السلام عليكم ورحمة الله وبركاته

بسم الله الرحمن الرحيم

ابي ادخل بالموضوع على طول

انا تخرجت الفصل الثاني السنة الماضية و جامعي

وقدمت على نظام التعاقد بنظام الساعات مع ادارة التربية والتعليم بالرياض

وعلى ماظن انا العقد منتهي بالترسيم لاني تخصصي احتياج وناجح بقياس والمقابلة

المهم الان انا ابي الغي العقد لاني جامعتي طلبتني معيد عندها وابي الطريقة

وبالمناسبة الاوراق اللي ابي اقدمها للجامعة فيها سؤال هل سبق ان عملت في اي وزارة حكومية او اي جهة حكومية

ومكتوب خيارات ومن ضمن الخيارات عملت بنظام الساعات وخيار ثاني متعاقد حسب اللائحة رقم

( ناسي الرقم ) وفيه خيارات كثير بس حيرتني هالخيارين بس اتوقع اختار نظام الساعات

ومكتوب متى الغيت العقد وانا اصلن للحين مستمر في العقد وكذلك مكتوب ماهي الجهة الحكومية

هل اكتب وزراة التربية والتعليم او الادارة العامة للتربية والتعليم بالرياض .

مدري ياليت احد يرد على بسرعة لان التقديم بكره

شـكرا لك وبارك الله فيك ... لك مني أجمل تحية .

نظام الساعات سالت شخص عنه وجاوبني
تفيدك ان كنت تبي تكون مدرس
يعني دوامك على الساعه ايام الاجازات مالك شيء فيها

ولو اني معيد كان افدتك اكثر ولكن هذا اللي عندي

بالتوفيق اخوي

اقريقيا

تسلم يالطيب عالرد

وبالتوفيق للجميع

بس وش تقصد تفيدك ان كنت تبي تكون مدرس

يعني تحصلها نقاط لك يفضلون علي مدرس اخر في نفس تخصصك
هذا اللي اقصده
وسالت شخص الان يقول التعاقد يكون بينك وبينهم عقد يبدا من تاريخ كذا وينتهي بتاريخ كذا ومكتوب رواتبك كلها
اما الساعات فمثلا الترم هذا عندك 16 ساعه والترم الجاي عندك 20 ساعه ويحسب راتبك على الساعه

<< تفلسفت صح

بالتوفيق

مادري اسئل الديوان الخدمة المدنية
هو ابخص بتعبئة الاستمارة
وبتوفيق

مبرووك أخوي فارس .. ما شاء الله تبارك الرحمن

بالنسبة لنظام العمل أختر نظام العقد بالساعات ..
بالنسبة لتاريخ إلغاء العقد أنت اسأل الجامعة متى راح تباشر عندهم ؟
وحاول قبلها تلغي عقدك مع الإدارة و تكمل باقي الأوراق ..

بالنسبة للجهة أختر وزارة التربية والتعليم بين قوسين ( إدارة التربية والتعليم بالرياض )

بالنسبة لطريقة إلغاء العقد راجع إدارة التربية والتعليم وحاول تعرف منهم أكثر


وفقك المولى

إذا في العقد اللي بينك وبين أدارة التعليم بند (( يحق لك فيه إلغاء العقد )) عندها ألغه ورح للجااامعة

أما إذا رفضوا إلغاء العقد وقد يطالبونك باالرواااتب اللي عطوك زي المدااارس الأهلية بالضبط

فأكيد فيه بند أنه إذا غبت أكثر من 15 يوم بدون عذر يلغى العقد اللي بينكم

وأكيد مباشرتك للجامعة ماراح تكون قبل الترم الثااني ويمدي العقد يلغى ولا جاء الفصل الثاني


أما أوراق الجااامعة و الخااانة اللي مكتوووب فيهااااا

هل عملت بقطااع حكووومي ؟؟؟؟

فقلهم لا ؟؟؟؟؟ وريح راااااااسك من سين وجيم وهات و جب !!!!!!



وبالتووووووووووووفيق

الله يوفقك يا غااالي