المشاركة الأصلية كتبت بواسطة مخرفش

السلام عليكم ورحمة الله وبركاته
اولا الحمد لله ان اسمي طلع من ضمن المرشحين
والله كنت متوتر جدا بخصوص المقابله كانت يوم الاحد امس
في البدايه حظرت الساعه 10 وموعدي كان الساعه 11
في قاعة الملك عبد العزيز رحمه الله كان الحظور يمكن 20 شخص
او اكثر بقليل طبعا هناك قاعتين داخل قاعة الملك عبد العزيز
واحده مخصصه للمقابله والثانيه جلسنا فيها
او مادخلت جاني شخص وبيده كشف اسماء ويعلن الاسم ويقول له
مقابلتك على وشك الابتداء جهز نفسك ويعطيك ورقه تكتب فيها اسمك
ووظيفتك او مسما وظيفتك انتظرت ممكن ساعه ونص وجاء اسمي
في قاعة المقابله هناك ثلاثة اشخاص في ماكن مرتفع نسبيا
تجلس اسفل وتعطيهم الملف او اوراقك
اول ما اعطيته الملف صراحة متوتر لأنها اول مقابله لي
واول وظيفة انقبلت فيها بس الحمد لله
توكلت على الله وتشجعت وقلت في ههذا يومك
ولا تظيع الفرصه.
طبعا كنت مستعد لأي سؤال قالي انت فلان
قلت ايه انا فلان بن فلان الفلاني قال هل توظفت قبل كذا
قلت لا اول مقابله لي قال عندك شهاة حاسب قلت ايه
الرخصه الدوليه للحاسب icdl قال كيفك مع الحاسب
قلت الحمد لله من متوسط الا جيد جدا
ثم اسرد وقال كيفك مع الانجليزيه قلت اعرف امور اساسيه
وسطحيه عن الانجليزي .
بعدين واحد انبرش لي وقال تعرف شي عن وظيفتك قلت
والله ما اعرف عنها شي لان مسمى مراقب اسكان مساعد سألت الاخوان
في القاعه عنها قالو ما نعرف شي
ثم قال شخص اخر من اسم الوظيفه وش تتوقع تكون ميدانيه او اداريه
قلت والله من اسم مراقب اكيد ميداني
بعدين قال خلاص انتهت المقابله وتابع موقع الجامعه
والحين والله ما اعرف متى يعلنون النتائج والله يدي على قلبي
مستنيها على احر من الجمر.
تكفى الي يقرى ردي هذا يدعي إن الله يوفقني
وادخل هذي الوظيفه والله معاناة مع العطاله
تكفون ما نستغني عن دعواتكم لي.
وفي امان الله .

المشاركة الأصلية كتبت بواسطة فكوني منه

المشاركة الأصلية كتبت بواسطة فاكتور

السلام عليكم - ابشرك نرجسيه بما انك الوحيده الي ردت - رحت لهم اليوم وقضبوني الباب - بس يعلم الله دعيت بقلب مؤمن على كثر لهفتي وحاجتي لها - إن كان فيها لي خير يسهلها وان كان لي فيها شر الله يصرفها عني ويعوضني بخير منها - فاتتني المقابله بسبب لخبطتي مع اني دخلت الموقع اكثر من خمس مرات وقريت المرشحين كلهم وارتبط بذهني ان مقابلتي يوم الاحد وهي يوم السبت و لاعرفت الا السبت بالليل يعني عدت - دعواااااااااتكم وفااااالكم البيرق
<< وده يسأل نرجسيه وش رايك فيني ؟ ههههههههههههههههه- اول مدري وين القاعه و الحين حصلت القاعه وضيعت الموعد

المشاركة الأصلية كتبت بواسطة المقلح

الله يوفقك --------- انا زيك نفس الوظيفه ونفس الاسئله بعد الشايب الي في النص سئل الشباب الي جنبه قاله عجبك هذاك ما رد سئلني على طول وش تعرف عن الوظيفه شكلي ما عجبتهم الله يوفقك اخوي مخرفش بس قولي كم رقم مراقب اسكان