسين دعوة المظلوم مستجابه

فإدعي ربك وأن شاء الله انها خيره لـك وصدقيني الله راح يعوضك باحسن منها باذن الله

وتذكري انه الله مايبتلي عبده بشيء الا انه يحبه وصدقيني راح تلقين وظيفه احسن منها

بس اهم شيء لا تسكتين عن حقك .. اقل شيء تاخذين حق تعب يومك ولو كان شيء قليل

بس المطلوب الشكوة علشان يعرفون انه فيه ناس ماتسكت عن حقها لو مهما كـان

اعرف واحد توظف في شركه متقاوله مع البلديه ونفس الحكايه بدون عقد ولا شيء ، طبعا هو

تعرف على مدير الشركه وقاله باوظفك عندي بوظيفه راتبها حلو ، والبطاله لها دور

قال تــم

وأستمر فيها لـ شهريآ تقريبآ بدون راتب ولا شي وكل ماراح يساله عن الراتب يقوله بعدين

لين ماجاه بعدين فصـل بدون اي سـبب ..

بس ماسكت لهم وراح يطالب بحقه بالمقر الرئيسي للشركه ( لانه هو كان في فرع لشركه بمنطقه

ثانيه ) ليـن مارجع له راتبه ومستحقاته اللي انوخذت عليه وفوقها رجعت لنفس وظيفته وبعقـد بعد

فانتي لا تسكتين عن حقك حتى لو كان يـوم واحــد دامنهم اتصلو عليك وقالو لك تعالي الوظيفه

جاهزه .. معك انك اخطيتي بداتي في الشغل بدون ماتوقعين على عقـد وتكملين اجرائات الوظيفه

بس حنا كشعب خصوصآ بهالزمن مانصدق على الله نحصل اي وظيفه وسعابيلنآ 4 × 4

ونحسب انه كل الناس بخيـرر وننسى اجرائات الوظيفه وينوكل حقنا ، بس مايمنع انك تكملين

شكوتك

- - - - - - - - - - - - - - - - - - - - - - - - - - - - - - -

أن شاء الله انها خيـره لك والله يرحم والدينا و والدينك ويشافي جميع المرضى

المسلمين والمسلمات .. اللهم اميـن

ولا تنسينا من تطورات هالموضوع

غرام الغامدي · #6 (**permalink**) 28-11-2010, 09:01 AM

امس كلمت العميد .. صرفني وقالي روحي للوكيله .. عندي اجتماع
ودي ارسله رساله اخليه يلف حول نفسه 7 مرات

وش اسوي لو لي احد ماصرت بهالحاله

الكولونيل · #7 (**permalink**) 28-11-2010, 09:46 AM

[align=center]سلام عليكم ورحمة الله وبركاته
لازم تكون فيه لجنة تسمى لجنة الموظفين
وانا اقترح هاذي اللجنة تكون من الاعضاء المشرفين والمسئولين
بالمنتدى بحيث تكون هاذي اللجنة علاقتها مع الاماره وخاصة عملها بالمتظلمين [/align]

عاطله مع الشرف · #8 (**permalink**) 28-11-2010, 10:00 AM

إنا لله وانا اليه راجعون
عليك والله بسهام الليل ودعوه اخر الليل تشيلهم عن بكرة ابيهم

وماتضيق الا تفرج وانا اختك وثقي ثقه تامه ما انحرمتي من هالوظيفه الا بيعوضك ربي بافضل منها
ولي عوده ثانيه بحول الله ...