كهرباء اخووي لأن مجاله بالوظايف كثيره
وأغلية الشركات تبي كهرب .. في منها شركات الطيران وأرامكو وسابك وسكيكو بالذات ..

شلمبرجير .. شيفرون .. الطويرقي ..

يعني شركات كبيره ومعروفه تبي التخصص وسووقه وربي مره ماشي افضل من الحاسب

ورواتبها حلووه يعني تدري الشركات القويه تعطيك مع البدلات ويوصل راتبك حدوود الــ6000 وفووق ..
وأنت وأختيارك في مستقبلك طبعا .. وأنا عطيتك رايي

بحكم ان انا تخصصي شبكات سيسكوو ومعدلي ممتاز ومعي اربع دورات وشوفني هذا انا جالس واذا جاتني وظيفه قالي 2000 ولا 3000 وتبعد عني مشوار 120 كيلوو .. اتعب نفسي ع راتب مايسادي .. ليش ..!!

يعني انا عطيتك نظره سريعه واتمنى تكون مشاركتي خفيفه وحلووه لك يالغلا ..

الله يوفقك يالغالي ويكتب الي فيه الخير ..

اخوي نصيحة اخوك ابعد عن التقنية وعن برنامج الدبلوم مهما كان ادرس بكلوريوس اي تخصص مو مهم المهم تحصل وظيفة والدليل ادخل على توقيعي اين انت ياخريج الكلية التقنية
موفق بإذن الله ... لك مني أجمل تحية .

[align=justify]
بندر بن

مثل مآ قال أخوي ( محتار بقوة ) حاول تدخل جآمعة أفضل لك من البدآية ومهما كانت السُبل حتى لو تدخل أول ترم بفلوس أهم شئ .. تدخل الجآمعة وهذاك الوقت إختار أي تخصص من تخصصآت الحآسب أو أي شئ على الأقل تستفيد وتتعلم بشكل أكبر وأوسع.

تمنيآتي لك بالتوفيق ،،
[/align]

[align=center]طيب الآن الكلية التقنية ما فيها بكالوريوس ؟
أخبر فيها بكالوريوس حاسب آلي وكهرباء , يعني إذا جبت معدل زين تقدم على بكالوريوس ويقبلونك ..
وتتخرج بشهادة بكالوريوس تقني .. ولو بغيت تكمل في الخارج ماجستير تقدر برضو ..

بس ليش الناس مستاءه كذا من التقنية ..

عموماً أنا ما ني خريج جديد من الثانوي , أنا درست في معهد الإدارة تخصص إدارة المواد << دخلته على عمى وما أكتشفت وشهو إلا قبل التخرج بترم ..

وقلت في نفسي أدرس سنتين في كلية التقنية يمكن ألاقي بعدها وظيفة افضل من المستودعات والمشتريات وبراتب أقوى

والجامعة نسبتي الثانوية ما أهلتني لأدخلها وأدرس بكالوريوس ..

طيب هل اقدر أوازي دبلومي "إدارة المواد" ببكالوريوس في جامعات المملكة, معدلي 3.34 من 5 ؟
وكيف أقدر أوازي بالدبلوم , وهل البكالوريوس الموازي بفلوس في الجامعة أم لا ؟

والله مثل ما قلتوا الدبلوم في هالزمن ما يوكل عيش ..
بس الحمدلله على كل حال ..

ارجوا تفيدوني أكثر .. هل أقدر أوازي الدبلوم اللي معاي أو لا ؟
وعلى أي تخصص أقدر أوازيه .. وكم طالبين معدل ظنكم ؟

الله يوفقكم ..


[/align]

اخ بندر انت تقول تميل لدراسة الحاسب وتحب الحاسب صح
نصيحتي لك لاتتخصص على اساس هذي مستقبلها وهذيك مستقبلها لان ماتضمن وش بيصير بعد ساعه من الحين مابالك بعد سنتين او ثلاث
ومدامك تعشق الحاسب وناوي تكمل بكالريوس انصحك تتوكل على الله وتدرسه بدون تفكر بالوظيفه بعد الدراسه فكر كيف تجيب اقوى معدل وكيف تكمل بكالريوس
اي تخصص اذا كنت ممتاز ومعدلك عالي راح تكون مطلوب
وبالتوفيق لك

[align=center]
إشششوفني : قوي كهربآء عآططططططططططططططططططططططله :
انصصحك ابتعــد ع كلييه التقينه
[/align]

حتى شهادة البكلوريوس صعب تجيبها من التقنية واذا جبتها لايوجد لها تصنيف من الدولة احسن لك الجامعة قسم حاسب

زي ما قالوا اخواني حاول انك تدخل الجامعه لو بفلوس وشد حيلك في الجامعه بالتوفيق لك

انصحك ابعد عن الكلية الدمار و النصب

في الاخير شهادتك غير معترف فيها من وزارة التربيه و التعليم

انا ادرس في الكليه التقنيه ما فيه غير البطالة بعد التخرج

روح الجامعه افضلك بمليون مرة

وجهت نظري

اتمنى لا يكون كلامي سبب صدمه لك وانت ترغب بتسجيل في الكلية التقنيه

اذا انت ناوي الكلية التقنية ادخل قسم الكهرباء

والله يوفقك ويكتب لك الخير