منقول ..

السلام عليكم ورحمة الله وبركاته
بعض العضوات طلبو مني ذكر تجربتي بعد ما قرو لي بعض الردود وأنا بعد ماستخرت قررت اكتب تجربتي حتى تستفيدن منها ( قبل ما تقرونها اذكرو الله لان العين حق )
كنت عايشه احسن عيشه كان زوجي الله يرحمه معيشني بمستوى راقي شغاله وسواق وطلباتي مستجابه بعد ماتوفى الله يرحمه انصدمت بالواقع الي بعيشه لأني يتيمة الام وابوي متزوج وما يسأل عن احد فسكنت فوق حمولتي بالدور الفوقي [IMG]http://forum-static.**********.com/images/**********/smilies1/smile27.gif[/IMG]
وخالتي الله يهديها ركزت علي وعلى عيالي لو يجيب لنا احد كيس رز قسمته بيننا وبينها واتعبتني بطبعها وهو حب السيطرة وصارت هي والزمن علي [IMG]http://forum-static.**********.com/images/**********/smilies/icon33.gif[/IMG]..
زارتني جارتي الي ساكنه بجنب بيتنا وكانت انسانه صاحبة دين واخلاق وتعرف خالتي واطباعها وانصحتني اني اترزق الله لأني شكيت لها سوء حالتي المادية حتى ان بعض الناس صارو يعطوني صدقة واكبررررررر جرح لوحدة كانت عايشة حياتي اول يمد لها صدقة كنت أخذها ودمعتي على خدي وامسح دمعتي واتقضى فيها مستلزمات عيالي .[IMG]http://forum-static.**********.com/images/**********/smilies1/smile27.gif[/IMG].
واقنعتني جارتي جزاها الله خير اني اطبخ وابيع ومدحت طبخي وقالت بيكون لك سوق ان شاء الله انا رفضت لاني خايفه خالتي تدري هي وبناتها ويسوون لي مشكله بس هي قالت لي انها هي وخواتها بيبيعون لي منتجاتي ولا يعلمون احد هي وخواتها ووافقت والله العظيم لو احج واتصدق عنها هي وخواتها مايكفي الله يجزاها خير حتى المقاضي تجيبها لي ولا تقبل مني اعطيها شي ببلاش تبي الاجر ..
وفعلاً قلبت ليلي نهار ونهاري ليل بالليل اسوي اشغالي كبة وورق عنب وفلافل وبهارات وكل شي كنت اعرفه حتى اني رحت للمستوصف وشفت مصريه وسألتها عن المفتقه حقت التسمين وقالت لي انها تبيعها وقلت لها عن حالتي ورحمتني وعلمتني بطريقتها وصرت اسويها ودرت علي ربح الحمد لله وسألت خالتي عن بهاراتها وعلمتني وسويت بهارات وصار عليها اقبال صرت امشي واسال الناس حتى اقدر اوصل بشغلي لاحسن مستوى واشتري كمية من البخور الدوسري من وحده تبيعه واحطه بعلب صغيره وابيع كل علبة ب 15 ريال وماشاء الله ربي وفقني وكل شي احط ايدي فيه يمشي ويكون عليه طلب طبعاً تبون تعرفون الاسباب ..
الاسباب هي :
1- اتكالي على الله وان الرزق بيد ربي سبحانه وتعالى .
2- اثناء ادائي للشغل استغفر وادعي ربي بالرزق والتوفيق .
3- احرص على النظافة اقلم اظافري والبس شراب بلاستك والف شعري والبس مريله لان أي غلطة بسيطه تشوفها الزبونه على شغلك توقف تعاملها معك ..
4- اهتمامي بالتعبئه والتغليف يعني اشتري علب بمقاسات مختلفه كمية كبيرة ولا استعمل علبه سبق ان وضعت فيها شي مهما كان لان هالشي بيأثر على سمعة شغلك ..
5- ماازود بالاسعار تكون اسعاري ثابته وبتناول الجميع لأن دايماً السلعة الغالية مو مطلوبه دايماً ..
6- مااشتري مواد رخيصه لانها بتخرب علي الشغل وتغير النكهه مثلاً اذا حطيتي لخلطة القهوة هيل رخيص ماراح يكون عليها اقبال ..
7- اطور من منتجاتي مثلاٍ كنت اسوي معمول بالتمر بعدين طورته وصار فيه حشوات غير التمر بالمكسرات وبالتوفي ..
8- ازود منتجات جديدة واي طلبيه احط معها عينه من منتوجاتي الجديدة وهكذا ..


الله يوفق الجميع واي استفسار انا جاهزه وارجو من كل وحدة تدخل موضوعي تذكر الله وتدعي لي بالتوفيق

الله يوفقك ويرزقك اعجبني اصرارك والله يطرح البركه بذريتك

ماشاء الله عليك


اتمنى لك كل التوفيق والربح ان شاء الله



وانتي نموذج مشرف يحتذى فيه لعدم الإستسلام



ربي يرزقكـ ويوسع لكـ ان شاء الله ..

مشاء الله تباركــ الله
الله يوفقك ويزيدك من فضلة

[[motr]glow=66FF00]الله يوفقك ويزيدك من فضله[/glo[/motr]w]

ماشاء الله عليك الله يرزقك ياااارب والله اني فرحت لك

عندك عزيمه وهالحرمه هي ساعدتك وشجعت

قولي امييييين

الله يجزاها كل خير ويبلغها جنات النعيم

والله ان هالزمن صار يخووف واللي يتوكل على الله فالله مايخيبه

الله يزيدك من نعيمه ياارب ويحفظك يارب

اللة يوفقك يااارب