يقولك كان في رجل عايش فالبر ومعه زوجته الكلام ذا طبعا من قديم الزمان واول اذا كانوا بيتاجرون او بالاصح يبون يكسبون الاموال كان عندهم مدينتين وكل مدينه لها مقوله المدينه الاولا الهند ومقولتها (الهند هندك لو قل ماعندك ) والمدينه الثانيه الشام ومقولتها ( الشام شامك لو الزمن ظامك ) المهم مالكم بالطويله الرجل سلم على زوجته وقالها انا بسافر الهند وبجلس ست سنسن وكل سنه بجلسا ابكسب ***** الله عشر ليرات ذهب والليره الذهب الوحده تجيب لي ناقه المهم سلم على زوجته ومشى الرجال وصل الهند ولقاء شغل الحمد لله المهم جلس ست سنسن الرجل وجاب ستين ليره ذهب وقال للي يشتغل عنده انا برجع لهلي قال المديرالله يستر عليك ومشى الرجال لهله وهو راجع فالطريق قابل رجل قاله الرجل تشتري نصيحه قال اللي توه جاي من الهند اشتري بكم قال بعشرين ليره ذهب قال نصيحه بعشرين غاليه قال هذا هو تبي ولا بكيفك قال اشتري قال بائع النصايح ل الرجال الي توه جاي من الهند النصيحه الاولى لا تماشي الى طيب (رجال شقردي) قال البدوي طيب هذي معروفه قال هذي النصيحه المهم البدوي كمل طريقه ومعه اربعين ليره ذهب قابل بائع نصايح ثاني قال البائع تشتري نصيحه قال البدوي اشتري بكم قال البائع بعشرين ليره ذهب قال غاليه ومن هالكلام المهم اخر شي شرى النصيحه الثانيه اللي هي : كل نفس وماتشتهي قال البدوي معروفه قال البائع هذا اللي عندي المهم البدوي كمل طريقه وهو يمشي قابل بائع نصايح ثالث قال البائع تشتري نصيحه قال اشتري بكم قال البائع بعشرين قال البدوي خل العشرين ذي تلحق خواتها الاربعي وشي النصيحه قال البائع النصيحه الثالثه اذا عزمت على شبب فوجبه (اذا عزمك احد على غدا او عشاء تممله يعني استعزم يعني اقبل عزيمته ) قال البدوي معروفه ذي قال هذا اللي عندي قال البدوي الله يجزاك خير وكمل طريقه البدوي وهو يمشي قابلوه قوم القوم منول ياخذون حتى الثوب اللي عليك المهم القوم قالو للبدوي نزل ثوبك ونزل جنبيتك (سكين ) قال البدوي طيب نزل ثوبه وجنبيته الى يجي رجال لابس خوذه وراكب الفرس عقيد القوم قال لقومه وش تبون بالبدوي قالو نبي نسلبه يطويل العمر قال العقيد ردوله ثيابه وجنبيته اعجب البدوي بكلام العقيد وتذكر النصيحه الاولى اللي هي لا تخاوي الى طيب وسار يمشي ورى العقيد التفت عليه العقيد وقال وش تبي قال البدوي ابي اخاويك يطويل العمر قال العقيد حياك الله المهم وصلو قبيلة العقيد وصار العقيد يقدر البدوي وفي يوم من الايام انقطع الماء عن القبيله وكل مانزل واحد القليب يرقى الدلو وفيه راس اللي نزل للقليب (البير) قالو القوم نزل يالعقيد خويك البدوي قال العقيد بشرط ينزل اذا وسمتوله مية ناقه بوسمه الخاص ديه يعني اذا سار له شي لا سمح الله قالو خلاص المهم جمعو اطيب النياق فالقبيله وتنقو مية ناقه من اطيب النياق وسمها البدوي وسمى بالله ونزل يوم وصل تحت لقى عبد وكلنا عبيد الله عريض القامه وفيده سيف يقطر دم وعلى يمن العبد وحده بيضه وعلى يسار العبد وحده عبده قال العبد للبدوي اي احلى البيضاء ولا العبده فكر البدوي وقال في نفسه لو قلت العبده اجامل ذبحني ولو قلت البيضه ذبحني فكر البدوي وطرت عليه النصيحه الثاني اللي هي كل نفس وما تشتهي وقالها البدوي للعبد ضحك العبد وقال عب مويه وعبى البدوي مويه وطلع للقوم اعجب العقيد بفعلة البدوي وصار اي شي يبيه البدوي قاله العقيد تم انقهرو القوم عشانه خذ مية ناقه منهم عشانه وسمها وانقهرو بعد ان العقيد يعامله ازين معامله فجو عند العقيد وهم معهم رساله وقالو نبي خويك يوصلها للملك وقالو للعقيد ان الرساله مكتوب فيها انا حنا بخير وطيبين وماعلينا خلاف فقال العقيد على كيف خويي اذا بيروح بكيفه قال البدوي اي بالله بروح يطويل العمر وركب البدوي الفرس وخذ الميت ناقه والرساله ومشى وهو فالطريق قابل شخص وعزمه على الغداء قال البدوي انا مستعجل وبروح للملك معي رساله من قوم العقيد قال الشخص اللي عزم البدوي انت تعال تغداء وسعيد بيروح يودي الرسال تذكر البدوي النصيحه الثالثه اللي هي اذا عزمت على شبب فوجبه قال البدوي خلاص اخذ سعيد الرساله وراح يوديها للملك والبدوي جلس يتغداء يوم جت اطيح الشمس الى خيل سعيد جايتهم وعليها خيشتين يوم كشفو الخيشه الاولى لقو راس سعيد والخيشه الثانيه فيها جسمه انهبل البدوي والرجال اللي عزم البدوي وقال الرجال اللي عزم البدوي انا برسل رساله للملك بشوف ليش ذبح سعيد بعد فتره جاهم الرد من الملك ومكتوب فيه ان الرساله اللي جتني مكتوب فيها حامل الرساله يقطع راسه .
وهذا ملعوب من قوم العقيد عشان يذبحون البدوي من شدة الغيره والحقد وهذا البدوي بدال مايرجع بستين ليره ذهب شان يشتري ستين ناقه رجع بمية ناقه وفوقها ثلاث نصائح فادته

وسلامتكم

ارجو ان القصه نالت على اعجابكم

منقـــــــــــــــــــــــــــــــــــــــــــوووو وووووول

والله محظوظ البدوي
قـصـة و عـبـرة
يعطيك العافية

تسلمين على النقل
قصه فيها من العبرالشيء الكثير