السلام عليكم ورحمة الله وبركااااته/


اليوم يا زقرت ويا زقرتيات بأروي لكم قصتي أيام الخطوبة بكل شفافية وبكل وضوح وأتمنى كل الناس اللي يقربون لي بالمنتدى يعذروني للصراحة الزائدة اللي بأتكلم فيها /


في يوم من ذات الأيام كنت أفكر بوحده تقرب لي بصراااحه أعشقها بس مستحي وش أقول لأبوي ولا لأمي وهي من الأقاارب .. وكن توني متوظف لي سنة تقريباً والراتب الحمدلله كافي لأفتح بيت .. المهم في ليلتن مافيها ضو قمر قررت أني أفاتح أختي الكبيرة الله يحفظها بالموضوع .. وطبعاً موضوع زي هذا يبغالها مقدماات .. قمت ورحت لمحل الألعاب وأخترت لعبه لبنتها ومريت جهينه حق الحلوياات وأشتريت أنواع الحلى المنزلي وبعض من البقلاوة وما شابه .. وأتصلت عليها وقلت لها أبغاك في موضوع .. قالت خير قلت خير أنشالله الموهم أنا جاي لبيتكم بالطريق .. ووصلتها وقعدنا نتقهوى وناكل من الحلى وأنا على أعصابي مدري وشلون أفتح الموضوع



شوي وقالت يافلان قلت لها سمي قالت أنت الحين ماودك تزوج الحقيقة أني أرتبكت ولا أدري وشلون أتصرف قلت لها من الربكة لا هاااااه مادري .. جلست تضحك وقالت خلااص فهمت .. توني مكلمة زميلتي في المدرسة فلااانه علشان نشوف بنتها فلانه ماشالله جمال ودلال .. الحقيقة أني تشجعت وقلت أدافع عن حبي الأول قلت لها بالفم الملياان لا .. قالت ليه قلت لها أبغى قريبتنا فلاانه


تفجأت قالت بينكم شي ؟ قلت لا والله بس أبغاها أحس أنها تاكل طحينية مثلي وااااجد

طبعاً مدحت فيها وقالت خلاص أنا أسنع لك الموضوع .. ( لأنها بتسأل البنت قبل لا يصير أي شي )


قلت لها سنايدي والله وأعطي بنتها ألف ريال علشان الفسحه قالت توك تدري أن بنتي تدرس ( صارت خدودي تركوااااز ).......


المهم ثاني يوم وأنا بالدوااام مادريت ألا جوالي يرن وأطالع أختي تتصل فيني رديت بسررررعة بشري

قالت كلو تمام بس أنت كلم أبوي وقل له . بصراااحة أستحيت وش بأقوول لأبوي ,,,

ثاني يوم وأحنا على العشاء قررت أفاتح الوالد .. بعدين أستحيت وقلت ياولد خلني أكلمه جوال يمكن أحسن

وطلعت من البيت بالسيارة وأتصلت عليه ..



أنا / ألو

الوالد/ هلا بابوي

أنا/ يـبه شلونك

الوالد/ توك طالعن من عندي بخير وش عندك ؟

أنا / يبه مافي ألا سلااامتك بس بأمرك بالبيت آخذك بنطلع شوي ..

الوالد /لا تكون صدمت بسيارتك

أنا / لا يبه بس طفشان وأبغى نطلع كافي نجلس فيه أنا وأياك

الوالد / ماتبي بعد نروح للقهوة ونطلب معسل وتدق على خويااك يجون بعد

أنا / هههههههه يلا عاد يـبه أنا جاي

الوالد / حياك الله



مريت الوالد وركب معاي بالسيارة ومشينااا.........















































المهم ركب الوالد معاي وأنا مشغل سي دي قصايد علشااان أعطيه جوه .... قال غريبة مشغل قصائد .. قلت أيوالله يـبه صار لي سنة ما أسمع أغااني كلها أشرطه دينية وقصائد ...

قال ماشالله أجل وين بنروح الحين قلت له بنروح للكافي علشان أطلب لك شاي مغربي بعد العشاء.. ألتفت لي الوااالد وأنا أطالع فيه طلع فوق راسه علامة ؟ أستفهااام ( وش يبي ذالولد عسى ماهو متورط في شي )


وصلنا شارع التحلية ووقفنا عند أضواء المساء وخذنا جلسة على الرصيف وكان الجو صيف وحاطين رذااااذ مائي يلطف الجو ..


المهم بدينا نسولف وتشجعت وقلت له يبه الحقيقة أنا ولدك المطيـع وأنا صار لي سنة متوظف وحالتي صعبه .. قال وش ودك ياولدي .. قلت له ودي تخطب لي فلانه قريبتنا من أبوها أبتسم الوالد وقال لي بس كذا .. قلت له أيوالله ( وأنا أستحيت وحطيت حيلي بسلطة الفواكه اللي قدامي . مع أني ما أحبها )

المهم الوالد الله يطول بعمره قال ياولدي أبشر باللي تبيه بس أنت كم عندك الحين . قلت له لا من هذي الناحية لا تشي هم في حسابي50 ألف ريال .. قال ياولدي أبشر تكاليف الزوااج علي والشقة علي وأنت عليك المهر والذهب..

قلت مزبوووط علشان أشخص بخطيبتي بعد الزواااج وآخذها على كوالالمبور ( مدينة العرسان) ..

اللح حصل بعدها بيومين أتصلت الوالدة على والدة البنت وطلبتها لي وقالت خالتي أعطونا فرصة للبنت علشان تفكر ..

طبعاً أستغليت الفرصة وقلت أطلع لأحد المجمعااات أشتري للخطيبة هدية تليق فيها ..

ورحت لغرناطه وأتمشيت وأحترت ايش أهديها وأخيرا قررت تكون الهدية مجموعة عطور فرنسية من ( وجوه)

أخذت الهدية وجلست الهدية عندي أسبوع كااااامل ما ردوا علينا ( والنفسية الله لا يوريكم ) حتى الدواام قدمت أجازة آخر يومين ..........








































بعدها كان يوم خميس وأنا نااايم الصباح ما دريت إلا والباب حق غرفتي يطق بقووه كل أهلي يقطقووون يصحوني من النوووم .. صحيت من النوووم مفزوووع .. وفتحت الباب وأطالع فيهم مبتسمين يقولون أمي تبغااااك تحت يلا قووم ؟؟ أنا ماني فاااهم شسالفة . ونزلت أول ما دخلت على الواااالدة وجات عيني في عينها .. وتحط يدها على فمهااا وتطلق ذيك الزغرووووته ( يللللللللللللللللللللللللللللللللللللللووووش ) وكل البيت يصفقون ويزغرتووون أنا للحين مفهي >>> نسيت أني خااااطب ..

أثرها خالتي أتصلت على الوالدة وقالت حياااكم الله .. وحددو موعد يوم الأثنين علشان نروح نطلبها رسمي من أبوها ..

ومن يوم السبت وأنا في السوووق أشتريت ذاك البشت الأسود وجزمه أكرمكم الله وغترة تجنن وعطورااات وساعة وعقال جديد ووخر عني أول مرة في حياتي أحس أني ( فخم ) .. ويوم الأحد في الليل حاشتني أنفلونزا حاااده وأنواع العطااس وحراااره وكحة وحااالتي صعبة ..

وجاء يوم الأثنين اللي المفروووض نروح نخطب البنت رسمي .. وأنا تحت البطانية ..

هنا قرر الوالد أنه مانأجل الموعد وأنهم يروحون هو وأخواااني الكبااار يطلبونها لي حتى لو ماكنت معهم .. وفعلاً رااااحو ..









































لا تخااافون بكمل .




المهم راحو خطبوهااا .. ووافق والدها وأخوااانها وحددو يوم السبت علشااان نروووح للمستشفى علشان شهادة التوااافق ..

وأنا كنت على أعصااابي _ كنت أعتقد لو ما حصل توااافق ما أقدر أتزوجها)