لا تحرموني اضافاتكم الرائعه

بانتظاركم

والله المشاغل ربحها حلو لكن مشاكلها كثيره من عاملات وزبونات

عشان ينجح المشروع ان شاءالله يبي لك عاملات متمرنات جدا وافضل شي برايي الفلبينيات والمغربيات
ويبي لك موقع حلو عندنا شارع فيه 4 او 5 مشاغل والله يهشون ذبان ماعندهم احد الا نهايه الاسبوع كم وحده كلهم بنفس الصفه وماعليهم اقبال ابدا لان موقعهم مو مناسب وكل واحد جنبه مشغل ينافسه

يعني موقع جيد ع الاقل + عاملات متمرنات وماهرات + اسعار متوسطه + ديكورات رايقه وتفتح النفس + نظااااااااافه انااول مااركز في اي مشغل على فرشاة الشعر ( احيان يبقى فيه شعر وماتنظفه ) و جهاز الشمع ( بعض المشاغل تعيد الشمع للجهاز شفتهم بعيني شي مقرف مرا ووساخه ) وعدة البديكير اذا نظيفه وتعقمها قبل تستعملها اعرف ان راعية المشغل وحده سنعه ومعلمتهم على كل شي صح ويهمها سمعة المشغل ورضا الناس قبل الربح

ولو تحصلين مشغل للبيع وله سمعه احسن بعد وتطورينه على كيفك ع الاقل يكون له زباين ومعروف وفيه كثير مشاغل معروضه للبيع لو تدورين

على فكره هالمشروع برآسي بس الي مرددني مشاكل العاملات ووجع الراس مالي خلق مشاكل

فيه مشغل اعرفه ماشاءالله ربحهم فوق الخيال والسبب يرسلون الكوافيرات للبيت بنفس اسعار المشغل او بفرق خمسه عشره ريال
والناس عليهم زحمه ماتتخيلينها ربحهم اضعاف المشاغل الثانيه لان الناس تبي الراحه ووحده تجي لها للبيت وهي جالسه وحاطه رجل على رجل
حتى حق مشوار السواق ماياخذونه لو سويتي كذا باذن الله بتشوفين الناس عليك من كل جهه

الدانه حبيبتي انتي

جدا جدا افدتيني الله يجزاك خير

مشاركتك من اروع المشاركات لا عدمت يا بعد قلبي

الف شكر

رحت مره لمشغل لزواج قريبي صراحه ما قدرت انساه ورجعت له مره ثانيه لزواج ثاني

السبب انهم منظمين مهما كان عندهم زحمه يخلصونك بدري اول ما ادخل تسألني ايش تحبي نسوي لك وتكتب اسمي بدفتر ومن الي راح تسويه ومسوين ثلاث اماكن مكان للسيشوار واطلع اروح للمكياج وبعدها للتسريحه واخلص بسرعه
وكمان عاملاتها ماهرات يطلعون الشينه قمر ماشاء الله عليهم
شفت الوجوه الي دخلت خرجت ناس ثانيه

اهم شي التنظيم وانتي ديري وكوني مراقبه على محلك واي شي تشوفينه لا تتهاوني فيه
واختاري العاملات الماهرات الي لهم سمعه بالمحلات الثانيه

اتمنى اكون افدتك

والله يوفقك يارب وينور دربك

الحياه امل

شكرا لمشاركتك الرائعه الله ينور دربك

انتي بعد افدتيني جدا جدا

دانه مشروع المقصف جدا حلو

ولو تسوين اعلان ممكن يجونك

واما المشغل اذا بالمواصفات الي قلتيها يبي لك كاقل تقدير 60 الف هذا من غير العاملات

ولكن تاخذين مشغل للتقبيل في حي لا باس به بس 40 الف مع فيز عاملات

والافضل انك تدرسين المشروع زين ويكون عندك درايه شامله

صار لي الحين 4شهور بس ادرس على تفاصيل المشروع

وباقي ما بدات في اي اجراء والحين ابحث عن دوره معتمده عشان ابدا بدايه قويه

موفقه يارب

عطوره عندي مواضيع لـ فتح المشاغل واداراتها خذيتها من منتدى ثاني برسلها لك صراحه استفدت كثير بس تحطمت اكثر لان مشروع المشغل مكلف وتعبه اكثر من ربحه واكثر شي حطمني مشاكل العاملات , يبي لهم حزم وصرامه تخيلي وحده من الي عندها مشغل تطب عليهم بنص الليل فجاءه وتلقاهم فاتحين المشغل ويستقبلون زباين بنص السعر بالخش والدس والمبالغ ياخذوها ! وغير الي قالبه المشغل وكر دعاره بنص الليل اكثر ماشلت همه العاملات وبلاويهم وصعب تشغلين سعوديات لان بصراحه السعوديه ماراح تقدرين عليها وغير انها ماراح تتقيد بالوقت والالتزام اغلبهم ياخذونها تسليه وتضييع وقت مافيه جديه منهم

شكرا على الطرح ال جميل صراحة حتى انا حابة افتح مشغل بس لسى صراحة ممكن ٣ سنين او اكثر في جدة فبادرس الموضوع من جميع نواحيه
اتوقع شخصيا سبب نجاح المشروع كثرت المشاغل صح بس مع كثرتها قل الاتقان واعطاء فعلا نتيجة مرضية وتستال الثمن المدفوع

وفكرة انك تاخدي دورة جدااا مهمة عشان تقدري تعطي زبونتك النصيحة المظبوطة و ما يكون اعتمادك كله على العاملات
شكرا