السلام عليكم ورحمة الله وبركاته

أخواني أخواتي

الحقيقه انا ناويه افتح محل أكسسوارات وبصراحه في امور كثير أجهلها ونفسي استفسر منكم عنها طبعاً لأصحاب الخبره في هالمجال

أنا راح أعرض استفساراتي عن طريق أسئله اتمنى أجد أجابه كافيه وافيه عن هالأسئله

نبدأ بسم الله

سـ1 : بخصوص الديكو الخشبي الي مو جوده عليه أطارات حديد يتركب فيها العلاقات
كم تكلفت محل 4*5 والواجه القزاز ورفوف قزاز .....ألخ وين المحلات اللي تبيعه ؟ في المدينه

سـ2: البضاعه أجيبها من جده الخاسكيه هاذي نعرفها طيب وش أفضل محلات تبيع الأكسسورات
ومحلات المكياج ؟ ومحلات العطور؟ وحلات التحف والهدايا ؟ والشنط ؟
كيف أحسب أحتياج المحل من بضاعه يعني فالبدايه كم درزن أجيب من كل نوع؟
وهل فيه مندوبين بالمدينه لهل أشياء اللي ذكرت ؟

سـ3 : طريقة الجرد !! كيف ؟

والله محتاجه مساعدتكم تكفون يالربع والي يبي يساعدني مقابل مبلغ مادي يبشر ويامر بالي يبي
وفوقها دعوه في ظهر الغيب

مع العلم ان راس مالي 30 ألف هل يكفي هذا المبلغ ؟

والله ياوخيتي انا مالي تجربه بالموضوع
لكن كنت ادور رفوف وشفت مثل هالعلاقات
لكن بفيدك باللي اتذكره بخصوص الديكور الخشبي اللي مطرز بنيكل وفيه علاقات صــح ؟

على ما اذكر انه مايتجاوز الـ 5000 الاف
لكن تذكري يبيلك بضاعه + اجار المحل + العامل + الديكور
هل مبلغك بيكفي ؟ اشك ياوخيتي ...!

بالنسبه للجرد اذا عندك مقدره يقولون العثيم يبيع برنامج الجرد قيته الظاهر 3500 ريال وبتشرين له كمبيوتر وماسح ضوئي ولوازمه بيكلفك كله 9 آلاف تقريباً
وتحطين اسماء وارقام البضاعه مثلاً 100 تنوره وتسوين له طباعه او جرد اسبوعي او يومي ويوضح لك كم باع منهـا وكم باقي
وشيكي على أرقام الأصناف لايكون منزل بضاعه خاصه فيه

اما التشييك بدون هالجهاز والله ماعندي علم

شدي حيلك وزودي المبلغ وتوكلي .. الأجانب تطنخ وحنـا نخاف ونتفرج
التجاره يبيلهـا جرأه واحسبيهـا صح من كل النواحي وربي بييسر لـك

محلات المكياج
1- الوجه الجميل
2- قطرات وعنده كل شيء يخطر في بالك
3- البهز
دمت موفقة

يالغااااالية

واحد من الاخوان فتح لة محل اكسسورات والواجهات خشبية ومصصمة زي التعليقات

مع طاولات العرض الزجاجية كلف علية بحدود 8000 ريال او اكثررر شوووي

واذا ع محلات الجملة الظاهر بجدة شارع فلسطين بس مدري وين بالضبط؟؟؟

وبالنسسبة لجهاز الجرد والله مدري بس اظن احد الاخوة افادتك عند العثيم ,,,


والله الله اختي يالمكان الحلوووووووووو للمحل

بالتوووفيق لك يارب

بارك الله فيكم جميعاً

نطمع بالمزيد من أهل الخبره أتمنى أن أحد يفدني أكثر

مرحبا خيتو موفقه ان شاء الله والى الامام

بس على ما اظن راس المال بسيط ويحتاج زيادة

ماعندي خبرة كثير لكن انصحك بالاشياء الغريبه والحلوة من الاكسسوارات

حتى يكون هناك اقبال على بضاعتك وبالتوفيق حبيبتي

والله ياقلبي راس المال قليل مره على الي فهمته انك تبين تفتحين محل في شارع او مجمع وتبين بضاعه تعرضينها صح كذا .. ؟

اذا كذا قصدك المبلغ مايكفي ديكورات محل ( وانتي تعرفين ديكور محل مكياج واكسسوار لازم يكون شي يجذب الزبونه )
وتبين بضاعه من الى وهذي لحاله يبي لها مبلغ كبير
واجار المحل كدفعه اولى لاتنسينه

من رآيي تجيبين بضاعه وتعرضينه في النت او ع المحلات واذا كبر راس المال تبدين المشروع