السلام عليكم ورحمة الله وبركاته
اهلا ياشباب كيفكم اليوم الصبح رحت لمقابلة القوات الجوية طلعت من البيت 6.20 دقيقة الا والجسر المعلق كاد ان يطيح من كثر الزحمة الي فية ياربي ايش اسوي المهم وصلت لين مخرج 5 من الدائري الشمالي طريق الامير عبدالعزيز واول مادخلت مع دوار القاعدة الجوية مالقيت موقف واضطريت اوقف موتري 100 متر من الموقع المهم دخلت مبنى واجدت عسكري عند البوابة ومجموعة عاطلين قالت عندي مقابلة هنا قال عطني اسمك قلت قال اسف ماعندك مقابلة اليوم الا انضر الا اثري الاخ مضيع طلع مبنى القوات البرية جنب القوات الجوية المهم حطيت ثوبي بفمي وركضت لمبني القوات الجوية الي على دوار الاحساء جنب كلية الملك خالد المهم جاوا مجموعة طالب وجلسوهم على كرسي واخذو اثبتتانا والي جاي بدون موعد طردوة المهم نادو على اسمي وخذو ملفي وقاسوا طولي ووزني وبعدة دخلوني على ضابط برتبة نقيب وكان يبي يخوفني اسالة استفززية كم سروال لبس وكم نسبتك جاوبتة بثقة وقال انتضر النتايج يوم الاربعاء الجاي على البوابة مو الاربعاء هذا الاربعاء الي بيجي وتمت المهمة بنجاح واحس والله اني ضمان الوضيفة لان يبون يوضفون وبس.......
رجاء ياخون ابي منكم دعوة بالقبول النهائي انا الحين قعد اكتب واشوف الكمبيوتر 4*4 اتمنى تكونو استفدتو واي استفسار انا حاضر على العام وبالتوفيق للجميع مع العلم ان هذا اول تقديم لي على القطاع العسكري

الله يوفقك أخوي وأن شاء الله من نصيبك ياررب .

والله انا من أهل الرياض لكن قدمت على مطار الدمام ورحت قاعدة الملك عبدالعزيز الجوية بالظهران .

والله سوو لنا مثل اللي سوو لك الا بشيء واحد ما قابلنا لا نقيب ولا احد كلمنا اللهم وزن وطول وعبي بياناتك بس.

انا عارف شغل قاعدة الرياض تعقيد شوي لكن الله ييسر امورك وتنقبل ونتقابل بالدوره انا وياك والشباب كلهم

آن آلله راد ذلك .

الله يوفقك اخوي بالوظيفه

كفيت ووفيت شكرا لك

مشكورين على المرورو

بندر الصفقه ابشرك خلاص وصلت شوف موضوعي للاهميه
https://www.btalah.com/t251023.html

الله يوفقك ان شاء الله لما يحب ويرضاء ... طيب اخوي الي جيتها هي كلية الملك فيصل الجويه والا ايش .. لن مقابلتي هناك .. وثاني سؤال .. ؟ اختبار الياقه والفحص الطبي .. في نفس الوقت والا كيف ..؟
معليش ثقلت عليك .. .. تقبل مروري المتواضع ..

اللي قدموا فني مختبرات بالقوات الجوية بالرياض يقولون لنا وش صار معهم ياليت احد يفيدنا لو سمحتوا

النتايج متى ,,؟

مووووفقين جميعا