مشروع محل حلويات

جروح الامس · #1 (**permalink**) 28-11-2010, 07:18 AM

بسم الله الرحمن الرحيم

السلام عليكم ورحمة الله وبركاته

صبحكم الله بالخير

يااخواني واعزائي انا عندي فكره تراودني من سنه تقريبا وانا متردد

هي مشروع فتح محل حلويات وشوكلاته طبعا يكوون فيه تورتات اكيد.....

وودي اعرف يعني وش اهم شي وكم يكلف البدايه... وعارف ان الديكور ضروري جدا..

لكن من وين البضاعه الحلوه والشوكولاته الممتازه النادره الوجود...
مع العلم انني في مدينه ليست بالكبيره ...... ابي ارائكم ونصائحكم ومعلوماتكم

شهرزاد احمد · #2 (**permalink**) 28-11-2010, 07:32 AM

موفق بإذن الله ... لك مني أجمل تحية . يجي من يفيدك

جروح الامس · #3 (**permalink**) 28-11-2010, 07:34 AM

مشكورر اخووووووووووووووووووووووووي شهرزاد

سااااري الليل · #4 (**permalink**) 28-11-2010, 07:50 AM

موفق بإذن الله ...

هِـــَـِزاعً · #5 (**permalink**) 28-11-2010, 10:32 AM

حياك الله اخوي جروح الامس

اول شي عسى الله يوفقك ويسدد خطاك وبصراحة امور الشرب والاكل هي المشاريع اللي تمشي وشغاله على احسن مايكون

ومشروع الحلويات بيني وبينك مربح اذا عرفت كيف تبدأ بطريقة صحيحة مثلاً يكون عندك معلم حلويات ومعلم فطاير ويكونون محترفين وشغلهم صح

لكن انا اقترح عليك قبل لاتفتح محل حلويات وتتخسر ديكورات وايجارات وامور مالها نهاية ليش ماتفتح في البداية معمل حلويات وتتعاقد مع المحلات اللي ماعندها معامل والكافيهات والفنادق وتنزل عندهم انتاجك

يعني معمل حلويات ممكن تستأجر في منطقة رخيصة ماراح يتجاوز ايجار المحل الـ 10 الاف لمدة سنة والمعدات وتسليك المدخنه قول 20 الاف وهذه حسبة على السريع والمعلمين الاثنين وعامل واحد في المعمل وعامل سايق موزع وعلى هالموال

هذه البداية وبعد فترة ممكن تقدر تفتح نقاط توزيع في اي حي تبغى
وهي مجرد فكرة كنت افكر فيها قبل فترة وصرفت النظر عنها لأني انشغلت في امور غيرها

اتمنى لك التوفيق

معين · #6 (**permalink**) 28-11-2010, 11:12 AM

أخوي هزاع الأخ يسأل فعلا عن معمل لكن ما عرف يعبر عما يريد جيدا

وسؤاله محدد يبي يعرف التجهيزات للمعمل

والمواد المستخدمة في عمل الحلويات والتورتات والشوكلاته

يحتاج الأخ المحلات الي تبيع مكونات التورتات والشكولات كمواد خام

ويحتاج معرفة التجهيزات للمعمل من عجانات وافران وثلاجات عرض وصواني وقالب الشكولاته

يبي يعرف اسماء الشركات الي توفر التجهيزات هذا

مي وضي · #7 (**permalink**) 29-11-2010, 01:19 AM

اخوي نصيحه ابدأ اول شي بالشوكلاته المغلفه

وخاصة اللي تجي من لبنان

فيه شي محشي بالاوريو وشي محشي بالتشيز كيك وانواع مختلفه من الحشوات

ونصيحه محلك لاتحط فيه ديكورات كثيره لان لو تلاحظ اغلب المحلات الناجحه مافيها ديكورات

اللي فيها فن في نفس السلال حقت الشوكلاته وطريقة تزيينها

وخل المحل صغير والاهم هو الحلاو اللي جوا المحل

مثل محل عسل وسكر محل صغير وفي حي الراوبي ويجونه العالم من كل مكان في الرياض ولا فيه اي ديكور

بس اللي فيه شكولاته تجنن

وسعر الكيلو عنده 150 ريال

جروح الامس · #8 (**permalink**) 29-11-2010, 01:40 AM

اشكر الجميع اخ هزاع واخ معين ومي وضي
على تجاوبهم وممتن لكم شاكر لكم جزيل الشكر

افدتوني ... وانا لا اقصد معامل.. اقصد محل عادي لبيع الشوكولاته والحلويات فقط