بسم الله الرحمن الرحيم
السلام عليكم ورحمة الله وبركاته
مــــــــــــــــــــــــــــــــــــاشاء الله تبـــــــــــــــــــــــــارك الله
كيف الحال يااخوان عساكم بخير ماأطول عليكم طال عمركم وادخل في صلب الموضوع
انا يااخوان افكر افتح مصنع مرطبات إن شاء الله تعالى يعني مرطبات مثل الكولا وطقتها وابيعها بريال مثل بعض الكولات والمرطبات السعوديه الي باقي سعرها بريال طبعا انا عارف انو المشروع ناجح ان شاء الله وخاصة انه منتج سعودي وطبعا انا حأنزل عليه دعايات واعلانات واشهر المنتج ولاكن الان انا في حيره من امري واريد ان اعرف المتطلبات لفتح مشروع مرطبات
1- هل بأمكاني اني اطلع تصريح وترخيص لهاذا الامر لحتى الان
2- ماهيا المتطلبات وكم يكلف المشروع او بمعنى اصح كم اجمالي التكلفه
3- كم عدد الموظفين
4- ماهيا الوظائف المطلوبه لهاذا المشروع وهل يوجد سعوديين (ابناء بلدي) لهم خبره في هاذا الامر ولا لا عشان اوظفهم في المصنع اذا قدر الله سحبانه وتعالى وفتحت المصنع
ارجوا ان تجاوبوني ولو برد السلام الله يخليكم انا كلعاده في حيره من امري
واسف لو طولت عليكم . احترامي وتقديري لشخصكم الكريم والسلام عليكم ورحمة الله وبركاته .

معقوله مافي ولا رد . مالومكم شكلكم بتابعوا مباراة الكويت والعراق صحيح ترى فازت الكويت بضربات الترجيح .................. ولا بتستعدوا لمبارات السعودية والامارات هههههههههههههههههه يلا ان شاء الله تجاوبوا وان شاء الله تفوز السعوديه بعد والسلام عليكم ورحمة الله وبركاته ..........

هلا بك اخوي بصراحه موضوعك يبي له دراسه

واذ تبي دراسه واشخاص لهم اختصاصهم

اضغط هنــا

اطرح فكرتك وقد تجد من يوضح لك ويرشدّك

اخوي الشغلة فيها هوامير كبار.....ووراهم امراء واصلين جدا ....من اللي يبوننا نسأل الناس الحافا.....


محمود سعيد....عبدالهادي القحطاني....بقشان....الجميح.....

اذا انت قدهم .....توكل على الله ....وانا اكبر شي اقدر اسويه وادعمك فيه اني اشتري منك كرتون واحد في الشهر

الله يوفقك يا خوي بس ياليت ما تبيع اي مشروب فيه غازيات

خصوصا الكولا والببسي اللي اسميها ( السم الاسود )

بالتوفيق ولو اني انصحك تفتح مصنع عصائر طبيعية

^^^^

مفيه شي اسمه عصاير طبيعيه كل اللي في السوق مواد كيماوية وحافظةة

اسألني تراني خبرة

حتى عصيرات الطازجة اللي في الكفتيرايات اغلبه كيماوي

خاصة الفراولة والكوكتيل والشمام والطبقات والمنقا والكيوي..

نعم اخي لا تستطيع فتح مصنع مرطبات لان يبغالها واسطة
والحل الاخر تأخذ وكالة من احد الدول وتفتح مصنع بإسمهم
ولا تيأس اذهب لاحد المكاتب الخدمات العامة المتخصصين بالتراخيص الصناعية واستفسر لان لهم طرقهم

اتمنى لك التوفيق

حاكم

صدقت

الله يسمعنا خير بس

يُنقل للقسم المناسب

حاكم بيزنطة وانا اخوك كلامك سليم ولاكن مب لازم يكون معاي مية مليون عشان افتح مصنع مرطبات وانا حاسك مكبر الشغله واجد وانا اخوك وبعدين هذول الهوامير الي ذكرت اساميهم هذول كبار والله سبحانه وتعالى الكبير وثرواتهم توصل فوق الثلاثه مليار ريال يعني ثلاث الاف مليون ريال يعني بأستطاعتهم يفتحون الاف من مصانع المرطبات اما بالنسبه تشتري كرتون ببسي كل شهر ههههههههههههههههههههههههههه مااقول غير ربي يسعدك مثل ماخليتني اضحك ورسمت البسمه في شفتاي . تحياتي لشخصك الكريم والسلام عليكم