ماشاء الله تبارك الله عندي موهبه ابغا استفيد منها ولااملك رأس مال ابغا افكاركم

لمساتي · #1 (**permalink**) 30-11-2010, 05:54 AM

السلام عليكم اخواتي واخواني
مـــــــــــا شــــــــــــــــــاء اللــــــــــه تبـــــــــــارك اللـــــــــــــــه

انا الحمدلله عندي موهبه بس للاسف ماني عارفه استغلها صح

وللاسف عندي عائله تفشل وتفضح
وفوق هذا مايدفعون يعني يدفعون للغريب ولايدفعون لي
الحمدلله بس وان سويت لهم مالقيت ولاريال حق التعب********ميته قهر عليهم

وهذي بعض الصور توريكم شغلي
انا احب التغليف بكل انواعه وماعندي امكانيات الحمدلله علي كل حال
فاستعمل كل شي عندي فالبيت ههههههههههههههه حتي السبح ماخليتها قطعتها واستعملتها

بس مشكلتي مااصور وبديت اصور عشان يكون مرجع لي لو حبيت استغل موهبتي
يالله اوريكم كم صوره وطبعا عليها اسمي فبعض المنتديات لاني اشتركت فمسابقه عشان احفظ حقوقي>>>قصة حياتها

ابغا اسمع منكم افكار لاتنسون اني مااملك رأس مال كبير هيا 1000 وبس ولاتقولوووون سوي لااهلك غاسله يدي منهم

ابغا افكار اني اسوق لنفسي واشتغل تغليف للافراح وتوزيعات وشغلات زي كذا

بس فهموني اش اسوي بليز كيف البدايه هل في محلات ممكن تاخذ مني يعني اتفق معاها بس محتاره كيف ابدأ

[IMG]http://img104.******.com/2010/11/30/57023231.jpg[/IMG]

[IMG]http://img104.******.com/2010/11/30/492914128.jpg[/IMG]

بن هديبان · #2 (**permalink**) 30-11-2010, 06:04 AM

الله يوفقك ويرزقك الرزق الحلال
ممكن تعملين عينات علب افراح وترسلين بها احد لمحلات التغليف وعلب الافراح وتحطين على كل علبها السعر وتعطين المحل نسبه,,,
لازم التعب وتمرين على اكثر من محل وقوليهم نسبتك محفوظه
احسبي التكلفه والعموله ومربحك ,,,
العرض كل ماكان متنوع كان احسن واظن عرض لكل موديل علبه واحده مابيكون مكلف

وبالتوفيق

لمساتي · #3 (**permalink**) 30-11-2010, 06:13 AM

طيب كيف اقدر احفظ نسبتي ممكن ياخذون التصميم وينسبون التصميم لهم

حتي التوزيعات يسون نفس الفكره وهذا الي مخوفني انهم مايعطوني نسبه بالله وضح اكثر عشان افهم واستوعب

بن هديبان · #4 (**permalink**) 30-11-2010, 06:27 AM

انا ما اقصد هم يعطونك نسبه
القصد...
انك تعملين عينات علب افراح
لنفرض ان العلبه كلفتك مثال 7 ريال , تعطينها المحل اعرضها بسعر 13 ريال للعلبه الواحد واقل طلب مثلا 100 علبه
وتقولين لعمال المحل لك على كل علبه ريال واحد
يعني تكلفة العلبه 7 ريال+1 ريال عمولة العامل = 8 ريال التكلفه ,,,سعر البيع 13 ريال يصبح ربحك في العلبه الواحده 5 ريال
بالنسبه لسرقة التصميم ممكن انك تضيفين بع الاكسسوارات هم مايعرفوم من وين جبتيها,,,,!!! او ممكن تصوير العلبه فقط وعمل كتلوج صور متكاما لانواع كثيره ومختلفه لعلب الافراح وتوزيع الصور لاكثر من محل

ياحظ ويينك · #5 (**permalink**) 30-11-2010, 06:36 AM

^^

سبقتني يا بن هديبان

فكرة الكتلوج افضل بكثير

كمان ممكن انك تسوقين لاشغالك في المدارس والجامعات حقت البنات

يعني مو شرط تكون عروضك في المحلات بس

وبالتوفيق ان شاء الله

لمساتي · #6 (**permalink**) 30-11-2010, 08:21 AM

فكرة الكاتلوج افضل بكثير مشكورين برضو فكره وراح احاول ابتدأ فالكاتلوج بس المشكله فالامكانيات

فكره روعه بصراحه طيب غير علب الافراح والتوزيعات زي مثلا التغليف وتغليف الهدايا

الجامعات صعب عليا اني اعرض شغلي فيها

مش معقول · #7 (**permalink**) 30-11-2010, 08:44 AM

ما شاء الله
أتمنى لك التوفيق
يا غاليه يمكن أهلك صح ما يشجعونك لكن أكييييييد انهم ما يكرهون نجاحك ثقي بهالشيء
يعني ابدأي مع نفسك
دوري في المنتديات شوفي البنات كيف يسوقون لنفسهم
وتعلمي بعد منهم و كيف كانت بدايتهم

أغلب مشاريع البنات كان نجاحها من بيتها
يعني تسوي أشياء وتعرضه على أهلها و تبيعه عليهم وتبدع فيه

لو عندك مناسبه قريبه لوحده من أخواتك أنت بنفسك زيني السلال واختاري أشكال والوان الحلاوه ورتبيها بمعرفتك والضيوف بيسألون عنها
وقولي انا سويتها

المدارس أهم مصدر لترويج بضايع البنات
أذكر بنت كانت تبيع علينا عطور من كتالوج جابته للمدرسه وانا اشتريت منهم
وأذكر مدرسه أو أختها مو فاركه بالضبط كانت تبيع كتب طبخ جابتها من الكويت والبنات ما قصروا اشتروا منهم

توكلي على الله
شغلتك هذي صارت راااائجه بشكل كبير
حاولي تكونين مميزه ويكون لك بصمه تميزك عن غير
مووووووفقه

اخصائية جديدة · #8 (**permalink**) 30-11-2010, 08:53 AM

ما ازيد على كلام اللي سبقوني
وبالنسبة لفكرة الكتالوج هي الأفضل على الاقل تحفظ حقك ..

موفقه يا أختي ، وتأكدي بأن خلف كل تعب راحة تنتظرك بإذن الله
ومافي شي يجي بسهولة : )