السلام عليكم ورحمة الله وبركاته ...

اسعد الله مسائكم / صباحكم يااخواني واخواتي الاعزاء بكل خير واسأل الله ان يجعل سنتكم الجديده سنة خير ويسر ورزق وبركه في المال والنفس والاهل وان يجعلها سنه عبادة وطاعه ...

اخواني واخواتي الاعزاء ..
انا نويت اني ابداء في مشروعي الثاني بعد فشل مشروعي الاول والمشروع هو مغسلة سيارات بالبخار وللعلم فالمنطقه التي أنا فيها لايوجد بها مغسلة سيارات بالبخار وعندي بعض الاستفسارات التي اريد ان اجد إجابه عليها منكم حفظكم الله جميعا :-

* من خلال مروري على بعض الاجهزه وجدت عدد من الاجهزه وهي الاوبتيما - وستيم جت - جهاز من شركة البركات وهو مركزي خلاف السابقات التي هي متحركه ... ولاكن يااخواني ماادري وش الاحسن منها والذي يكون عملي ومواصفاته عاليه ...؟؟؟

* هل من الافضل ان يكون المكان داخل مغسله او في مكان مستقل ...؟؟؟

* هل من الافضل ان افتح معها في نفس المجمع مغسله عاديه يدويه بحكم ان مغسلة البخار جديده على المنطقه ولكي تشيل بعضها وتغطي مصاريفها ...؟؟؟

* ماهي الافكار التي ترونها ترقى بهذا المشروع الجديد على المنطقه كليا ...؟؟؟

* ماهي الميزانيه المحدده للمشروع لاني عملت اكثر من ميزانيه وبأسعار مختلفه ...؟؟؟

--- اتمنى من الجميع عامه ومن الذين عندهم خلفيه عن ماسبق خاصه ان يفيدوني فيما سألت عنه وعدم التجاهل لانني والله في امس الحاجه لما سألت عنه ....

اخيرا اسال الله ان يجزي الجميع خير الجزاء ....

تقديري ...

والله يالغااالي مالي علم بالامور هاذي ابد ابد ولا لي خلفية عنهن

مرريت لارفع موضوعك رفع الله قدرك


بالتووووووفيق يارب

هي ماكينة البخار ب 25 الف على ما اعتقد واحد لتر لكل سيارة
وفيه ماكينة بمية الف لكنها تكرر الموية وتعملها تنقيه يعني توفر لك مويه اللي تغسل به السيارة يرجع له بطريقة وتكرره
وبناء عليها تبني ميزانيته
المغسلة موقع استأجار اما يكون جاهز او انك تجهزه وهنا بتتم توضع ميزانيتك حسب المتوفر من المواقع وجاهزيتها
ولوحة محل وتراخيص لازمه هذه بسيطة
اهم شيء العمالة وطقم ملابس وادوات الغسيل والتلميع
وركن لادوات الزينة

وتحياتي

السلام عليكم ورحمة الله وبركاته
تفضل

اخوي انا غسلت سيارتي بالخار لأني كنت ابي افتح مغسلة بالخار اول مادخلت المكائن هذي المملكة لكني حقيقة لم امل لها وشفتها ما تستحق

ما فيها فرق عن تمسيح السيارة من بواب العمارة اللي اسكن بها

يعني ما شفتها تستحق الخسارة ولا اشوف عليها اقبال من الناس

اللي انصحك به حقيقة بحسب ما بحثت في الموضوع هذا

يبي لك مغسلة بستم وفيها وحدة لتلميع السيارات مثل التلميع الساطع سابقا لكن حاول يكون التلميع فئات وفي مقدور مالك السيارة يكرره شهري

وان قدرت ويكون افضل على وحدة للنجيد وزينة السيارات وتركيب المسجلات والتلفزيونات يكون افضل

ومعهم يبي لك بنشر وترصيص كفرات ووزن اذرعة ومقصات وتغيير زيوت واصلاح كسور الزجاج

اهتمامك بالسيارة يكون شامل وتعطي العميل تقرير عن السيارة مكتوب باحتياجات السيارة لو فيها مشاكل ميكانيكة او كهربائية والمطلوب فيها وطبعا الأصلاح مو عندك فقط اعلام الزبون

اللي تهتم له بانك تجعل المحل له عضويات بزيارات شهرية اواسبوعية وفئات للخدمات اللي تقدمها

لكن لابد يكون عندك خدمة تقدمها لكل العملاء وهي غسيل السيارة من الداخل والخارج بسعر واحد بالبستم ومعها تلميع السيارة من الداخل والخارج خدمة اضافية بمبلغ اضافي التلميع من الداخل والخارج يكون به معالجة الخدوش وتربيط الطبلون او الأدراج لو فيها خلخله ومحاولة اصلاح العيون الظاهرة للعيان في داخل السيارة بدون تكلفة عاليه عليك مثلا مسمار سقط من موقعه تبدله بمسمار آخر

ناتي للفقرة ألأخيرة وهي خدمة العميل

لابد يكون عندك بالموقع غرفة مجهزة لأستقبال العملاء وفيها استراحة مكيفة وبها جلسات وخدمة انترنت تقدم للعميل مجانية وركن قهوة وعصيرات طازجة وفيها طاولة بالصحف اليومية والمجلات

وفيها قنوات ترفيهية علمية واخبارية فقط

حقيقة انا كدت اسوي المشروع هذا لكني توقفت عنه لأني انشغلت بأمر أخر أهم لدي منه

ولكن لازالت الفكرة براسي وان شاء الله اسويها الفترة القادمة

للرفع وساعود للرد قريبا ...

انا اشوف انها اجهزه لا تستاهل سعرها ومبالغ فيها
ولا يوجد اقبال على هذه الخدمه

موفق بإذن الله ... لك مني أجمل تحية .

بالتوفيق

وان شاء اللة ينجح مشرووعك

واكون زبون عندك...

بس لازم يكون لي سبشل دسكاون...هههه