ياشباب الظاهر الرابط المنشور للمخدرات مزور فيه علامات ماهي حكومية ادخل تاكد

آبوعبدالله · #1 (**permalink**) 14-12-2010, 01:00 PM

السلام عليكم ورحمة الله وبركاته

بصراحه ياشباب اني شكيت في الوضع

الي اعرفه عن المؤسسات الحكوميه روابطها يكون فيها كذا

لاحظوا معاي نهاية الرابط دققوا زين فيه gov.sa يعني تعرف ان الموقع للحكومه السعودية

شوفوا

الامن العام

http://www.training.security.gov.sa/

الجوازات

http://www.gdp.gov.sa/

الحرس الوطني

http://www.haras.gov.sa/Pages/Default.aspx

وزارة الدفاع

http://www.moda.gov.sa

وهكذا لبقية المواقع الحكومية

ولو تدققون اكثر يجيك بنهاية الصفحة بكل موقع زي كذا

الحقوق محفوظة للامن الاعام 2008
الحقوق محفوظه لوزارة الداخليه 2010
الحقوق محفوظه لوزارة الدفاع والمفتشية العام 2009

وهكذا

يعني انتصب علينا والصفحة الي يسجلون فيها الشباب صفحه مشكوك في امرها

الي يقولي ليش

هذا رابطها

http://gdnc.khutwa.com.sa/

والسوال وش الدليل انه موقع حكومي مافيه اي علامه تدل انه حكومي ؟؟؟
والسوال الثاني مكتوب ( خطوة ) ممكن اعرف ايش خطوه وايش علاقتها بالمخدرات ؟؟

هذا شيء

الشيء الثاني

مكتوب باخر الموقع لو تلاحظون

الحقوق محفوظه © 2010 شركة العلم ، بيان سريّة المعلومات

فبالله عليكم حكومه بتكون حقوقها محفوظه لشركة زي شركة العلم
ومع العلم ان معلومات المواطنين سرية وقد تستخدم ارقام السجلات المدنية او الاسماء
في اشياء اخرى

انا بصراحه مستغرب من هالتسجيل ومن هالموقع

احس انها صفحه مزورة او فيه مشكله مجهوله

آبوعبدالله · #2 (**permalink**) 14-12-2010, 01:03 PM

ومانصح احد يسجل الي من خلال موقع وزارة الداخلية او الموقع الرسمي للمخدرات بشرط فيه علامه تدل انه حكومي

او لاحد يتعب نفسه تروهاا صفحة مزوره الحقوق محفوظه © 2010 شركة العلم ، بيان سريّة المعلومات

ايش هي شركة العلم انا جاي اقدم على وزارة الداخلية او شركة العلم ( خطوة )

بندرسكرتير · #3 (**permalink**) 14-12-2010, 01:03 PM

خيق بيق رقع لزق ممكن تكون المكافحة مستاجرة هالموقع قطة بين الضباط وهذا الي قدرو عليها علشان يفتكون من الزحمة الي راح تجيهم بالمركز قالو خلونا نستاجر موقع بالقطة ونفك نفسنا اعتقدي كذا والله اعلم

آبوعبدالله · #4 (**permalink**) 14-12-2010, 01:05 PM

اقتباس:

المشاركة الأصلية كتبت بواسطة بندرسكرتير

خيق بيق رقع لزق ممكن تكون المكافحة مستاجرة هالموقع قطة بين الضباط وهذا الي قدرو عليها علشان يفتكون من الزحمة الي راح تجيهم بالمركز قالو خلونا نستاجر موقع بالقطة ونفك نفسنا اعتقدي كذا والله اعلم

عليك توقعات تحفففففففففففففففففففة اقراء الموضوع زييين

وحيد تبوك · #5 (**permalink**) 14-12-2010, 01:07 PM

يا شباب هذى شركة العلم هي اللي تستضيف التقديم
وتزعم انها لديها القدرة على استيعاب المتقدمين
ولكن الشركة اثبتت بالفعل فشلها

Abu Faisal · #6 (**permalink**) 14-12-2010, 01:14 PM

مكافحة المخدرات كان لها موقع رسمي لكن تقفل من قبل حوالي سته أشهر والحين ما عندهم موقع رسمي
فلذالك فتحو التقديم عن طريق شركه العلم وللمعلوميه الرابط حق الشركه كان حق مكافحة المخدرات لكن الغى

برنس عاطل · #7 (**permalink**) 14-12-2010, 01:14 PM

كل شي جائز ... المهم انا اذا ضغطت ع الرابط التسجيل يجيني تنبيه ان الموقع يستعمل طريقة تشفير قديمه وغير امنه في الوقت الحالي .. حيث لا يستطيع حماية البيانات الحساسه .. هل تريد الاستمرار؟ احط قبول وامري لله ..

هذا من متصفح الاوبرا ... مدري عن الباقي

بندرسكرتير · #8 (**permalink**) 14-12-2010, 01:17 PM

أبو عبدالله اتمنى ان تحسن الضن وتضع النية امام قلبك وتخلي الناس تسجل وتفك نفسك من الحسد لاني متاكد انك اول واحد سجلت ولاتخاف لويسجل مليون واحد لولك رزق راح تاخذة تحياتي.استغفرالله العضيم

آبوعبدالله · #9 (**permalink**) 14-12-2010, 01:30 PM

اقتباس:

المشاركة الأصلية كتبت بواسطة بندرسكرتير

أبو عبدالله اتمنى ان تحسن الضن وتضع النية امام قلبك وتخلي الناس تسجل وتفك نفسك من الحسد لاني متاكد انك اول واحد سجلت ولاتخاف لويسجل مليون واحد لولك رزق راح تاخذة تحياتي.استغفرالله العضيم

وشو حسد وكلام فاااضي ياخوووك ايش هذا الرد ومين طرى حسد
ويعلم الله اني للآن مابعد سجلت والله العظيم

انا محسن الظن والرزاق بالسماء مهوب انا يوم تقول خلي الناس تسجل

هذا الي طرى على بالي ان الصفحه مزوره وحبيت نتاكد اول بعدين نشوف ايش سالفة التعليق

بس انت عليك توقعات تحفه من جد تقول الضباط قاطين في موقع ؟؟؟

بالله عليك هذا توقع يدخل المخ

وبعدين لو علقت على تعليقك مهوب عيب العيب لما تتهجم علي وتقول كلام زي كذا وتتهمني بالحسد

المهم ياخووك اسال الله ان جميع العاطلين والعاطلات بالسعودية يتوظفوا

ويشهد الله ماتمنى لهم الا الخير والله الشاهد على كلامي

المهم انت اقراء الموضوع زين وبعدين قول الضباط قاطين فيه علشان اضحك ههههههههه

قاطين فيه ضباط انت شايفه مفطح يقطون فيه هذا موقع بترسل بياناتك فيه

لو افترضنا ان الشركة هذي تسجل بياناتك بمكتب العمل على انك موظف عندها وانت مو موظف

مو ظلم لك ياخوي

ع العموم اتمنى الفكره ووصلت لك واسف لو فهمتني غلط