19-12-2010, 12:16 AM
|
عضو مهم
|
|
تاريخ التسجيل: May 2010
المشاركات: 216
معدل تقييم المستوى: 65
|
|
مساء / صباح الخير ياشباب ::
انا كان موعدي يوم 9/1 الاربعاء اللي فات بالجوف رحت
يمهم الصبح دخلت الساعه 7 ونص تقريبا اول ما دخلت خذو الجوال
وقفلوه وحطوه عندهم ومن ثم دخلت للفصل يمار ما شاء الله مليان به حول 25 طالب
وفيه فصل قدامنا بعد مليان وفيه فصل تحت مليان بعد .. طبعا اول ما جلست
عالكرسي عطوني ورقه وقلم وفيه معروض قدامك بلوحه تكتبه على الورقه ..
ومن ثم تسلم اوراقك شهادتك وصور البطاقات وصورة كرت العائله والمعروض اللي كتبت
تسلمهن طبعا للعسكري اللي بنفس الفصل ومن ثم يديعيك العسكري وياخذ منك صور
ويقولك اجلس وبعدين يعني بعد جلوس ساعتين تقريبا دخل عسكري ودعى تقريبا 10 اشخاص
انا من ضمنهم ونزلنا تحت وصفونا طابور على غرفة الكشف اقصد الطول والوزن
والله اني منخرع لاني سقطت بالمنشئات بطول 167 يوم دخلت الى الميزان قدامي وتضربن ام الركب
الوكاد فيه بالغرفه عساكر كلهم جنود وفيه عرفى ورقباء وفيه واحد رسمي عالميزان لابس شماغ وثوب
وانا اصعد عالميزان وانا ارفع صدري بالحيل واخذ عالميزان 2 دقيقتين تقريبا بلشوبي الوكاد نزلت من الميزان
وفيه على طول بنفس الغرفه كرسي بعيد وقدامك سبوره وفيه عسكري بجنبك يغطي حدى عيونك بورقه
وفيه مصري قدام يسال هاذي وين وجهها اللي هي حرف E وجهه يمين ولا يسار ولا فوق ولا تحت ولا ......
الوكاد اني جاوبت صح وانا اطلع برا ومسكنا سرا على غرفة المقابله وطلع واحد ظابط يمار موصى عليه انا
وانا اتورشعه .................. الوكاد دخلنا لغرفة المقابله يمار اثنين رسميين واثنين ظباط واحد ملازم بالمباحث
وواحد ملازم اول بالحرس الوكاد شافن الملازم الاول وشكبي اني قصير وقام ورجعن عالميزان ثاني مره
بس من حمد ربك ما سقطت لاني كاتم تفسي ورافع نفسي فوق الوكاد قال خلاص تعال ودخلن بغرفة المقابله
وقال تكلم عن نفسك وقمت اعجنهن عليه و قال منين انت قلت من حائل قال وشلون المطر عليكم قلت تماما
(شبكته) الوكاد قال خلاص رح وارجع لفصلي واجلس تقريبا 2 ونص الا ما جت الساعه 12 تمام
وهم يدعون اسماء معنا وقالولهم روحوا ندق عليكم (الظاهر انهم مع الباب )الوكاد يوم
جت الساعه 12 ونص دعونا كلنا تحت تقريبا عددنا كل المجموعه 60 واحد ودخلونا
بصاله به كراسي وماصاة ووزعو علينا اوراق نكتب به بيناتنا وبينات ابواننا واجدادنا
وسلمنا الاوراق وعطونا ملف فيه ورق للعمده وللبنك وللاحوال وللمدرسه
وقالولنا نتصل عليكم اخر الشهر عشان تجون للمستشفى بالجوف وتجيبون الاوراق معكم .
الوكاد قالو يالله انصراف وطلعت من البوبه 2 الظهر من الساعه سبع ونص الله لا يبلا ..
الوكاد ادري فكيته عليكم يالربع بس قلت ابشرح الوضع وش صار وش ماصار ..
__________________________________________________
[align=center]
انا عند سوالين بس ::::
1-- وضع المستشفى بالجوف هل هم متساهلين يعني فيه تدقيق فيه احد سقط بالعربي ؟؟
2-- انا عندي ضرسين وسط متكسراة يعني الاسنان عندهم يفحصون بالحيل ؟؟
ياليت اللي فحص بالجوف يعلمن وش الوضع انا ابي اللي فحص بس ..
وتقبلو تحياتي والله اوجعن راسي من الكتب ::
اخوكم / حمدان حميد الشمري ..
[/align]
التعديل الأخير تم بواسطة حمدان الشلاقي ; 19-12-2010 الساعة 12:26 AM
|
الله يوفقنا أنشألله وندخل 
العرض العادي
