السلام عليكم

هذا موضوع قريته باحد المنتديات والله ماقصدت في نقله الا الخير للجميع

طالب جامعي كفل 3 ايتام من مكافاته

هذي قصه حقيقية لطالب في احدى الجامعات في الرياض

يقوول :
والله العظيم
انني اعرفه شخصيا لم اره في حياتي متكدر
او متضايق او مزاجه عكر او مهموم
والله لايدخل عندنا القاعه الا وهو متبسم
ومسووط ونفسيته والله العظيم لاتقارن بغيرها
والله ليس ملتزم يعني ماهو مطوع ولاهو الي متشدد
ولد طبيعي زيه زي اي شاب من شباب الرياض
ولاكن معروف عنه مايترك الصلاه ابدا يصليها بوقتها
ومع ذلك طبيعي يطلع يروح يجي
ههههههههه يموت في شي اسمه بالوت هو صديقي مقرب
اعرفه من 17 سنه مع اني اقرب المقربين له ماعلمني انه كافل
لاكني اكتشفت لمى ركبت معاه السياره ونزل هو يشتري من اسواق التميمي
فتحت الدرج حق سيارته بطلع شريط بتسمع لقيت زرف وانا طبيعتي ملقوف
فكيت الزرف وهنا صراحه صعقت اكتشفت انه كافل ثلاث ايتام وحده عمرها 18
ووحده 8 سنين ووحده سنتين والله اني بكيت سبحان الي يسرله هالعمل الصالح
والله يناس مو باين عليه ابدا يوم رجع وركب السياره طبعن هو مرح جدا طلع
توكس وصقعه بخشتي قال خذ واستغرب شفيني ساكت قال شفيك قلت ولد انت كافل ايتام؟
هو برطم وسكت شوي وظحك قال امممممم ايه
قلت امانه وشو الي خلاك تسوي عمل عظيم زي كذا
قال والله السبب واحد قريت حديث عن الرسول يقول
(( انا وكافل اليتيم في الجنه كهاتين ))
واشار بيده الرسول بلسبابه والوسطى وفرج بينهما قليلاً

وقال والله العظيم ان اموري كلها ميسره بشكل ملحوظ ووالله
ان ربي ساترني ورب الكعبه ان الفلوس ماتنقصني
وابوي وامي راضين علي واقسم بلله ماقد اسصعبت علي حاجه
ونفسيتي مرتاحه وكل شي نفسي فيه عندي والله انتم ماتدرون عني اقسم بلله
اني عايش بيني وبين نفسي حياه ثانيه انتم ماتحسو فيها ماعندي مشاكل ماعندي شي يزعجني
مهما اوصف ماراح تحسون في الي احس فيه
فقلتله ابي اكفل زيك قال خلاص ورحنا اليوم الثاني المكان اسمه
مؤسسة مكه المكرمه الخيريه
هم لهم كذا فرع بلرياض والسعوديه وفروعهم هي
مكه+المدينه+جده+الطائف+الخرج+الدلم+الافلاج+الدمام+ الاحساء+الخفجي+
حفر الباطن+حائل+الزلفي+القصيم
ورقمهم الموحد الثابت 8001249191
والكفاله للأيتام داخل السعوديه 200 ريال
والكفاله للأيتام خارج السعوديه 100 ريال
اتمنى من الجميع المبادره والله المبلغ جدا زهيد احنا نصرفه في اشياء تافهه
والله صدقتنا هذي تنفعنا يوم القيامه والله ماتدرون لو انهم يحاجون علينا من النار
واذا ماتبي
تكفل اتمنى ان تساعدني في نشر القصه لاكبر شريحه ممكنه واسئل الله ان لايحرمنا الاجر


يعني والله المكافات اللي راااحت وش بقالك منها ولاشئ ,, لكن الشئ اذا كان لله لن يضيييييع
وكفاله يتيم سنه بــ 1200 ريال من مؤسسه مكه
عالاقل الواحد يطلع من الجامعه يكون سوى شئ لله ,, وانت المستفيد اولا واخيرا ,,,
وترى اللي كفلوا ماهم ناس غريبين ولا ماعندهم التزامات
ابدااا مثلي ومثلك يدرسون وعندهم مصاريف بس يبون الخير ويدورون رضى الله وقدموه على رغبات انفسهم,,

الله يكتب الاجر للجميع ,,, ويعفو عنا ويتوب عليناا
اتمنى الموضوع مايحذف ولا ينقل ويبقى للفائده رجااااءا ,,
(((((((((( قصة أعجبتني )))))))))))))))