[align=right]
السلام عليكم ورحمة الله وبركاته

أخواني مساكم الله بالخير,
اليوم حصلي موقف محرج مع شخص عزيز علي صراحة لخمني لخمة طيبة يعني فاجأني بموضوعه , السالفة وما فيها إن الشخص هذا إتصل علي وقال أبيك ويوم جيته أعطاني ورقه بيضاء فيها بعض الكلام وغطى الكلام كله وقال أكتب اسمك تحت ووقع وأنا والله مدري وش السالفة يعني ووقعت وبصمت على الثقة اللي بيننا , وطلعت من عنده ومدري وش المكتوب بالورقه اللي خلاني أوقع عليها وشوي إلا يولد قرصني قلبي قلت يالولد وش العلم لا يكون يبي يوهني الرجال وأنا على فالي والله وأروح له قلت وش سالفتك يابو فلان خليتني أوقع الورقه وأبصم وما أدري وش فيها وقام يصررف وحجرته إلا تعلمني وش السالفة وإلاوأخيراً عطاني الورقه اللي وقعت عليها وقريت الكلام كله كاتب موافقة من زوجته الأولى إنها موافقه على زواجه من الخارج ويبيني أشهد معه على زواجه ......... بعدين أكمل لكم الباقي لك بعد الجواب على أسئلتي .

1- هل اللي سويته صح وإلا خطاء وهل على ذنب إني شهدت معه وأنا ما أدري هل زوجته موافقه فعلاً ولا ما وافقت؟
2-هل يلحقني شيء في البصمه اللي بالورقه خاصة إن الورقه تروح لوزارة الداخلية ما أدري الخارجية تراني دجه بالأنظمة أخاف أروح بخرايطها ؟
3-إذا صرت في نفس الموقف وش تسوي؟
إلحقوني يا إخواني بالعلم الوكيييييييييد .
[/align]

هلا أخوي أشكرك على سرعة الرد
طيب أخوي والبصمة اللي بصمتها

أهلآ شمآلي ..

والله مدري وش أقولك ..

ولـكن لو حصـل لي وطحت بنفس الموقف عآدي ما أسـوي شـيء .. >> أتكلم عن نفسي

وبعدين ما راح تسـوي لك مشآكل عمع الخارجـية ..

الله يعينك وييسر أمرك ..

امر طبيعي وش راح يصير كلها شهادة مارح يجيك شي بسبب البصمه ام عن حكمه اسئل المشيخه

انا اشوف السالفة حاجة عادية انت شهدت على شي واقعي وهو زواجه من امراءة اجنبية، لو شهدت على انها زوجته وهي مو زوجته هنا المشكلة
اما على كذا ارقد وامن

هلا بك يا شمالي...

هل اللي سويته صح وإلا خطاء وهل على ذنب إني شهدت معه وأنا ما أدري هل زوجته موافقه فعلاً ولا ما وافقت؟
نوعا ما غلط-لانك وقعت على ورقة انت ماتعرف مضمونها وعلى ايش تحتوي-وانت برضو ماتعرف زوجته اذا موافقه او لا -لان لو زوجته موافقه واعطته الضوء الاخضر كان استعان بأحد من اهله او اهلها علشان يتم موضوع الزواج
2-هل يلحقني شيء في البصمه اللي بالورقه خاصة إن الورقه تروح لوزارة الداخلية ما أدري الخارجية تراني دجه بالأنظمة أخاف أروح بخرايطها ؟
ما اتوقع يلحقك ضرر -واهل الخبره راح يفيدونك اكثر ان شاء الله
3-إذا صرت في نفس الموقف وش تسوي؟
مااتوقع اني راح اوقع على ورقه من غير ما اعرف مضمونها
لكن انتبه مره ثانيه من هالحركه وماتعرف وش يكون مضمونها وجد تروح بخرايطها
والان صرنا بزمن ووقت لازم تنتبه على نفسك بكل خطوه تمشيها

هلا با اخواني han alRhel , كآبرس , مشاري العنز ي , رباح الاسهم .
أشكركم جميعاً على الرد ريحتوا بالي وأدري والله اني غلطان لكن الطيب والفزعة والفال الطيب عند الناس هالأيام ينقلب ضد الشخص . الله يعين إن شاء الله .

المشكلة هي ....الثقه الزائدة عند بعض الناس مثل اخونا والاشلون توقع على ورقة ماترف وش فيها
اخيرآ اقول لك القانون لايحمل مغفلين هذا اللي راح تسمعة لو حصل شي يضرك

اكيد زوجته مو موافقه لأنه خلاك توقع وتبصم على شي ماتعرفه

وانت وقعت على شهادة زور وتستحق الجلد <<