السلام عليكم ورحمة الله وبركاته
اخواني اعضاء حلول البطالة وش رايكم حصلت بضاعة من جدة رخيصة علي ريال وريالين تنباع في الرياض بعشرة وحصلت لي عامل بيبيع عند المجمعات والاسواق الكبيرة علي سيارة ونيت يعني يتنقل وعند المساجد وش رايكم كيف ابدا والعامل وش اسوي معة يعني اخلية يدفع معي في البضاعة او بالنسبة او كيف ماني عارف وهل تشجعوني اروح لجدة واشحن البضاعة ياليت تساعدوني بارائكم وافكاركم اخوكم ابو عمار

العامل تعرفة ولا لا

انتبة

بالتوووفيق

اخوي اذا تبي كان ع العامل تقدر تطلب منه سعر معين وله الباقي وهذا احسن شيء يعني تطلب منه 5 ريال او 4 ريال في السلعه الوحده وله الباقي وبكذا يتحمس بس لاتطلب منه مبلغ كبير عشان لايرد لك البضاعه كل يوم مثل ماهيه وبكذا مايقدر يسرقك لأن عدد البضاعه معروف السعر اللي انت طالبه معروف وكل شيء مجرود ومحسوب عليه اما اذا كان بالنسبه ذي فيها مشاكل كثيره وبيقلك بعضها بعتها برخص عشان واحد اخذ جمله وعشان كان الزباين قليلين هذي فكرة البيع وان شاء الله وضحتها لك
اما مسالة انك تنزل جده وتشتري البضاعه انا اشوف انك تكلف اي واحد من الشباب وتعطيه 500 او اقل حسب الاتفاق وتشرحله كل اللي تبيه >> باين من كلامك انك عارف البضاعه زين وهو يتكفل بتنقيتها وشحنها مقابل مبلغ يتم الاتفاق عليه بس لازم يكون ثقه لأنك راح تحول مبلغ وقدره ... وسياراة الشحن الله مكثرها شوف السعر المناسب لك وخله يتفق معهم وان شاء الله ما اكون قصرت معك يالغالي واذا تبي اي خدمه او استفسار تحت امرك
موفق بإذن الله ... لك مني أجمل تحية .

موفق بإذن الله ... لك مني أجمل تحية .

جزاكم الله خير ياخوان علي نصايحكم الغالية ودعواتكم الطيبة
والله يوفق الجميع لطاعتة

موفق في طلبك يارب