تجربتي مع الصدقة....لمن يهمه الامر

الحصاه · #11 (**permalink**) 15-12-2010, 10:43 PM

عندك حمام قلابي ولا مقبع للبيع

عاشق الشمس · #12 (**permalink**) 15-12-2010, 11:13 PM

اقتباس:

المشاركة الأصلية كتبت بواسطة حاكم بيزنطة

^^^^
خلني اجربك لمدة اسبوعين

تم !!! بس البدي الخارجي والمحركات ع الشرط !!!

مرعى وقلة صنعه · #13 (**permalink**) 16-12-2010, 12:32 AM

اقتباس:

المشاركة الأصلية كتبت بواسطة حاكم بيزنطة

السلام عليكم ورحمة الله وبركاته

وعليكم السلام ورحمة الله وبركاته .. أما بعد < ع قولة وثيقووه

وفرجت والحمدلله على الاخر وازهرت الازهار واخضرت الورود وطارت العصافير وبنيت السدود والجسور والانهار والمدارس وعبدت الطرقات <<<<انحشر ماعرف ينهي السالفة...........
تعبير فاشل < تذكرت أيام المدارس والوهقه بمادة التعبير

كتبه ابو فجر...باحث واكاديمي سعودي ونصاب سابق
نسيت تقول وحاصل ع درجة الدكتوراه وخبرة في مجال الحاسب والسكرتاريه والانجليزيه ودورة حضانة أطفال < وكلها شهادات مزوره

والسلام عليكم ورحمة الله وبركاته

جزاك الله ألف خير وجعلها بميزان حسناتك

إِنتعآش~ · #14 (**permalink**) 16-12-2010, 12:59 AM

شي حلووو

جزاك الله خير

خنجر وديع · #15 (**permalink**) 16-12-2010, 01:23 AM

الله يصلحك تعبي للرجال بنزين وتبغاه يرجع لك الفلوس !!!!

ماصارت صدقة هذي

من أولها تتمنن على الآدمي ونفسك في العصير وكنت تفكر تضيع الرجال هو وعياله اللي بالجيب

ليش كذا تخرب صدقتك بالمن والأذى

على فكرة وينك اليوم ما فتحت الباب أباخذ الحق منك على كلام البارح يوم تقلي خنفس

خخخخخخخخخخخخخخخخخخخخخخخخ

قاصر الشر · #16 (**permalink**) 18-12-2010, 01:19 AM

اقتباس:

المشاركة الأصلية كتبت بواسطة وثيقه متلحفه

وعليكم السلام ورحمة الله وبركاتة وبعد ( موبس انت تكسب الاجر حتى احنا ندور عليه

)
وبعد مدري اسمعهم دايم بالمحاضرات بعد السلام يقولون وبعد اتوقع ان بها الخير الكثير ولا ماكان حرصوا عليها الطيبين اكيد انها كلمة وراها سرّ على انها اربعه حروف

يعني مانزلت موضوعك الا بها الوقت وحاط صورة عصير رمان و بارد
كان خليته بعد المغرب ماتعرف ان اليوم الناس صايمين
ليه شذي تعذب الجواعه انا من الفجر واقاوم جوعي واصبر نفسي بقرطاس قابلت التلفزيون عشان انسى اني صايمه وحطيت على توم وجيري خابرتوم حقير ونذل كنه عارف اني صايمه اليوم يجي
قدام الكميرا ويحط رجل على رجل ويقرمط بخبز وحاط فيه جبنه صفرا اظنها كرفت او ابو ولد المثلثات ويجغم بعصير ونصه عصره على الطاوله متعمد الشلب بيحدني ع الفطور وعارف نقطة ضعفي

وانا اردد اللهم اني صائمه

الرجال طالبك ومعه عائلته وانت ناوي تضيعه بطريق وتسحب عليه خخخخخخخخخخخخخخخخخ
اما انك سويت زي الي يقول ياعبيد انا بدعي عليك وانت ادعي ليه

يدعي على الرجال ويوصيه
يدعي له لو دري عن دعوتك بالقنابل كان دعى عليك بالقحط خخخخخخخخخخخ
اجل بروح ابسط بسطتي عند المحطات يمكن القى مسافرين خلاقينهم تمزعت ويصير اعطيهم من بسطتي واقول ادعوا لي ادعي لكم بصير احسن منك مابدعي عليهم

فرجة كربتهم وربي فرج كربتك وفتحها بوجهك وانت كنت متحسر ع عصير الرمان الي طارت فلوسه وعوضك ربي بضعف الله يوسع برزقك ويخليك لضعوف والمتوهقين خخخخخخخخخخ

وثيقه مرت من هون

اليوم شفت وحدة تبيع طراطيع على البحر....ومعها بقشة مكتوب عليها مشرفة الصور والبلوتوث

زيدان · #17 (**permalink**) 18-12-2010, 01:29 AM

اجل بكره بعد العصر عصير الرمان على حسابي يابو فجر

ولو تبي بنزين يوصلك حارتكم بدون لاتروح يمين ولايسار ماعندي مانع

الله يجعلنا من المتصدقين وان ييسر لنا الصدقه وسائر الأعمال الصالحه ..

قاصر الشر · #18 (**permalink**) 18-12-2010, 01:36 AM

اقتباس:

المشاركة الأصلية كتبت بواسطة زيدان

اجل بكره بعد العصر عصير الرمان على حسابي يابو فجر

ولو تبي بنزين يوصلك حارتكم بدون لاتروح يمين ولايسار ماعندي مانع

الله يجعلنا من المتصدقين وان ييسر لنا الصدقه وسائر الأعمال الصالحه ..

عارفك يالاصلع

ما ابي منك دعوة ولا شي ابيك بس تفارق.........

دعواتك باطنها الرحمة وظاهرها العذاب....تذكر يوم عطيتك استشوار وكريم يطول الشعر ...دعيت لي وثاني يوم غرقت في السيل...

وناسي دعيت لي عشان شحنت لك جوال ب10 بعدها باسبوع مسكوني الجوازات يحسبوني تركي سمكري سارق سيارة زبون

وقبل سنة دعيت واليوم الثاني صدمت بعير...

ومرة دعيت لي وتقفل الباب على اصبعي

الله يرحم والديك لا عاد تدعيلي لي خلها كذا ماشية سهالة