29-11-2010, 11:30 AM
|
عضو نشيط
|
|
تاريخ التسجيل: Mar 2010
المشاركات: 120
معدل تقييم المستوى: 30
|
|
السلام عليكم
ياجماعه هدوا الموضوع مو مستاهل
حبايبي كلنا تخرجنا وحاطين في بالنا انو بنلاقي وظائف في كل مكان
بس انصدمنا وكل مكان يطلب خبره طيب كيف واحنا تونا متخرجين
انا معكم انو شغل الخاص صعب وشغل كثير بس ايش تسوي الوحده مايهون عليها سنين دراستها وكرفها
وفي النهايه تجلس بالبيت وغير كذا ظروف الحياه الصعبه وانو الوحده لازم تشارك أهلها باللي تقدر عليه
حتى ولو الرواتب قليله
وفيه اماكن عادي تدربك ماعندها مشكلة بس تدفعين رسوم وقدرها طيب كيف وانا ما معي وجالسه ادور وظيفة بصراحه الوحده ماتقدر عليها
فيه بنات تتحمل انها تتعب وتشقى لانو في النهايه الوحده لازم تسعى والارزاق والوظائف بيد ربنا يعني ماتدرين
ممكن المدرسة اللي دربتك ما توظفك بس سبحان الله مدرسة ثانيه تكون محتااااجه ويوظفونك
يعني في النهايه ياحبايبي كل وحده هيا اش تبغى وايش تتمنى واذا الوحده درستها وحبت الفكره وشافت انو
التدريب راح يفيدها وهيا عندها هدف تقدم والله ييسر لها وبالعكس افضل فرصه تدريب مجاني
واذا لا شايفه انو اهدار لوقتك وجهدك ومو حاسه راح يضيف لك شئ مو مشكلة وماراح احد يقول لك ليش
لانو بالنهايه انتي راسمه لك طريق وان شاء الله ربي ييسر لك
الله يوفقنا جميعا وييسر دربنا ويرزقنا جميعا الوظائف اللي ننبسط بها
|
العرض العادي
