كيف احوالكم يا اعضاء بطاله
ودي اخبركم وش صار معي لما شفت اني خاضع لنظام التامينات زانا ما عمري اشتغلت في اي مكان
وما عمري قدمت في اي شركه:


لما رحت وشيكت ع الربط بتاع التامينات شفت اني خاضع للنظام كان الوقت يو الاحد الي فات مو الاحد ذا بعد صلاة الفجر
قلت خليني ادق ع رقمهم المجاني
ودقيت عليهم رد علي الموظف اسمعه يقولي مرحبا يا وليد تفضل وش مشكلتك
لانك لما تدق ع الرقم يقولك ادخل رقم السجل.

انا طبعا قلتله من وليد قال انت وليد قلتله انا اسمي كذا وكذا
قال لا هذا السجل باسم وليد
قلتله هذا الرقم حقي انا مو وليد قال انت وليد محمد اليامي شغالفي شركه هشام مادري وش اسمها
المهم قلتله لا انا اسمي كذا

قال لي راج المكتب الي في المدينه عندكم قلتله اوكي
والله اروح لين المكتب الي عندنا
وخبرته بالمشكله قال انت مضيع البطاقه
قلتلو لا قال ما اشتلت من اول قلتله شوف الاسم مو اسمي وعطيته البطاقه
قال ايه صح مو انت قلتله ليه واحد شغال برقمي
قال ممكن ان ارقامكم متشابهه قلت وكيف الي كتبوا بيانات الرجال ما يعرفو يفرقوا بين الارقام
قال لحظه روح صور البطاقه حقك وتعال
وبعدين عطيتهم الصوره قال لي ساعه واسمك يتعدل
قلتله اروح اشيك عليه احصله معد قال ايه
قلتله طيب اعطني رقمك عشان ادق عليك اذا ما تعدل ادق عليك
عطاني رقمه
وجيت البيت واشيك باقي عنظام التامينات
دقيت عليه قال الحين ارسلنا بياتاتك للمكتب الي في نجران انا ساكن في جيزان
واشيك اليوم الثاني وباقي واليوم الثالث وباقي والرابع والخامس اهم شي مر اسبوع وانا باقي خاضع للنظام
قلت خلني ادق ع الرجال دقيت عليه واسمعه يقولي انت ازعجتنا والله لاطلع رقمك من مدري وين ولشتكي عليك
قلته انت تكلمني ولا تكلم احد ثاني قال انت
قلتلو انا قال ايه خبرتو باسمي عطول عرفني وقال لا تزعل ممكن احد غيرك ازعجني
قلتله اهم شي وش صار ع الموضوع هذا كان يوم الاحد الي مر
قال مكتب نجران ما تجاوب معنا قلتله ليه قال مدري قلتله طيب تبيني اروح عندهم قال لا
قلتله طيب انتو ليه فاتحين مكتب قال والله لو واحد غيري ما سوا معك مثل ما سويت انا
قلتله طيب متى بتعدلوه قال كله ع مكتب نجران
واخذت رقم مكتب نجران
قبل ما ادق ع مكتب نجران دقيت ع الوزاره الي في الرياض باشتكي
قال لي احد موظفي الوزاره خلاص احنا بندق ع مكتب نجران قلتله خلاص

وبعد ساعه دقيت ع مكتب نجران ع طول عرفو مين انا وقالو الحين بنعدله
بعد كذا رحت نمت وصحت واشيك ع الرقم

طلع انت لست مسجل بنظام التامينات الاجتماعيه
اول كان انت مسجل وخاضع لنظام التامينات

والحمدلله الرقم حقي صار مو مسجل بالنظام

حبيت اخبركم وش صار معي في التامينات

موفق بإذن الله ... لك مني أجمل تحية .

موفق خير لكن تدري لك احقيه اذا استغل اسمك انك تشكي وتطالب بتعويض استغلال اسمك وصارت قبل مع شخص واشتكى على اميرالمنطقه مباشره لان بعض الشركات او موظفى المكتب العمل مايخافون الله ويستفيدون تحياتي لك

صباح الخير في الليل
و الله ما ينلام يوم قالك ازعجتنا
و صرفك و قال أظنك واحد ثاني
تراهم خدومين و متعاطفين أكثر من غيرهم
و ناس تحترم المراجع و لا رشاوى او تزوير
اما انك مسجل باسم اخر هذا غلط منهم او من اللى سجلك في التامينات
الان تاكد من اسمك في مكتب العمل هل يوجد نهاية خدمة او على راس العمل او غير مسجل في البيانات
و تعرف من اللى سجلك حتى في التامينات

السلام عليكم
عندي استفسار
ماعمري اشتغلت بمكان ابدا ابدا ولامسجله بالتآمينآت
ودخلت ع وزاره العمل
استعلام عن موظف سعودي وبرقم الهويه تبعي طلع لي اسم رجال
جربت ارقام الهويه تبع اخواني طلعت اسمائهم عادي
اوما التآمينآت غير مسجل
وش الهرجه ؟؟