السلام عليكم ورحمة الله وبركاته
اخباركم ...ان شالله طيبن

شباب اللي راح للمعهد في الظهران يقلي وشحصل معه من .....الى
هل فيه تشديد في الطوووول
كم يوم راح تكون المرجعه في المعهد
اسعار الشقق للي استاجر
تكفووووون عطونا التفاصيل من الى

الله يوفقكم جميعا
ودمتم بحفظ الرحمن

يجي من يفيدك
انا مالقيت حجز كلها فل
وراح موعدي والظهران بعيدة عن تبوك

ياخوي ايه والله
عشان يقيسو الطول والوزن في المركز الطبي حق القاعده
والمشرفين كلهم بريطان اذا كان متناسب يكتب مقبول
واذا كان غير متناسب يكتب راسب
أكثر من واحد يوم السبت طردوه عشان الطول والوزن والله

السلام عليك

طول الله بعمرك انا بعطيك اللي اقدر افيدك فيه مخي مشتت ولكن حاول تفهم

طبعا الشقق بالثقبه كلها شقق ورخيصه مره اتوقع بـ50 ريال اليوم

يعني اركب لتكسي وقل ودني الثقبه ابي استاجر واذا تبي اساعدك انا حاظر

طبعا تروح المعهد بدري عشان تخلص اول بأول وترتاااح من التعب يعني قبل موعدك بساعتين
بالنسبه لي انا كل مراجعاتي اروح عند البوابه من الساعه 2 الليل اتكي بالسياره
المهم يفتحون القبول والتسجيل بعد الفجر على طول تخش تسجل بياناتك عندهم ع الكمبيوتر
تروح المكتب الثاني تنتظر لين يكتملون الطلاب ,,

تطلع الباص قداامك تركب ويودينك المركز الطبي الجوي مستشفى القوات المسلحه
طبعا مستوصف صغير يسوون لك فيه كشف مبدئي داخل القاعده اللي هو ,,
وزن وطول وانتبه تراه وزن وطول نهائي يعني نجاح او رسووب وحااول تااكل واجد قبل لاتدخل
وفيه بعدها كشف نظر وعمى الوان والله يكرمك الخصيان والفتاق والاسنان والتنفس طبعا انت وحظك حااول تروح عند سعودي احسن لك ,,

بعدهاا تطلع يرجعونك للقبول والتسجيل الاداره يقولون النتايج انتظرو 10 دقايق
تجي النتايج يقولون اسماء الراسبين طبعا بالوزن والطول وتدقيييق عجييب مرره يمشون ع الجدووول حق الوزن والطول المناسب انا بوااسطه والدكتور واحد زهراني فازع لي واسطه ووالله العظيم ماقدر يسوي شي لكن لحسن حظي وزني ع الحفه ,,,
المهم الراسب يمشي والناجح يقولون تعال بكره كمل فحصك النهائي وانت صايم
اللي هو دم واشعه صدر تجي اليوم الثاني صايم تركب الباص على طول يودونك مستشفى عسكري ع طريق بقيق
ويسوون لك التحليل والاشعه وبعدها ترجع اختبار تحريري .. انجليزي وريتنق ومدري وشو.. وقدرات عامه رياضيات كلها بساعتين وبس ,,
بعدين مقابله شخصيه عند السعوديين بعدين مقابله شخصيه مع بريطاني بالانجليزي
بعدهاا تروح اللياقه البدنيه
يقولك سو 20 بشم و20 تمارين بطن وقفز وجري سباق 100 متر طبعا الاول والثاني ياخذ درجه كامله

وبعدها ترجع ويقولونك توكل على الله الدوره بشهر 3 وانتظر الفرز

طبعا كلها سهالاات انا الضغط ماقدر اكمل 7 والله العظيم عندهم سويت 26

عسى اني افدتك ووفيت ,, واعذرني ع التشتيت تراني مضيع

الله يوووفقك
بعدين مقابله شخصيه مع السعوديين ..
( اهم شي يكون معك فلوس ترا والله بتجوع من الكررف ههههه )

ااذا تبي اي شي او تستفسر او مساعده هذا ايميلي انا بالدمام
r-fex@hotmail.com