السلام عليكم ورحمة الله وبركاته ,,

# الموضوع غريب شوي ولكن هذا هو اللي حاصل #


احنا مجموعة شباب نجلس في الاستراحة بعد صلاة العشاء .. وطبعآ اللي معاي كلهم في وظائف منهم الضباط ومنهم مدراء الشركات ( للأسف ماعندكم أحد كل واحد منهم همه نفسه وشيشته والبلوت ومابهم فزعه ) .
لأنهم يعرفون وش املك من شهاده وخبرات تفوق ال 7 سنوات و ( عاطل ) . ولا فيهم خير . وهذا اللي حاصل مع كثير من الشباب يعرفون بعض ولايخدمون بعض الا في الكلام الفاضي والجلسه والتكيه والمصلحه اللي مالها داعي .

المهم :

جاء واحد منهم قبل سنه ونصف ومعه شخص من الجنسيه العربية ومن مواليد السعوديه , وتعرفنا عليه , وقالنا: خوينا اللي هو جايبه معه وش رايكم يدخل معانا في الاستراحه كعضو , قلنا: ما عندنا مانع الله يحييه . الولد العربي طبعآ أنيق وساعته بمبلغ وقدره وسيارته بمبلغ يفوق ال 400 الف ما شا ءالله وكل شهرين معه سياره أغرب من الثانيه. . ويشهد الله ماهو حسد .

( عرفت أن خوينا اللي جايبه مصلحجي ) .

وبعد فتره صار ينفش ريشه ولا همه أحد ,, يا سبحان الله من جد لا قالوا الفلوس تعز ،، حتى الأجانب اللي في بلدانهم مثل ؟؟؟؟؟؟ !!!! أكيد فهمتوا صرنا مانسوى عندهم شعره .

المشكله في هذا كله انه عنده شركة خاصه فيه ولا يتشرف انه يوظف سعوديين
( الا اللي يذل نفسه له طبعآ ويبوس الأيادي ) . أنا مالومه طبعآ بس ألوم اللي وصلهم لهذا المستوى ونكر الشباب السعودي اللي فيهم من الشرف والأمانه والعمل الكثير .
( حسبنا الله ونعم الوكيل ) . وللمعلومية هذا يعتبر هو ووالده من الأثرياء في السعوديه وأيضآ في بلدهم وبعض دول العالم . والفضل بعد الله .. للكروش في هذا البلد اللي يسمون أنفسهم رجال أعمال وعندهم ولاء للأجنبي 100%

ولافكروا التجار في كلام حكام السعوديه الله يخليهم لنا وكلام الأمير نايف بن عبدالعزيز الله يطول بعمره اللي كان يقولهم أهتموا بالسعوده ولا راح أسامح اي شخص يتهاون في ذلك . وكان هذا أمر من ولاة الأمر الله يخليهم لنا يارب .


وقبل الختام أقول :


( إذا كان احنا يالسعوديين مانفزع لبعضنا وشلون الأجنبي بيفزع لنا !!! .. اذا احنا يالسعوديين نكره لبعض الخير من الحسد والحقد وشوفة النفس وشلون بنشوف الخير من الله ؟؟؟ .. اذا احنا يالسعوديين ما احنا يد وحده الا بالحكي والهرج الفاضي والمهايط وشلون راح نعيش في المستقبل المجهول ) .

هنيئآ للأجانب المناصب وهنيآ لهم الفلوس وهنيئآ لهم أكل البلد .

ارفع رأسك أنت

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ

واسف أني طولت عليكم ،،،،

اعذرني اخوي السعودي انظر الى الحال فستعرف المال

هذا انت قلتها استراحه ووو .......

يااخي انهض من سباتك واترك شلة الاستراحه

اسال الله ان يحمي لادنا ويحفظ عليها امنها وعقيدتها ورخائها ويحفظها من شر الحساد ويجعل كيدهم في نحرهم

الله يرزقك الوظيفة ويصلح من حالك ياحي ياقيوم

آلموضوع معقد جداً ومستحيل أن تحلل عُقده إلا بعد حين ، ولآكن أٌقولها لك
( إن الغني هو من إستغنى بإيمانه وأخلص لله سبحآنه وتعالى أعماله وتوكل عليه في جميع شؤونه )
والله سبحآنه قسم الأرزاق لكلاً له رزقه وبإذن الله ستنعم في رزقك وستقنع به ،،

( يَوْمَ لا يَنفَعُ مَالٌ وَلا بَنُونَ إِلا مَنْ أَتَى اللَّهَ بِقَلْبٍ سَلِيم )

شكراً لك على الموضوع الجميل ،،

خلها على ربك

يارجال احيانا يكون الفقر لبعض ضعاف النفوس افضل


يارجال ماعليك منهم عيش حياتك

وصدقني لو انا محلك والله ثم والله اهم لاعندي كرامتي
بلا فلوس بلا عمل بلا خرابيط

يارجال ربك هو اللي يفك همك وهؤلاء ولا شي

جزاك الله خير ... تباشير الصباح .. والله الكلام صحيح .. وانا وغيري من الشباب ماقصرنا نروح بأنفسنا للشركات والدوائر الحكومية .. ويقولون لنا نفس الموال ( ادخل على موقعنا او مواقع التوظيف وعبي معلوماتك بالكامل وسيرتك الذاتيه وراح نتصل فيك لان ماعندنا تقديم مباشر ) . واذا رحنا للشركات الاستثماريه وغيرها قالوا عطنا ال cv >> وتوكل على الله . والله المستعان وين الشباب تبونهم يروحون ينفسون عن أنفسهم شوي يا أستراحه يا قهوه يا لعب كوره يا كوفي شوب . والرزق على الله .

الله يرزقك وييسر أمرك

الله يرزقك يارب ويوسع عليك وعلى جميع اخواننا المسلمين

واحبى اوضح شئ لمرور قريته مرتاد الاستراحة مو بالضرورة يكون داشر

ما راح نتطور دام عندنا بعض الافكار السقيمة

ولا هو مقياس للاستقامة البعد عن الاستراحات

تحياتي لك صاحب الموضوع

السلام عليكم ورحمة الله وبركاته

اخوي عندي لك بعض الاخطاء استنجتها في موضوعك:

1- حضور الاستراحات الي مالها داعي يمكن بعد تكون كلها اثام
2- باين ان عندك وقت فراغ شاسع وستغله في الاستراحة وعدم استغلاله في شي موفيد

شوف اخوي

اول شي: حاول انك تترك الشلة في الاستراحة وعليك بكثرة الاستغفار والتوبة واستفد من وقتك ومن المال الي معك اقولك شلون:

1-لاتحضر الاسترحة معهم والقطة الاستراحة تبرع بها للجمعيات الخيرية او لمكاتب الدعوة

2- الوقت : حاول انك تقضي وقتك في شي موفيد كاقراء القرآن والكتب المفيدة في الصباح وفي العصر بما انك فاضي دورلك شغلة في مكتب عقار براتب او بنسبة منا تستفيد انك تضيع وقتك في شي مفيد وتسفيد خبرة وتستفيد فلوس

3- ارجو ذكر المنطقة الي انت فيها؟