صباخ الخير لأحلى منتدى وأحلى أعضاء
حبايبي أبغاكم تدلوني على محل ناجح وفي نفس الوقت غير مكلف في مدينة الرياض وياليت الكل يتكلم عن حيه اللي هو ساكنه وش ينقصه لأني والله أبغى افتح محل ولكن محتار بين أنشطه كثيره منها ( صيانة حاسب آلى + كوفي شوب + مغسلة ملابس + ووجبات سريعه ) هذا هو اللي جاء في بالي واللي عنده مشروع آخر ياليت مايبخل عليّ واللي يعرف موقع يناسب هالمحلات أتمنى أنه يفزعلي بتحديد الموقع ولاهنتم حبايبنا ...استودعكم الله الذي لا تضيع ودائعه.

في حارتنـا حاجه للمكتبه قرطاسية وبفتح فيها ان شاء الله بتكلفني تقريباً 80 الف
وانت دور لك مشروع يناسب ميولك وأهم شيء تداوم فيه وتتابع حلالك

اما بالنسبه للموقع رح لمخرج عثمان يمين بيجيك حي التعاون على يمينك وهو يبيله قرطاسيه
والله يرزقك ..

بصراحه فكرة كوفي شوب ناجحه وموفق

حياك اخوي بين اخوانك اما من ناحية طرح افكارك ومشاريعك اللي ذكرت فانا من المعجبين بمشروع مغاسل الملابس وخصوصا اني متابع مدخولهم توقعوا بعض المغاسل في الاحياء المقتضه بالسكان يتجاوز المدخول يوميا ال 800 ريال هذا على اقل احتمال وهذا ما رأيته وقد يكون المدخول اقل وقد يكون اكثر على حسب اختيار الموقع المناسب ( طريق عام تجاري وبجواره محلات .. بقالة .. حلاق .. محل خضار .. أو .. أو .. إلخ وتوجد مواقف للسيارات ويستحب حوله شقق عوائل او عزاب ) والاهم الايدي العاملة النشيطة اقل شئ عاملين .. وان اردت تطوير محلك استخدم الفواتير بالات الحديثة المطورة كنظام الكمبيوتر او غيرها واجعل عروض مغرية لجلب الزبائن كتوصيل الملابس مجانا ً أو اجمع 100 نقطه واحصل على هدية أو الحصول على خصم 15% مثلا للعملاء وانت وشطارتك !!!
وتقبل تحياتي ...

هامور الفلس: الله يوفقك ويبارلك في حلاك ولكن رأس مالي 50 ألف فقط والقرطاسيه ما أعرف عنها شي ولا عمري فكرت فيها أحس أنها غير مربحه وفي نفس الوقت مكلفه .
تباشير الصباح: الله يوفقك لما يحبه ويرضاه ويحققلك أمانيك .
دموع متفائل: في حارتنا مغسلة ملابس يقولي العامل اللي فيها دخلهم يومي قرابة 1100 ريال يعني شي يهول فهذا اللي جعلني متحمس مع المغسله .
اشكركم اخواني من الأعماق على ما تفضلتم به علي من أراء ونصائح فلا حرمتم الأجر والمثوبه.

بالتوفيق يالغالي

والله حي المروج ينقصه محل صيانة حاسب آلى لو تحطيه في الشارع الي فيه ركن الحلويات باجي عندك يوميا شـكرا لك وبارك الله فيك... لك مني أجمل تحية . واكون اول زبون لو تبي اوصفلك ارسلي لي رسالة على الخاص

ال برواز الله يوفقنا وياك ولاهنت يالغالي
فضل المولى لك رساله خاصه وجزاك الله خير .