السلام عليكم
انا فني صيدله من 3 سنوات ومتخرج وجالس انا وناس كثير معاي
حتى ان اخوياي راحو لوضايف بمكتب العمل براتب 1200 ريال فقط وفوق هذا كله يداومون من الصبح لليل حتى اغلاق المحل وفوق هذا كله اهانات ياخذون بدون سبب

حتى انا جتني محاسب بورشه سيارات براتب 1200 ريال بعد ماخلصت اوراقي اتصلت على صاحب الورشه قلت له متى اباشر الدوام يقول لي لاتجي خلاص قلت له ليش يقول مارحت انت لمكتب العمل وعطيتهم الأوراق وانا رحت لهم وقلت له انني رحت لهم قال خلاص مرني لكن سكرت الخط بوجهه من كلامه يبي يذلني هذا

وبعض اخوياي يفكرون بأمور حرام يوم اسالهم ليش يقولون محنا قادرين نجيب شي يوكلنا

طيب ياوزير الصحه انت ياالربيعه ليش ماتبي توضفنا ؟
هل تقدر تتحمل قطع رزق الناس ؟
بعضهم يفكر باشياء حرام عشان يقدر يتزوج ويصرف على نفسه وعياله

الربيعه يقول من الأخطاء الطبيه عشان كذا نبي بكالريوس طيب الكلية عارفين انها لك كلية الغد

تقول من الأخطاء الطبيه نبي بكالريوس طيب حنا نشق بطن ؟ نسوي عمليات ونغلط ؟
وتقول لنا اخطاء طبيه


طيب انا يوم تدربت بالمستشفى 6 شهور كانت تجينا الأخطاء من الأطباء اللي معهم ماجستير ودكتوراة

اني اذكرها وماراح انساها طبيب اخطاء بوصف ادوية كثيرة ومعاه ماجستير وأكثر من خطأ صدر منه طيب حنا وش ذنبنا تقطع رزقنا انا لو طولي ووزني يساعدون كان دخلت عسكري بسلاح الحدود لكن مافي شي يساعد
حارس امن براتب 1200 يقولون لي طولك مايساعد

وجيت لشركة يقولون لي اطلع برى وانا جايب له شهادات واتكلم انجليزي

ذلوني وماوضفوني

وش العمل ياخواننا بالله وش نسوي يعني نسرق ؟

السلام عليكم ورحمة الله وبركاته

يآ عسسسل خــلي املك بالله كبير ..كلنــآ عــآطلين وننتظر وزير الكحه عفوـآ الصحه ..كلنـآ محتآجين فلــوس ونبي نتزوج وفيه غيرنـآ كثير..
يعني لآتفكــر كل مالقيت شي توظف .
لآتجلس على ما انت عليه تنتظر الوزير ,,

الله يرزقك بالوظيفه ويرزقنـآ معاـآك ويرزق النـآس آجمــ ع ـــين ,,,

امين إن شالله يالغلا والله اتعبنا وزير المغثه هذا

حتى اروح ادور وضايف على ابو راتب 1200 ريال لدرجة صيدلية الدواء قلت لهم قالوا لي بسكاكا 1700 ريال قلت لهم وضفوني بطريف وعطوني 1000 ريال مو 1700 يقولون لا

وش نسوي الله يصبرنا كلنا ان شالله

الله يكون بعونكم إنشآلله

قآل تعآلى :- ( وفي السمآء رزقكم ومآتوعدون )

لا تخآف . رزقك مكتووب <

إنت بس اسعى .. والرزق على الله عز وجل

اللهم آمين يآلغــلآ .

حسبي الله ع الربيعه > عم البنت يقول اذا ماتوظفت السنه هذي ترا ابي ازوجها > انا لي ثلاث سنوات
استغفر الله بس

الله يعينك يا خوي ويعينا

شلون القدم ياخوان على الدواء ؟

صيدلية الدواء تكلم الموضف الي بها وخذ منه رقم الصيدلي المسؤل عن الصيدليه وهو يعطيك رقمه إن شالله
وإن شالله يوضفك بمدينتك لأنه اللي عندنا بطريف يقول لي بسكاكا وسكاكا لو اروح لها ماقدر اجمع شي من الراتب ماتدري 1700 ريال سكن ولا اكل وشرب ولا أروح ازور اهلي ماراح يكفي

وان شالله يوضفك بديرتك

حسبي الله ونعم الوكيل