الله يعطيك العافيه

الله يجزيكــ الف خير ..

والله انا اليوم رحت للكلية واول ما طلعت سألت عن الوظايف قالولي انتظري بمكتب السكرتيرة
وجلست ربع ساعة الا وجات وحدة باعلى صوتها تقول فينها فينها هادي اللي تبغا وظيفة على اساس انا الوحيدة اللي رحتلهم وهوا في الاساس في قبلي كم وحدة راحت بسبب الاعلان
المهم بنفرة ونبرة عالية قالتلي طيب معاكي شي ........طليت فيها ونفسي "............"المهم قلت طبعا معايا اوراق اجل راح اجيكي اوريكي وجهي وبس
وطلعت الملف اخدت منه الاوراق وقالتلي احنا طالبين انجليش قلتلها ما معايا
المهم اخدت الملف والرقم وقالت نتصل ودربج دربج اتقربعت وطلعت من الغرفة
والله يا ناس عيب
مو كفاية نفسياتنا مع البطالة
كمان لما نقدم نقابل ناس ما عندها اسلوب في التعامل
يا اخي الكلمة الطيبة صدقة
والله حسسوني انه معايا محو امية مو بكالريوس وجاية لوظيفة مستخدمة لهم المعزة والكرامة والشغل مو عيب لانه لو مستخدمة بحطها على راسي
وانا خارجة كمان مسكتني اللي على الباب وهاتك تحقيق
من فين عرفتوا بالوظايف لانه كم وحدة غيرك جات؟؟
واحنا ما عملنا اعلان من فين سمعتوا ؟؟؟
وربتلي في راسي الخفيف
والله حسيت اني ارهابية وجاية افجرلهم المحل
ويا ريتني فجرته
المهم صح على قولة اللي كتبت لنه الرقم المطروح لقسم البنين انا اتصلت ورد عليا واحد سوداني الله يسعده امكن هوا الوحيد الللي بسطني في كلية الغد هادي وقالي الرغم هوا "تمانية زته دسعة زبعة خمسة دسعة دسعة"هههههههه
والله مو تريقة بس من جد الاجنبي رد عليا رد حلو وما عداه الشكوى لله
اسفة على كلامي من زعلي على نفسي والله لا اكتر ولا اقل
وادعولي بالتوفيق والوظيفة
سمعنا بالوظيفة وانبرشنا ...واخرتها بقوة اتكرشنا

كلية الغد وين مانشوف لك تعليقات على مشاركات الاخوة ؟

ولا فص ملح وذاب؟؟

السلام عليكم ورحمة الله وبركاته

والله انا وثلاث من قريباتي رحنا نقدم(كل اثنين مع بعض) وكلنا معنا بكالريوس وهم معهم خبرات اداريه وانا لا المهم
عادي دخلنا من البوابة قابلتنا اخت على الكاونتر على طول انا قلت لها جاين نقدم للوظائف كتبت على ورقه رقم الزائره وقالت لنا من المصاعد على الدور الاول وطلعت عادي دخلنا على السكرتيره سلمنا عليها وقلنا لها جاين نقدم على الوظائف قالت وش معكم شهادات وعلمناها وقالت طيب اعطوني ملفاتكم وشافتها وحطتها على المكتب وقالت ان شاء الله خير وراح نكلمكم اذا توافرت الشروط وبسسس نزلنا وسئلت الاخت اللي بالكونتر اعطيك الورقه قامت تضحك وتتاسف وقالت بس عشان نفرق الزائرة من الطالبه وخرجنا والحمدالله ...
يعني عني انا ماحسيت باستخفاف ولاشي ....
موفق بإذن الله ... لك مني أجمل تحية .

[align=center]
بسم الله الرحمن الرحيم

وين صآحب الموضوع مارد

القسم الرجالي أو الأداره العامه وينها ماوقفتهم عند حدهم

الحريم ( حرام ) يمسكون سلطـــة ..
انا بعد مثلك رحت وقدمت وكأن فيه حآجه في مكان ما ومتأكده (..)
ونفس الشيء سوت معاي الحرمــه
ولمن قريت هالأعلان رغم ان الشروط تنطبق علي لكن خفت اروح لهم

يكفيني من الأهانات و والأخلاق الشينة كأني اشحد منهم

الله يكافي اي شخص ظالم

والله ماكتبت هالكلام الا من قهر

_______________________

كاتبة الرد لا تعني أنها صاحبة ( اليوزر )
[/align]