ماعاد باقي في حياتي موده
ولا عاد باقي بالزمن شي ارجيه

حلمي كبير ورمح الاقدار هده
وقلب تحطم كيف تجبر هقاويه

مليت جزر الوقت مليت مده
مليت حتى ثوبي اللي انا فيه

يمكن لقيت الحزن مرسى اوده
ويمكن عذرت الولف لاصرت ناسيه

وين انت ياللي بحر الايام لده
وين انت ياللي بح صوتي اناديه

ليت البحر عينك وانا اصير جده
واسكن على موجك والمه واداريه

وليتك سالت الجفن عن حال خده
والا سالت الحال عن سكتة التيه

احيان اضم الشوق واحيان اهده
والقى معه بين الحنايا مشاريه

الحق على قلب تحبه وتوده
قبل الشقى لا يدفن ثياب راعيه

وســـــــــلامتكم ’’

م / ن