اختي اتوقع الامور الماليه ماعندك فيها مشكله .. كبيره لانه تقدرين تتعاقدين بالاجل ..يعني بعد سنه اواقساط

بس المشكله بالسجل التجاري .. لان على حسب ماسمعت ان الجيم النسائي لازم يكون مرتبط بوزاره الصحه او فيها شئ زي كذا ..

بالنسبه للمشروع فهو ناجح 100% بعد توفيق الله

اتوقع انه يمكن تلغي كم فكره عشان التكاليف زي جيم للاطفال اتوقع ماله داعي ابد ممكن تفتحين حضانه مصغره او شويه العاب في زاويه عشان الامهات ..

اتمنى لك التوفيق ولو تسالين في الغرفه التجاريه افضل لك عشان الكلام احسن وتروحين مثلا يومارك تشوفين الاسعار وهل يقبلون بالاجل والعقود .. يعني يبيلك كم مشوار ..

المشروع بأذن الله ناجح لكن يحتاج ادارة جيده وعروض منافسه

استخيري ربك والله يرزقك
تحياتي لك

يعطيكم الف عافية على الدعــــم المعنوي اللي عطوتني هو

بس ما أحد شار علي أي المدن أفضل ؟

انا استشير مكان اقامة مشروعك يكون بالمدن اي كان وخاصةالرياض لانها مدينة اهلها يحتاجون الشي الجديد من مشاغل او نوادي او اسواق عارفين معنى الحضارة اكثر من المناطق والقرى الرياض تكتض بالسكان وعلى كثر اسواقهم ماتكفي نسائهم وعندنا كل مايفتح شي كبير ينج اكثر واهم شي تكون فكرة رائعة يعني (الديكور والتصميم البضاعة او متطلبات المشغل تكون راقية العاملات اللي في داخلة ماهرات الشي الجديد ناجح في كل مكان انا لااطيل لاني ماقد جربت هالمشروع ولاكن اعرف التيار الذي يجذب مرتادات المشاغل بكل استمرار ,, ولاكن خذي الحيطة والحذر من البلدية واشتراطاتها , لاتبدي مشروعك الا ان تطلعي على اشتراطات البلدية , سبق ولي معها عراك
تحياتي لك شذاوي
يتيم الشووووق

^^^^^

أشكــــرك ع النصــــائح جزاك الله الف خيـــــر

اتوقع راس مال هالمشروع من مليون الى 3 ملايين ورح تزيد المصاريف مع اول سنتين

الله يوفقك يارب

نصيحة من مجرب ......إبدأي بالأشياء ذات التكلفة البسيطة اللي تكون مميزة
وتستفيدي من العائد المادي لها

صاحبي يعمل بأشياء بسيطة وتكلفتها بسيطة .......لكنها مميزة جداً جداً
ولا يوجد في السوق والمدينة التي هو فيها أحد آخر يقوم بنفس عمله لذا فالعائد
المادي مجزٍ

ربي يوفقك وتوكلي على الله

مشروع حلو وانصحك لو بتسوينه تسوينه بالرياض لان اهل القصيم غالبيتهم مايتقبلون كل شي تخافين تسوينه ومااحد يجي اماالرياض فهي فيها من كل المناطق والمدن واجانب .. الخ

لكن المشروع بيكلفك كثير اكثر مما تتخيلين يعني من مليونين وطالع من ايجار لمعدات ولتصميم لموظفات بيكلف كثير مره من رايي تبدين بمكان صغير وشي محدد احسك متشتته صعب تجمعين كل هالاشياء وانتي مبتدئه ومالك خبره ولاتجربه سابقه يعني احسبي صالة رياضه ومسبح وكوفي وقسم لبشره وقسم تخسيس وبوتيكات فساتين وجيم اطفال و و و الخ يبي لك اخصئيات محترفات في كل مجال ثنتين ع الاقل يبي ميزانيه وجهد وتعب وتكلفه ووقت اقل شي سنه

بخصوص اجهزة ال بي جي وجي فايف ماانصحك تدخلينها لان يبي لها اخصائيه محترفه ومعها شهاده الاااذ بتستقدمين وطبعا الفلبينيات هم في المرتبه الاولى