كيف اطق مفصل الفخذ؟؟؟ساعدوني

قاصر الشر · #1 (**permalink**) 09-12-2010, 02:31 AM

السلام عليكم ورحمة الله وبركاته

اسعد الله صباحكم بالخير

ياجماعة الخير مين عنده طريقة مجربة في طق مفصل الفخذ؟

شفتوا كيف المشوار..اعرف الناس تطق الركبة والا الاصابع....امس كنت احاول اطقه بس ماعرفت له...مرة اميل جسمي كله على اليسار ومرة على اليمين احس انه على وشك ينطق....مر وراي واحد من الجيران قعد يناظر فيني [IMG]http://www.*****.com/smiles/data/6/011.gif[/IMG]بنظرات غربية يقول انت منت مزبوط اليوم...ماعاد اخلي عيالي يمشون معاك..قلت له ليش قال وش عندك تتمايل زي الحريم...؟؟قلت اول شي وش فيهم الحريم....كفاية ان امي وزوجتي حريم ولولاهم ما كان عرفنا الاستقرار في الحياة ولا احد سوا لك قهوة في الصباح...ثالث شي ان الحريم نص هالدينا وانت ووجهك النص الثاني عاد النص اللي انت فيه ترا لو تزيد علاه ريال يادوب يجيب لك بيبسي....خامسا وهم المهم انا ابطق مفصل الفخذ....عندك شي؟؟؟ في راسك شي؟؟ قال لا قلت له هيا ضف وجهك لا اجمع عليك عيال خالي ...

رحت البيت وحطيت رجلي على كرسي....وضغطت عليه بقوة...الين انكسر...والمفصل مابعد طق....

ساعدوني ياخوان قسم بالله احس ان فيه ألم شديد وصرت اعرج وانا ماشي كاني طالع من مباراة انتهت بلنتيات

اخوكم ابو فجر كاتب وباحث اكاديمي وهامور سابق في سوق الاسهم

مؤمل خير · #2 (**permalink**) 09-12-2010, 02:35 AM

خلي واحد يوقف على فخذك وانشاء الله ينطق

راعي العليا20 · #3 (**permalink**) 09-12-2010, 02:37 AM

لاتذكرني

هذا الالم احيانا يجيني والسبب عضلات الفخذ <<رحت المستشفى مع اني مااحبه

وقالي الدكتور ابعد عن النت لان فخذك ينشد لانك تجلس بالساعات ماتتحرك

اذا جاني الالم مااقدر ادوس الكلتش لان الالم يجيني في الفخذ اليسار

الله يعينك هذا مايبي له طق

روح المستشفى ولا الصيدليه

وقولهم يعطونك حبوب للعضلات وان شاء الله كلها ثلاثه ايام ويروح الالم وماتشوف شر يالبيزنطي

خنجر وديع · #4 (**permalink**) 09-12-2010, 02:38 AM

هههههههههههههههههههه أقلك اعقل يا حاكم لأطق لك مفاصل نافوخك التنكه

شوف أنا عندي لك حل جذري تطق فيه مفصل فخذك وهي كالآتي :

تروح تدور لك تكرن يلعبون مزمار و تاخذ معك عصا مكنسة وتلعب معهم جوش

وتعمد طيح العصا

بعدها انتهت مهمتك

بتاكل من المشاعيب لين تقول بس و أكيد بيجي فخذك مشعاب محترم

سو الوصفة اللي علمتك ورد مني هاااه لا تنسى

أبونايف2010 · #5 (**permalink**) 09-12-2010, 02:46 AM

ما يبيلها صناعة طيارات

اشتر لك خيزرانه من البقاله وطقه لييييين يقول بس

~ ند فرسان ~ · #6 (**permalink**) 09-12-2010, 02:46 AM

اسمع ويش اقول واتبع خطواتي ..

اخرج للشارع الحين |||| خرجت

شفت اقرب عمود لمبه طولة 10 امتار ** ( اية شفت ) **حط ظهرك فية وتحكك بيه الين يجوك عيال الحارة
ويودوك مستشفى شهار .

وذا محد وداك المستشفى

شفت الرصيف الى عند بيتكم **( ويشبوووه) ** خالك جالس الين يجيك راعي البنشري ويسويلك تربيط كامل