طق يامطر | طق يامطر ~

رمز التميز · #1 (**permalink**) 19-12-2010, 12:34 AM

فارقت كل الناس من أجل عينك . . .
حتى مع قلبي ~ عشانك تفارقت !
والحين ويني عن حياتك ووينك ؟
فارقتني وماهمّك إني تضايقت .
{ ودّعتني } يا جعل ربّي يعينك |
ومع المشاكل في فراقك تعانقت . .

ما رِجَع ؟ سألوا عليه يمكن إنه فيه شي .
______________ غيبته عنّي { غريبه } روحوا جيبوا لي الخبر :

والله ماهي عادته أيّام ما يسأل علي !
______________ حجة الغايب معاه . . بس . . مافيني صبر .

لا تخبّون الحقيقه |
وماحصل ؟
- قولوه لي .
ولا تقولوا لي : نسى أو لهى ،
ماهو عذر !

أكذِب إن قلت الليالي في غيابه : هي / هي
______________ ويَصْدِق إن قال المفارق راح يسبّب لي : قهر

قلبي حيل إشتاق له وحبي له ماهو [ شوي ] :
______________ مثل صحرا أنتظر . . طق يامطر | طق يامطر .

في وداعه ، كنت أمسك راحتي براحة إيدي
______________ لين شفته بعيد عنّي .. كنّي ماسك لي : جمر !

ظلمه هالدنيا بدونه مابها نورٍ و { ضي } .
______________ ليش سافر عن عيوني ؟ يعني وشفيه السفر !

من غيابه . .
راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .

الشعر : أفضل وسيله توصِف إللي صار بي . .
______________ وإلا أنا ماكنت أصلًا فاضي وحول الشعر !

لا تسولف لي عن { جْروح الليالي } . .
وإنتْ قلبي .. ياما داواك ، وخدعته !
إيه أنا صابر .. لأنك : حيل غالي ،
ولو أحد ثاني مكانك ؟ - كان بعته .

رغووووووووه · #2 (**permalink**) 19-12-2010, 06:59 AM

من غيابه . .
راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .

ابدعتي غاليتي
تسلمين والله
عواااافي

في الصميمـ · #3 (**permalink**) 19-12-2010, 09:00 AM

أفضل وسيله توصِف إللي صار بي . .
______________ وإلا أنا ماكنت أصلًا فاضي وحول الشعر !

يسلمووو لكـ رمز التميز على هــ الطرح

وشكرا لكـ

مغروره حدي · #4 (**permalink**) 19-12-2010, 11:46 AM

أكذِب إن قلت الليالي في غيابه : هي / هي
______________ ويَصْدِق إن قال المفارق راح يسبّب لي : قهر

قلبي حيل إشتاق له وحبي له ماهو [ شوي ] :
______________ مثل صحرا أنتظر . . طق يامطر | طق يامطر .

:

يعطيك العافية
دائما متميز في طرحكـ ,,