السلام عليكم ..
انا عضوه جديده واتمنى ان افيد واستفيد انا راح اكتب هنا مشكلتي واريد المشوره والمساعده انا متزوجه ولله الحمد وحالة زوجي الماديه جيده جدآ لكن للأسف زوجي شديد ماديآ لايعطيني مصرووف ولا يشتريلي كل شي ابيه من وجهة نظري ابيه وبشده ومن وجهة نظره اسراف وحرام
انا حاولت بكل الطرق باللين بالزعل بكل ماتتخيلون وردة الفعل : لا !
انا عندي هواية التجاره بغض النظر عن نوعها .. احب اتاجر ولو بالقليل فمتعة الكسب عندي اجمل من المال نفسه .. حاليآ افكر بأي شي اكسب منه مال عبر النت او خارجه لكن انا خارج النت مجتمعي مايساعد مره وزوجي مافي امل يساعدني ولا بهلله !! المهم انا راس مالي وحيلتي بهالدنيا 1000 او ازود شوي افكر بمشروع تفصيل طرح بأشكال راقيه وحلوه
المطلوب اقمشه ذات جوده وسعر مناسب وجيد جدآ وخياط رخييييص واماكن بيع اكسسوارات وكلف رخيصه والافكار راح تكون من عندي اتمنى انكم تحلون مشكلتي
وتعطوني السلبيات والاجابيات وهل فيه امل اني اكون تاجره اد الدونيا برغم الحراسه المشدده علي !
والشي الاخير طريقة التسويق افكر ياشخصي عن طريق النت او عن طريق محل اتفق معه!
انا الربح المادي مايهمني يكون كبير لا ابي شي اشتري فيه كمالياتي فقط لان انا احب اشتتتري لكن زوجي يقول حرااام ادفع مبالغ عشان هالخرابيط (( من وجهة نظره هو ))
الف شكر لكم مقدمآ

مشروع حلو اختي .

لكن بالطريقه هذه ماتقدرين إلا عن طريق النت حسب كلامك .

اول شي يبي لك تصميم اشكال ونقشات على الطرح بحيث انها تلفت النظر وتجذب كل من

يشوفها الشي الثاني .

يبي لك التسويق وانك تثقين بالشخص او المحل اللي راح يسوق بضاعتك .

وانه يمشيها بأسرع وقت . لان اغلب المحلات لما تعرض عندهم البطاعه ياخذ من وراها عشان كذا ماتمشي يعني تطول
تقدرين تقولين لو تبيعين الطرحه بمبلغ 20 او 25 ريال يزود المحل على المبلغ .

انا رااي الاكسسوارات وعينات العطور انفع ومنها تقدرين تسوقينها عن طريق النت .

وموفقه ياررب .

توكلي على الله والرازق الله

بالتوفيق اختي ومشروع لو انه بسيط بس ناجح اهم شي طريقه تسويقك للبضاعه بالتوفيق

حبك مشوار ..

اشكرك على التشجيع .. لكن الطرحه الان توصل الـ 300 الى الـ 500
وهذا مااخطط عليه لانه الافكار غريبه واعتقد التميز هو اهم شي

لكن انا ابي من وين اشتري الخامات الجيده للطرح وبسعر حلو بالنسبه لمبتدئه مثلي
وايضآ الاكسسواريز والخامات تبع الطرحه والخياط الماهر والثقه والرخيص اولآ واخيرآ !!

اتمنى المساعده

ورقيب , اسير وحدتي
اشكر مروركم

اختي حبيت ارد عليك لسؤالك من فين تاخذين الطرح والخامات الحلوه والمناسبه طبعا ومن واقع خبره . الطرح الافضل تاخذينها من اسواق المعيقليه بالديره وتتراواح اسعارها من 25 الى 50 وانتي وذوقك طبعا بتكون ساده ويفرق الخامه كيف . الشي الثاني وهو الكريستال يفضل النمساوي ولاكن التشيكي ارخص طبعا طبعا فيه فرق ولاكن ليس كبييير والافضل ماتخذين بالحبه لانه بيكون غالي شوي بالرزمه بيكون ارخص . وان شاءالله ربي يوفقك في مشروعك واي استفسار تفضلي بالتوفيق

اذا كانت الفكره بكر مثل ماتفضلتي لا باس
اما عن الخامات الجيده والممتازه يبي لها موزع معتمد
والله يوفقك يارب

اشكرك اخوي اسير وحدتي نصائح مفيده سأححتفظ فيها
حبك مشوار وشلون يعني موزع معتمد ..! يعني ماالقى بالمحلات الرخيصه

الله يوفقك أختي ...
ومن أحسن لأحسن
طموحك من نقطة البداية إلى تحقيق الطموح

كل الود والاحترام

يعني يبي لك اذا فيه محلات رخيصه لكن اقمشتهم عليها الكلام .

يعني تفيد في مشروعك .

وبنبذه مختصره في هالمجال :

أحدث ألوان الطرح درجات الأزرق والبنفسجي والمشجرات من ألوان متداخلة اما بالنسبة لموضة حجاب للعروس ثمة لونان أساسيان يتوافقان مع العروس المحجبة هما السكري والأبيض إنما السكري رائج أكثر وبخامات لامعة تجعل لون الحجاب يشبه اللؤلؤ وتضفي على العروس سحرا وجمالا

جديد خامات أقمشة الطرح الكتان الخفيف والساتان والقطن والشيفون ولم يعد التطريز موضة إذ حلت محله الأحجار المعدنية فهي تضفي الفخامة والجاذبية والأناقة غير المبتذلة وثمة قبال كبير عليها

اتمنى لكي التوفيق .