السلام عليكم ورحمة الله وبركاته

اخخواني انا طرآ على بآلي استاجر محل واخليه محل عزبة

لطلعات البر وغيرهآ وناوي استاجر بمحطه على طريق الرياض ابها

رآيكم بالمشروع ؟ وكم بحصل العزب بالجمله ؟ وكم التكلفه التقديرية من غير تكلفة المحل

ماعندي اي معلومه

لكن انصحك تمر السنيدي ملك العزب وعدد البران واسألهم كم يبيعونك بضايع من عندهم بالجمله
لأن شغله متكتك وعزبه هي الأفضل في الخليج

والله يوفقك ويرزقك

الفكرة ممتازه اخوي .. إذا كنت تقصد محل للوازم الرحلات والمخيمات ..
كان عندي نية أفتح محل في الرياض قبل فترة طويلة ولكن ظروف العمل منعتني ..

أنصحك ..أن تتميز عن غيرك في الخدمات والمنتجات التي تقدمها .. مثلاُ
1- تأجير كاميرات احترافية "فتغرافية"
2- تأجير أسلحه هوائية .. ممكن أنك تحصل على تصريح من الإمارة واستفسر أكثر من محلات الرماية .. سبق اني سألتهم قبل سنتين ثلاث ..
3- تأجير دورات المياة المتنقله

وكنت عامل دراسة مبسطة عنها بأحاول ادورك عليها أو اعملك وحده على السريع ..
والله يوفقك ..

فكره رائعه واستعن بالله وادخل السوق لكن الدراسه مهمه بس لا تخليها تعيقك .
ومو لازم توفر كل شي من البداية .. لو وفرت احتياجات الرحلات على فترات .. يكون تمام .
بس اهم شي تكون متاااااابع انت بنفسك المحل ولا توكله للعامل .

السلام عليكم ورحمة الله وبركاته
........ أخي الكريم نصيحة لوجه الله ....
لا تشري جاهز ،،،
شف لك أحد الأخوان الباكستانين يكون خياط ...
وحاجتك مكينة خياطة خاصة + قماش + باكستاني محترف .
وإذا كان مخه نظيف ومحترف راح تستفيد وتسترزق راح يبدع أشياء ،،،
ولا راح تتوقف على العزب ،، خيام وغيره إن شاء الله
واستفد من تجربة السنيدي بهالمجال
وبالتوفيق إن شاء الله،،،

مشكورين على ارائكم ..

وسسوري على الرد المتآخر ..


ماقصرتوا

اهم شي تكون على طريق أهل الرحلات وخاصة البرية والدعوة ماشية تاجير خيام زل متاكي اطناب وعامل معه ونيت يطلع يبني لهم خاصة اذا كانوا عوائل
مايعرفون الا بس يدفعون فلوس واذا انتهى عقد الايجار يطلع بالسيارة يشيل
الخيمةوالاغراض كلها في الونيت , بعدين مر على كل المحلات القريبة منك شف
بضاعته حاول تكون افضل منه , اهم شي موقعك يكون في طريق الكشاته
مثل رماح الرمحية -الثمامة- نساح , اما اذا كان محلك وسط البلد فيه اغراض رسمية بمثل كراسي حفلات استريوهات اشياء لاتحضرني ولاكن بشطارتك تمشي تجارتك , والله يووفقك واعرف كيف تتحاسب مع العامل

السلام عليكم ورحمة الله وبركاته

مشروع ناجح بس الأهم يكون متوفر في جميع الأحتياجات

وبالتوفيق يا ر ب

عوافي

لا هنتوا

والله الفكره ممتاز وانا ابي اسوي مثلك في منطقتنا وتر عندي رقم بنغالي في الرياض

يسوي عزبه مثل حقة السنيدي وسعرها رخيص جدا