بنات اللي دخلت المقابله فنيه مختبر في الليث قسم كيمياء
اتصلوا والا لا وكيف نعرف انه خلاص

السلام عليكم ورحمة الله وبركاته
اولا الحمد لله ان اسمي طلع من ضمن المرشحين
والله كنت متوتر جدا بخصوص المقابله كانت يوم الاحد امس
في البدايه حظرت الساعه 10 وموعدي كان الساعه 11
في قاعة الملك عبد العزيز رحمه الله كان الحظور يمكن 20 شخص
او اكثر بقليل طبعا هناك قاعتين داخل قاعة الملك عبد العزيز
واحده مخصصه للمقابله والثانيه جلسنا فيها
او مادخلت جاني شخص وبيده كشف اسماء ويعلن الاسم ويقول له
مقابلتك على وشك الابتداء جهز نفسك ويعطيك ورقه تكتب فيها اسمك
ووظيفتك او مسما وظيفتك انتظرت ممكن ساعه ونص وجاء اسمي
في قاعة المقابله هناك ثلاثة اشخاص في ماكن مرتفع نسبيا
تجلس اسفل وتعطيهم الملف او اوراقك
اول ما اعطيته الملف صراحة متوتر لأنها اول مقابله لي
واول وظيفة انقبلت فيها بس الحمد لله
توكلت على الله وتشجعت وقلت في ههذا يومك
ولا تظيع الفرصه.
طبعا كنت مستعد لأي سؤال قالي انت فلان
قلت ايه انا فلان بن فلان الفلاني قال هل توظفت قبل كذا
قلت لا اول مقابله لي قال عندك شهاة حاسب قلت ايه
الرخصه الدوليه للحاسب icdl قال كيفك مع الحاسب
قلت الحمد لله من متوسط الا جيد جدا
ثم اسرد وقال كيفك مع الانجليزيه قلت اعرف امور اساسيه
وسطحيه عن الانجليزي .
بعدين واحد انبرش لي وقال تعرف شي عن وظيفتك قلت
والله ما اعرف عنها شي لان مسمى مراقب اسكان مساعد سألت الاخوان
في القاعه عنها قالو ما نعرف شي
ثم قال شخص اخر من اسم الوظيفه وش تتوقع تكون ميدانيه او اداريه
قلت والله من اسم مراقب اكيد ميداني
بعدين قال خلاص انتهت المقابله وتابع موقع الجامعه
والحين والله ما اعرف متى يعلنون النتائج والله يدي على قلبي
مستنيها على احر من الجمر.
تكفى الي يقرى ردي هذا يدعي إن الله يوفقني
وادخل هذي الوظيفه والله معاناة مع العطاله
تكفون ما نستغني عن دعواتكم لي.
وفي امان الله .

[align=center]
شكراً على الرد الي بالطبع إستفدت منه
وأنا داخل المقابلة إن شاء الله بعد ساعة
وشكراً لك
وبإذن الله ننقبل أنا وياك وأبارك لك وتبارك لي
[/align]

مخرفـش / الله يوفقكـ ويجعلهــا من نصيبكـ ولا يضيعلكـ تعـب ,,,

متفائل بلا حدود / الله يوفقكـ ويسهل أمــوركـ ويجعلهاا من نصيبكـ ,,,

السلام عليكم ورحمة الله وبركاته
طيب انا مقدم على فني طباعة اليه المرتبة الرابعة من يوم سوينا الاختبار العملي بعد الاختبار على طول سوو المقابلة الشخصية يعني بس نتظر الاسماء فقط نزلت الاسماء والا بعد
موفقين بإذن الله ... لكم مني أجمل تحية .

[align=center]
ندوش مكة / شكراً لمرورك الراقي
والله يحققلك ما تتمنين


أولاً رحت شوي متأخر < يتابع أهل الراية 2 في الشارقة
ههههههههههه
أنا موعدي الساعة تسعة وصلت تقريباً ثمنية وخمسين
يالله دخلت لقيت لجنتين وحده فيها المقابلة ووحده فيها تجمع المتقدمين
المهم بعد ربع ساعة جا واحد وخمنا بسالفه قال أكتب خطاب موجه لمدير الجامعة
وبين فيه طلبك ولا يقل عن سطرين ، طبعاً زي هذا الخطاب لازم تعده صح لأنه يعبر عنك
وتكتبه بطريقة صحيحة زي المعروض الرسمي
المهم كتبت وتندمت اني ما دريت عنه من بدري ولا كان أصكهم بخطاب من العيار الثقيل < أمدح أمدح
المهم ياحبايب عندي ورق خاصة للملاحظات < ورقة طلبات للبيت هههههه
وأكتب وراها مسودة عن طريقة الخطاب وأيش بكتب فيه ويالله خلصت
ونقلتها في ورقتهم إلا وهو ينادي بإسمي
أنا في بالي أني راح أستفتح كلامي بالبسملة وأصلي على النبي وإني راح أسئلهم سؤال عن
المهارات المطلوبة في المتقدم لأستطيع أن أعززها أو أكتسبها وعن موعد النتايج
ودخلت بخطوات ثابته و هم جالسين على المسرح ويعني أنهم مهم شايفيني دخلت
وأسلم عليهم وأصبح عليهم وأسلمهم الملف والورقه المطلوبة
وقالي المتطور فيهم إجلس ، ذلحين هم ثلاثة واحد شكله متطور والثاني عنده زمام الأمور والثالث هو الي أستقبل وهو الي ودع ولا تكلم في المقابلة
سألني أنت فلان الفلاني قلت نعم ونسيت البسملة والخطط ههههههههه
قالي الثاني أنت موظف قلت له لا
سألني المطور قال لك في الحاسب الآلي قلت نعم أستخدام بشكل يومي
قال وش تعرف عن البرامج قلت أنا تقريباً أستخدم أغلب البرامج المهمة مثل الأوفس
والفوتوشوب والأوتو كاد وبعض البرامج العامة
قال تقريبا ًكيف مستواك في الكتابة قلت جيدجداً وخش الثاني قال وش الوظيفة الي مقدم عليها
قلت ......... قال وش تعرف عنها قلت من المسمى يتبادر للذهن كذا وكذا وأنه يقوم بكذا وكذا
خش المطور وقال قد صممت برنامج أو شي قلت ايه قال كيف قلت على برنامج الأكسس
صممت برنامج بشكل مصغر لمحل مبيعات للملابس
نقز الثالث وهو من يوم دخلت وهو يطالعني وكل ما ألتفت يمه يلف قال إنتهت المقابلة
وودعتهم على أمل اللقاء بهم زملاء للعمل خخخخخخخخخخ
ويوم وصل للباب تذكرت أسئلتي ههههههههههه
قلت يالله إذا ساروا زملاء للعمل راح أسئلهم خخخخخخخخ

هذي تجربتي نقلتها لكم بالتفصيل لأني أنا لو قريتها قبل لا أدخل راح أستفيد من كل كلمة
وشكراً لكم جميعا ولاتنسونا من دعائكم / تحياتي لكم
[/align]

مخرفش - متفائل بلا حدود

أسأل الله العظيم رب العرش العظيم ان يوفقكم ويسهل امركم وييسر دربكم ويرزقكم من حيث لا تحتسبون

اللهم افتح لهم ابواب رحمتك وتوفيقك وسعة رزقك يااااكريم

ان شاءالله يااارب قريب تجون تقولو لنا انكم انقبلتو

بس بارك الله فيكم حافظو على الصلاة واكثرو من الإستغفار وربكم يفرجها ان شاءالله

الوفا طبـ ع ـي / وفي بطبعك
أشكرك من أعماق قلبي على دعواتك الصادقه
ولا تنسى أن هنالك ملك يقول ولك مثله ولك مثله عند دعائك لأي أحد
أسأل الله الكريم أن يحقق لك أمانيك وييسر لك كل صعب
ووعد علي إذا إنقبلت لك مني هدية إنت وندوش مكة ونرجسية
وطبعاً راح تكون عن طريق هالموقع
لأنكم أول المهنئين لي بالقبول
وإن شاء الله لألتزم بنصيحتك الغاليه الصادره من محب .

يا فديتكم والله
تسلمين يا ندوش مكه ويسلم راعي الوفا ((الوفا طبعي))
وما نستغني عن دعاكم ويجعلها في موازين حسناتكم.
اخ يا متفائل بلا حدوود يا زينها لو توظفنا
يا في راسي مشاريع بنيتها على هالوظيفه<<<وش عنده انشتاين
اخاف كلها تبخر لو ماطلع اسمي
لاكن املي بالله كبير.
الا ماشاء الله اثرك منت هين يا متفائل والله يا بغى ريقي ينشف من التوتر
بس الحمد لله استغليت الوضع وريحت وقلت حنـا لهـا يمـا بـهـا ولا بقـطـع ارقابـهـا
بس ما تلاحظ فيهم عدم المبالاه مدري هي مصطنعه او هم كذا!!
يخي فيهم برووود غريب
يالله المكتوب نباخذه والمقدر راضين به
ماحد عنده علم بظهور الاسامي يقولون بعد اسبوع؟
نشوفكم على خير