السلام عليكم ورحمة الله وبركاتة
صراحة في سوال بالي ليش كثر عزوف شبابنا عن الزواج وصار البنات في بيوت اهلهم جالسين
الموظفة والي مو موظفة جالسات
انا وحدة من صديقات معلمة وبنت عايلة فوووق هذا جمال وغير كذا الي الان مااحد طق بابها
مع انها في 28 سنة ليش صار الشباب السعودي يفكر ياخذ اجنبية وبس ومايفكر بنت بلدة
عطوني رد على سوالي الله يعافيكم يارب
الموضوع للنقاش الجاد
تحياااتي
تاج الزين

الله يوفقك يا تاج الزين
الحديث يطول في هذا المجال
بطالة و راتب لا يساعد و جشع و طمع
و عدم جدية لدى البعض و النتيجة امام الجميع
مشاكل و طلاق و إنحرافات و خلوات و سفر للخارج
و مواليد بالالف للسعوديين في الشوارع
و هنا نجدهم في البيوت 3 و4 و 5 و هذا بعيد عن عضل البنات
و يوجد الكثير منهم يصل عمرهم 35 و 40 بدون زواج
حتى نعرف ناس ميسورين بل مرفهين لكن لا يستمر الزواج
الله المستعان
ظهرت المراة للعمل و جلب الوافدين سبب رئيسي
و لا ننسى الدورات و المحاضرات للمقبلين على الزواج
يجب أن يدرس و حتى تكون من ضمن المناهج

المشكله بالبطالهـ وعدم توفر الوظائف
او راتب ما يكفي لأي شي هذا غير غلا المهور عند ( البعض )

واذا انحلت هاذي المشكله بتنحل كثير من الأشياء



والدنيا ارزاق وتوافيق



شكرا لكـ

وعليكم السلام ورحمة الله وبركاته

غلاء المعيشة اول شي من ناحية السكن وغلاء من ناحية الماكولات وغيرها الكثير والرواتب على الاقل 2000 وانت طالع وفيه بعد 1500

يالله لعلة خيرة ان شاء الله

الله يكتب الي فيه خير وصلاح

كل واحد امنيته انه يتزوج ويكون له بيت استقرار
بس كل واحد بظروفه يا عاطل ولا الراتب ما يساعده يزوجه

دعواتكم لي زواجي قريب
وربي يرزق كل واحد فيني

من جد في مناسبه قبل اسبوع وجالسه اطالع بالحريم
وربي كل وحده عندها ولدين او3 فوق الثلاثين ولاقد تزوجو وإالي تزوج وطلق ولعد تزوج ابد من سنين<< الاكيد يسدد عن زواجه الاول
من جد صارت ضاهره تخوف يمكن الاولاد اكثر من البنات
الله يستر علينا

راجو القحطاني يامال العافية
خريجة التنقية الف شكر
احساس حنون اللة يوفقك يارب
العزة لاسلام وفي الصميم اللة يوفقك يارب

وعليكم السلام ورحمة الله وبركاته

معليش انا اختلف معك احنا مانفكر ولا راح نفكر فالاجنبيات

انا مستعد اتزوج اللحين بس قلولي بالله من وين اصرف على البنت انا مالقيت اصرف على نفسي

مشكور عل الموضوع والله يوفقنا وياكم

الكلام في ذا الموضوع يطول ..


البطاله لها دور قلة الوظائف برواتبها اللي ما تاهل الواحد يتزوج ويكون نفسه مثله مثل غيره

رواتب تكون قليله لا تكفي لتكاليف زواج وايجار شقه مع اثاثها والسبب كل شيء صاير غالي

الواحد مايطمع في وظيفه راتبها من 7 وفـوووق علشان يقول انا جاهز للزواج وتكاليفه

بس الواحد يبي راتب معقول مو اروح اتوظف في وظيفه وراتبها 1500 ولا 2500

مير راح نصها ايجار شقه والباقي مصـروف ( طبعا بدون تكاليف المهر والحاجات الي زي كذا )

والاكيد راح ينقص منه شيء سوائآ سياره او اثاث ناقص او ثلاجه فاضيه مافيها الا معلبات

وشبكه العنكبوت < ترا هذي شسمه عناكب جايتنا من القطب الشمالي

هذي اسباب قليله للخطوة الاولى في التكاليـف والراتب والـخ ..


والشيء الثاني عندك بنات توصل الوحده عمرها لـ 26 سنه ولو تقولين لها وين المطبخ ؟؟

بتقولك في غرفه نومي

ماتدل دربه

وماننسى هالشيء بعد حتى الرجال في بعضهم يوصل عمره لسـن كبير مابين 25 - 35

ومو كفو للـزواج ولا يتحمل مسؤلياته مع انه عنده الاستطاعه لتكاليف الزواج من إلـى

والنهايه تكون طلاق وعيـال وبنات بدون اب او أم .. هذا في حاله اذا ماكل واحد منهم تزوج مره

ثانيه .. وعلى فكره ترا بعضهم يتزوجون سوائآ اب او ام ، مره ثانيه وينسون عيالهم

ماعندهم ضمير واحسـاس هذولآ حسبي الله عليهم بس

يعني زمـان زمااااااااااان مره مره < اخس عليك يالي عشت في عهد الملك عبد العزيز

صدق وقتها كانت الوحده تكون عمرها 15 سنه وماسكه بيت بكبره والولد مثلهآ ويكونون قد

المسؤليه <<<<<< كل واحد يسال امه وابوه متى تزوجو

بعكس هالزمن الحين الواحد يروح يطق باب البيت

وماخذ ابوه وعاوز يتقـوز ويكمل سنه الحيـاهـ

فجأه يردونه والسبب البنت تبي تكمل دراستها والا البنت ماتعرف تطبخ الحين وماهي قد المسؤليه

وعمرها واصـل فوق الـ 20

ايعقـل هــــذاا .؟

لها اسـباب كثيــــرره وبعض الرجال ماعاد يبي يتزوج والسـبب انه متعرف له على اكثر من بنت

وطلعات وسهرات ومدري وشو زي واحد عمره واصل لـ 30 وهو مدير في شركه ساله واحد من

اصحابه قاله ياخي عمرك وصل لـ 30 مافكرت تتزوج وانت ماشاء الله معك الماديه حلوة .؟!!

قاله وشو له اتزوج والبنات عندي وكل شيء < ترا مافقع مرارتي برده

تخـلف في بعض الناس كل همهم لـذه الدنيـا


----------

عسى الله يهديكم ويهدينا وياكم ان شـاء الله وبإختصـار شديد < بعد ايش


اتوقع اذا توفرت الوظيفه براتبها الزيـن مب 1500 ولا 2500 هذي يالله تعيشنا حنا

ورخصت السلع والحاجات الي زي كـذا والاهم ( المهور ) والذهب ودورات تكون تاهيليه

للي مقبلين على الزواج وتكون اجباريه زي الفحص الطبي اتوقع هنا باذن الله الواحد الاحـد

نادرآ مانشوف حد مو متزوج بس اتوقع بتكون فيه احصائيه بعد بعد 15 سنه ويكون عدد سكان

السعوديه بدال ماهوب الحين 27 مليون نسمه بتكون ضعفها عاد عندنا شعب ماشاء الله

يتزوج الحين بعد خمس سنين عنده 6 عيال

بيسمونا الصين نمبر تو


------------------------------------------


وحتقــــــــوز حا تقـــــــــووووززز