السلام عليكم ورحمة الله وبركاته اخواني الا عزاء ياليت تفيدوني في هذا الا مر والله ما عاد عرفت النوم زوجي قبل ثمان سنوات اخذ سياره بالتقسيط وكان منتظم في السداد كل شهر لكن قدر الله عليه ومرض بالسرطان وفصلوه من العمل بسبب المرض وكان قد طلب من شركه السياره ان تخفض القسط لان ما عاد عنده راتب والبيت ايجار والحاله صعبه والحين طلبوا حضوره في المحكمه وهو باقي يراجع المستشفى وعنده تقارير واثباتات الفصل وكل شي والمبلغ خمسه وخمسين الف الي باقي لهم مدري وش الاجراء الي بيسونه انا مررررررررررررره خايفه لا يسجنونه وهو مريض وانا وعيالي وين نروح ما لنا احد وش تتوقعون ولا تبخلون علي بالدعاء الله يفرج هم من دعاء لنا بالخلاص م هذا الموضوع

الله يشافيه و يعافية أختي الكريمة
و يفرج همكم و كربكم
ما اعرف اذا يقدر القاضي وضعه و يحكم بتخفيض القسط
مثل موظفي الحكومة عليهم ديون في اكثر من جهة والتقسيط حسب الراتب
او يرجعها لهم و يرتاح
و الله يرزقكم بأهل الحلال يسدون الأقساط المتبقية و لا هي كثيرة 50 الف

الله يشفيه

لا تخافي سيخفض القاضي القسط بما يتناسب مع الراتب

الله يشفيه ويعافيه


اختي قدمي على الضمان والجمعيات الخيريه وان شاءالله يساعدونك


وعليكي بالاستغفار وقيام الليل والله يفرج كربتك

الله يشفيه ويجعل آلامه في ميزان حسناته
إذا السيارة نظام تأجير منتهي بالتمليك
فبكل بساطة يرجع السيارة وماياخذوا
عليه شيء أبد أما غير كذا ماأدري