السلام عليكم ورحمه الله وبركاته
المشروع مايكلف اقل من 50 الف
الصامل يرسلي ع الخاص واعطيه الفكره

اخوي لك رساله على الخاص

(الرسائل الخاصة تقول ناقش الموضوع في العام)

النشاط (ملحمـة)
حاشي -غنم
انا ابي اناقش الحاشي بس بكل اختصار الحاشي مايطول من يوم تجيبه من المسلخ في المحل حسب كلام احد المعارف انه 3 ايام وهالشي معروف واللي سوقه زين ولبااني مايجلس يوم , الحاشي بالقليل مكسبة 1000 واحسب كم تبيع حاشي في الشهر واضافه الى ذلك في المسلخ تبيع الكبدة ورقبة الحاشي ب 300 ريال ع المسلخ لانهم يبيعونها لاصحاب البوفيات , واذا نبي نحسب المصروفات راتب الجزار + الايجار+الكهرب, والشاطر بيعرف لهاا , واللي خبير بالمشروع يفيدنا يمكن نستفيد منه اكثررررر . واعذروني اذانسيت شي

هاااات المشرووع

المشروع امامك

عزيزي .............
الناس الآن ما تشتري الحاشي إلا الكيلو بـ 38 إلى 35 ولا يقتنعون إلا بهاالأسعار
وأضف أيضاً إليها تكفلة الذبح بالمسلخ قرابة 150 ريال تزيد أو تنقص !
و لا تنسى ختم البلدية ما أدري هل عليه رسوم ؟
والمشكلة في الحاشي إذا بات يعني دخل ثلاجة الملحمة ما أحد يشتريه ..
والشغلة يبغى لها خبرة من حيث الشراء من الحراج وهل هو كبير ولا صغير ...

سوداني صاحب ملحمة قالي أشتري الحاشي بـ 3800 والله ما يوفي معاي 100 كيلو ،،،
وإذا قلت للزبون بـ 38 ريال الكيلو زعل ....
= = =
أسأل الله التوفيق للجميع ،،،،
الشغلة الحقيقة ما أحد ينكر إنها فيها أرباح ،، وخصوصاً إذا كان فيها تجهيز مشاوي أيضاً...
لكنها تبغى شخص حاذق من وجهة نظري ،،وإذا وفقك الله أيضاً بـ جزار شاطر ما يلعب عليه الزبون
فالربح أكيد إن شاء الله ...

اللي يعجبك في المشروع هذا انه ربحه جيد وبدون راس مال كبير
بعدين اصحاب المسالخ المعروفين عليهم حجز بالجوال ومصفطيات احجز لي من الفقار ولا من الجنب , وانت وشطارتك هات الجزار المضبوط , بس بعض الناس الان ماتبي تنشهر بالملاحم لن فيه قاعدة قديمة عند البدو , يستعيبون بعض المهن (القصابة - والفحامة-والخياطة-والحطابة ) عشان كذا البعض يستحي من هالمشرووع , ولاكن الشغل مافيه عيب .

اخوي البدو محد يشتغل قصاب والسبب دائماً القصاب مايقول الحق ويبيع بالغش

ودائماً يقولون بنت القصاب محد يخطبها كلن خايف يصير عيالها نصابين مثل خوالهم

والله هالمشروع لو يصير عندنا في الامارات اتووقع بينجح لان الناس هنا تموت في الحاشي والي يسونه انه الواحد يوم يبا يشتري يدور شركاء معااه عشان كل واحد يدفع مبلغ ويتقاسمون اللحم

بس احس اللحوم متعبة وفيها مسولية

مشروع حلو لكن

يبي لك جزار شاطر وصدوق وخبره بالمجال

والله يوفقك .

واللي اشوفه انا

لحم الحاشي مايوقف بالملحمه .

والله يوفقك ويوفق اللي بيشتغل بالمشروع

مشروع حلو