[align=center]
السلام عليكم ورحمة الله وبركاته

شباب بغيت اسأل عن الدورة التأهيلية في جامعة الإمام وش قصدهم فيها وكيف نسجل ومتى يعني الفتره بينها وبين القبول في برنامج الانتساب

لأن شرط القبول في الانتساب اجتياز الدوره التأهيلية
[/align]

غريبه محد قد قدم عليهم ولا يعرف أحد مقدم؟؟؟؟؟؟

وعليكم السلام ورحمة الله وبركاته

الإنتساب في جامعة الإمام لابد تدخل الدورة التأهيليه وتجتازها بنجاح وهي عبارة عن ترم واحد فيها 8 مواد وبرسوم 3000 ريال

وإذا نجحت في الدورة ولا يشترط معدل المهم أنك تجتاز كل المواد تقدر تتخصص القسم اللي تبيه والاقسام في الإمام ( إدارة أعمال وأقتصاد و لغة عربية و شريعه ودعوه ) وكل ترم رسوم بــ 2500 ريال.

هذا رابط فيه المعلومات عن الدورة .

http://www.imamu.edu.sa/support_dean...g_session.aspx


التسجيل في الأمام مفتوووووووح الأن والتسجيل من هنا .

http://www.imamu.edu.sa/support_dean...er_course.aspx

هنا التقويم الدراسي للمتقدمين في الدورة ..

http://www.imamu.edu.sa/support_dean..._calendar.aspx


أي سؤال أنا حاضره وبالتوفيق ..

وعليكم السلام ورحمة الله وبركاته

حياك الله أخوي حمد

الدورة التأهيليه ماتعتبر من ضمن سنوات الدراسه هو ترم دراسي واحد فقط و هو شرط أساسي لدخولك في الإنتساب بالذات في جامعة الإمام أن لازم تجتاز الدورة التأهيليه بنجاح حتى تقدر تتخصص الأهم أنك تنجح في المواد كله مو مهم المعدل لأن المعدل ينحسب في المستوى الأول بإذن الله

المواد 8 وهي ( قرآن وعلومه و الحديث الشريف وعلومه و الفقه وأصوله و الأدب والبلاغه و النحو والصرف والثقافه الإسلاميه و أصول الدعوة والحسبة والعقيدة والمذاهب المعاصره )

من ناحية القوة هي الشهادة معتمده في وزارة الخدمة المدنية وفي التعليم العالي وهذا موجود في موقع عمادة التعليم عن بعد وهذا مايؤكدونه لنا المشرفين على المنتدى الخاص بالطلاب والطالبات أنها معتمده .


http://www.imamu.edu.sa/support_dean...cred_cert.aspx


طبعاً حيكون مسمى الشهادة ( تعليم عن بعد ) و من خلال بحثي في الكثير من المنتسبين أنهم تمرمطوا في التقديم للوظايف التعليمية في الخدمة المدنية و قالوا فقط المنتسبين لتخصص اللغة الإنجليزية هم اللي يقبلونهم غيرهم لا وهل هذا الكلام شامل للمنتسبين ( التقليدي والمطور أو لفئة دون فئة ) !! أنا ما أدري سوى مجرد بحث عن الموضوع ..

طبعاً أنا هدفي في دراستي عن بعد ليس تعليمية وعشان كذا ما أهتميت لهذا الكلام لأني ما أبي تعليمية أصلاً ولا عندي نيه فيها ..

أنا جاوبتك بأمانه لأن هذا اللي أشوفه في الكثير من المنتديات الخاصه بالمنتسبين سواءتقليدي أو مطور بالرغم أن التقليدي ملغي في جامعة الإمام ومافيه إلا المطور الأن وهو اللي برسوم ..

وإذا جينا نقارن بينها وبين جامعة الملك عبدالعزيز فجامعة الإمام أفضل مليون مره من عبدالعزيز لان الإمام مراكز الإختبار كثيره في جميع أنحاءالمملكة أما عبدالعزيز لا فقط في جده وإلزامي تتعنى لجده عشان تختبر هناك .

من ناحية المواد سهله مافيه ذيك الصعوبه فقط إهتمام منك وتركيز والدكاتره متعاونين معنا والحمدلله ماشيه تمام ..
طبعاً حبيت أبين لك حتى ماتنصدم بعدين أن الملازم أو المذكرات في الدورة التأهيليه موجوده في منتدى خاص إذا سجلت في الجامعه لكن مواد التخصص اللي تختاره لا مافيه غير مواد مرئية أو صوتية ولا فيه ملازم سوى إجتهاد من طلاب الدفعات السابقه والحمدلله أشتريتها من مكتبة و أبدأ أتابع مع شرح أستاذ الماده ونادراً مايكون فيه إختلاف لأنه جهد الطلاب اللي قبلنا ومروا على مانحن نمر عليه ..


هذا ردي بذمة وضمير وللعلم أنا طالبة الأن في الجامعه إنتساب مطور تخصص إدارة أعمال والحمدلله ماشيه فيه وأموري تمام ..

أي إستفسار أنا جاهزة والله يوفقنا وياكم .

الانتساب التقليدي تم الغائه في جامعة الامام والملك عبدالعزيز والملك فيصل اما بقية الجامعات مافيها انتساب

انا منتسب في جامعة الامام وعلى كلام عمادة القبول والتسجيل ان الشهاده يسجل فيها انتساب فقـط

والاختبارات عباره عن اختيارات وتصحيح الكتروني وتقدر تختار الموقع اللي تختبر فيه

الشهاده معتمده الا التعيين مدرس فهم لايقبلون الا انتظام واكثر الاقسام المرغوبه إدارة اعمال واقتصاد وشريعه

وياك أخوي حمد عادي خذ راحتك مهنا إزعاج .

الدورة التأهيليه مفتوح الأن التسجيل في الإمام يمديك تسجل قبل مايتقفل وشوف التقويم الدراسي تبع الدورة عشان تعرف متى التسجيل ومتى السداد والإختبارات بالتاريخ .

http://www.imamu.edu.sa/support_dean..._calendar.aspx

والدراسه سواء دورة تأهيليه أو تخصص كله على النت ماتجي للجامعه بنوب إلا وقت الإختبارات تجي تختبر بس .

إيه مراكز الإختبار بكل أنحاء المملكة في الرياض لوحده فيها أكثر من مركز وأنت إختيارك وسرعتك في حجز مقعد لك لأن فيه ناس تتأخر في إختيار مركز الإختبار بعدين يتوهق أن المقاعد أكتفت فبكذا يضطر يختار مركز بعيد عليه ..


إذا دخلت للدورة كل اللي عليك تنزل موادك وتذاكرها وإذا قربت الإختبارات ينزلون الجدول على موقع العماده تروح تختبر إذا نجحت بكل المواد كلها مابوه رسوب خلاص تتخصص اللي تبيه ولاهنا معدل يشترطونه إذا أجتزت الدورة أهم شي تنجح وبس .

إيه من السهل تختار القسم اللي تبيه أهم شي أن الشرط الأساسي متوفر فيك اللي هو إجتيازك للدورة بنجاح ..

إيه إدارة الأعمال تتبع كلية العلوم الإدارية والإقتصاد .

عادي أسأل اللي تبيه مهنا كلافه والله يوفقنا وياكم .