08-12-2010, 06:20 PM
|
 |
عضو مميز
|
|
تاريخ التسجيل: May 2010
الدولة: الغربية
المشاركات: 1,199
معدل تقييم المستوى: 109584
|
|
هاذي مشاركة واحد في قسم الوظائف العسكريه في نفس الخبر
انا بعطيكم معلومات بكل من المناطق التالية مفصلة عن أكاديمية نايف للأمن الوطني (مركز التدريب الوطني) علشان لا احد ينصدم ويتحطم بعدين زيي:
الرياض، مكة المكرمة، الجوف، عسير
معلومات عن الوظيفة:
طبعاً هي تابعة للمباحث العامة، انا سبق وأن قدمت فيها لكنهم شاتوني قبل الدورة بيوم يوم ما صرفوا لنا العهد بسبب جدي الله يمتحنه بس (مات خلاص) ما عنده أي بيانات في الأحوال.. لكني مقدم مقدم لين ما أتوظف بالمباحث لو اضطر ادخل على الملك عبد الله في قصره.. المهم نرجع لموضوعنا..
المديرية العامة للمباحث بالرياض كل سنة مرتين فقط تفتح باب التسجيل في مراكز التدريب، الأول شهر 01 والثاني شهر 06 ، ومدة الدورة 4 شهور للفرد الأساسي و6 أشهر للفنيينو ما اعتقد في هالدورة فيه فنيين، وما فيه مفاضلات دامهم محددين الرتبة على جندي، يعني لو معك شهادة جامعية أو دبلوم بتكون جندي، لكن تفيدك في الترقيات فقط هالشهايد. الدورة مقسمة كالتالي: 35 يوم حبسة في المركز وكرف (5 لفات على الميدان هرولة+استعد استرح+مشاة+بشم (ضغط)) بعدها خميس وجمعة إجازة في حال اجتزت الـ35 يوم وما انحشت أو ما سحبت.
الرواتب مع الزيادات الجديدة 7200 تقريباً ومع (بدل عدوى) يرتفع الراتب، ودام الجمارك يسوون لك مقابلة شخصية أكيد التعيين في المطارات وتحديداً في مباحث المطار، ولأن المطارات صغيرة المساحة فراح يحتاجون عدد قليل جداً من المتقدمين.
طريقة التقديم:
طبعاً التقديم عن طريق النت، وبعد ما ينتهي التقديم يتصلون عليك المركز ويقولون لك تكون اليوم الفلاني والساعة الفلانية عندنا.
عاد يوم تروح هناك بتلقى أمة لا إله إلا الله وتمسك طابور طويل، وتجيب معك هويتك وملفك (الشهايد الأصلية+صور منها+معروض بخط يدك تكتب فيه التالي (لمن أراد التقديم لدى مركز التدريب الوطني بالطائف):
بسم الله الرحمن الرحيم
سعاد مدير مركز التدريب الوطني بمنطقة مكة المكرمة
العميد/ سعيد العمري .. الموقـــر
السلام عليكم ورحمة الله تعالى وبركاته .. وبعـــد ،،
أقر انا المدعو/ فلان الفلاني، هوية رقم/ **** بأنه لم يسبق لي الخدمة العسكرية، وأنني على استعداد للإلتحاق بدورة الوسائل المساعدة والمنعقدة بالمركز لعام 1432هـ بناءً على رغبتي الشخصية ودون أي إجبار على ذلك، وأتعهد أن ألتزم بالتعليمات والقوانين اللازمة أثناء فترة التدريب.
وتقبلوا فائق التحية والتقدير ،،،
فلان الفلاني
توقيعك
التاريخ
ولا تنسوا تجيبون صور شمسية مقاس 4×6 عدد 12 صورة احتياط، وتعال بشماغك وعقالك نصيحة للكل وبالزي السعودي لأن أي واحد يجيبهم بثوب نوم أو ترنق رياضة ما راح يدخلونه المركز.
بعدها بيفرز أوراقك وشهاداتك بيعطيك رقم يقول لك احفظه، بعد ما ينتهي الفرز المبدئي للمستندات راح ياخذونكم على صالة كبيرة فيه عدد من الماصات وعلى كل ماصة جندي وعليهم مشرف ضابط ويقعدونكم على الأرض في طوابير قدام كل ماصة طابور، وياخذون دفعات منكم تقعد قدام الماصه للفرز مرة ثانية والتدقيق في الشهادات.
نقطة هامة جداً:
طبعاً يوم تجي تقدم عن طريق النت لازم كل بياناتك تكون صحيحة، لأنك لو ألفت من راسك وزودت طولك حطيت مثلاً ان معك دبلوم وانت ثانوي، أو حطيت نسبتك 75 وهي 64 بتاكل هوا وقت الفرز المبدئي، راح يعطونك مخالفة واحتمال تستبعد من الدورة، فخلك صادق.
طبعاً يسألك ستمية سؤال على كل شهادة انت مقدمها، بعدها يختمون على ملفك ويعطونك رقم ملف، هذا الرقم هو حياتك المهنية لو ضاع ضعت معاه، احفظه صم وانسى اسمك وحطه مكانه.
بعد كذا بتروح لصالة ثانية للكشف على الطول والوزن والنظر.
الطول:
الطول من الضروريات (انا أسميها التعقيدات) في الكليات والمعاهد العسكرية، الطول المطلوب 168 ما يقل عنه حتى لو نص سانتي، إذا جيت عند الميزان المفقع القديم المخرف راح يطلب منك الدكتور تفصخ حذاينك وانت بكرامة والشماغ وتطلع فوق الميزان وممنوع شد الجسم، ولا تتوتر لأنك لو توترت أخلاق الدكتور المزفته بتشتغل على دماغك ويقول لك انزل اطلع برررررررررررررره، طبعاً القياس قدام أخوياك كلهم وهذا سبب التوتر.
النظر:
نجي لطبيب النظر، راح يكون بجمب دكتور الطول، يقول لك: ((اللي لابس عدسات يفصخها))، ويجيب كشاف صغير ويكبس بالنور داخل البؤبؤ علشان يشوفك لابس عدسات ولا لا، بعدها يقول لك غط عينك اليمين وناظر اللوحه، طبعاً اللوحه بعيييييده، اللي حطها نذل، ومكتوب عليها حروف E ومتجهة اتجاهات مختلفة، اللي نظره 124124123 على 6 ما يشوفها من صغرها، طبعاً الكل راح يخبص، لكن هم الدكتور انك تجاوب بسرعه وما تتلكع، انت جاوب حتى لو غلط ما عليك، أهم شي تسوي انك واثق.
بعدها يقول لك يلا، رح للمقابلة الشخصية.
المقابلة الشخصية:
المقابلة الشخصية ياخذون اربع أشخاص على دفعات، فيه 4 ضباط قاعدين يسوون لك المقابلة، طبعاً أول ما تدخل يركزون على مظهرك، لازم تكون لابس شماغك ومسكب ومترزز لو انك شاكوش عادي، بعدها لازم تسلم، بعدها تقعد والضابط يفتح ملفك ويسألك اسئلة عامة:
من هو وزير الداخلية؟
من هو نائب وزير الداخلية؟
من هو مساعد وزير الداخلية للشئون الأمنية؟
أين تقع جامعة الدول العربية؟
من هو الصحابي الملقب بالفاروق؟
وزي كذا اسئلة عامة، مو شرط تكون مثل هذي لكن هذي أمثلة فقط.
بعدين يقول لك خلاص تروح للصالة الثانية علشان تبصم ويرسلون بصماتك للأدلة الجنائية يشوفون عليك جريات ولا لا، بعدها يقولك ارجع الصالة الأولى حقت الفرز وخذ موعد لمستشفى قوى الأمن الداخلي، ويوم تروح لهم يعطونك ورقة فيها تاريخ موعدك بالمستشفى، وانت وحظك يحطوك في نفس منطقتك تفحص ولا يحذفونك منطقة ثانية.
مستشفى قوى الأمن الداخلي:
طبعاً هنا يبدأ شغل التطفيش للمتقدمين علشان يخلونك تزهق وتسحب من لحالك ويصفون عدد كبير، لكن خلك صامل وجلد ورجال ما يعوقك شي أبد، لأن هذي العسكرية وانت راض بها ما فيها راحة لازم تتحمل.
طبعاً لو رحت لهم بيلطعونك من الساعه 7 لين 9 في الشمس وبعدها يقولك خلاص تعال الأسبوع اللي بعده نفس اليوم.
طبعاً فيه ناس كثير تسحب نتيجة هذا التطفيش.. المهم لا جيتهم الأسبوع اللي بعده تدخل تعيد كشف الطول والوزن والنظر مرة ثانية لكن بإجراءات أكثر صرامة، يعني غلطة وحده يقول لك بره.
بعدين يعطيك موعد للأسبوع اللي بعده.
إذا جيتهم الأسبوع اللي بعده راح تحلل الدم وتاخذ النتيجة وتودها لمركز التدريب، بعدين يقولون لك خلاص انتظر اتصالنا.
إذا اتصلوا عليك خلال أسبوع معناه وضعك كويس، راح يقولون لك راجعنا عشان تحليل السموم عندهم في نفس المركز.
تحليل السموم:
إذا رحت راح تمسك طابور طويل ويعطونك قزازتين صغيره، يقول لك ادخل الحمام وانتم بكرامة وزغل فيها، لازم تجيهم صايم ذاك اليوم، ولا تشرب لا ببسي ولا قهوة ولا بيره ولا بايسن ولا أي من المنبهات ذي انتبه، ولا بيخرب التحليل حقك.
بعد كذا يقولك خلاص انتظر الاتصال حق القبول النهائي.
القبول النهائي واستلام العهد:
طبعاً هذي الفترة هي فترة الوسوسة والقلق، حتى شوفوا مشاركاتي قبل 3 شهور كلها وسوسة في وسوسة، يسببون لك حالة نفسية، المهم إذا اتصلوا عليك وقالولك تعال يلا عشان تستلم عهدتك اعرف انك مقبول نهائي ولله الحمد.
عاد تروح الوقت اللي قالولك عليه تستلم العهد اللي هي (بدلة عسكرية مكتبية+بدلة عسكرية ميدانية+بدلة عسكرية للبرد+بسطار+جزمة رسمية+جزمة رياضة+ترنق رياضة+فانيلة رياضية+بريهة+قايش+كاب) طبعاً المقاسات كلها كبيره، بس انت تروح عند خياط البدل العسكرية وتضبط فيها.
مميزات الوظيفة:
طبعاً للي يحب الحيوانات زيي وعنده خبرة مع الكلاب وانتم بكرامة يقدر يتعايش مع الوضع هناك، والراتب مغري وأعلى راتب في العسكرية بعد الاستخبارات العامة، وفيها بدل خطر وبدل سمعة وبدل ارهاب وبدل سكن وبدل مواصلات وبدل عدوى، طبيعة العمل راح تكون الكشف عن المتفجرات والمخدرات والمشتبهين والمطلوبين وأثناء الشغب.
ونصيحة يا أخوان اللي هواه دلع وما هو قد الكرف لا يقدم نصيحة، إذا ما كانت تربيته تربية بدو وبران ويتحمل الإهانات والشمس والحرارة اللاهبة ويتقبل الأوامر فلن يمشي خطوة واحدة.
لأي استفسارات أخرى:
أخوكم
-أبو فوزان-
0559275700
|
العرض العادي
