حياكم الله
الموضوع ومافيه أني مكتوم وقلت أفضفض على هالوجوه الطيبة من أمثالكم لعلي استفيد من خبرتكم
أنا موظف في احد القطاعات العسكرية ( مدني) ووظيفتي اللي أنا فيها كمسمى جديده ومستحدثة ولا اخبر في المملكة بنفس وظيفتي إلا 3 فقط
المهم باشرت عملي على اكمل وجه ولله الحمد ، والله إبتلاني بواحد يعتقد أنه مدير يعني بالأصح ( عطيناه أكبر من حجمة ) وصار يحاول يمسك أي زلة ، انا صحيح أغيب بس هو اكثر مني غيابا واستذانا وكل اسبوع رايح مكة ـ ولا احد يقوله شيء ،
عموما هذا الرجل يحاول يضييق الخنااااق علي لأجل فصلي مرة يحولني ليل ومرة نهار ومرة يقول ليه ما تشوف وظيفة افضل من هذي، ومرة يقولي توقع عندنا والمرة الثانية يقول لا في الدور الثاني ، واما الطامة الكبيرة مرة منتعت من الدخول بسبب نسيان بطاقة الدخول واخبرت من كان المسؤول هناك قلت لا يسجلوني غياب قال لا انا اكلمهم بس ممنوع تدخل بدون بطاقة وجيت من بكرة الا كاتب محضر وينفخ علي بأعلى صوته حسسني أنه هو اللي يصرف علي الراتب من حسابه
المهم يالربع كل يوم طالعي بسالفة ويسأل عني كل شخص جاء والا لا ، مر من عندك والا لا ، حتى والله شوه صورتي بين الموظفين حتى ناس من غير الموظفين يعني يعملون لصالح جهات اخرى

وش رأيكم بالربع وش الحل معه والله اني شايل هم

لا تفكر تنسحب و ممكن تحاول تنقل هذا حل
حل ثاني , طنش فيه هو راح يمل ويشيلك من باله "مثل الاشكال هذة مريضه نفسيه ومعقده
تعرف انت قلت بموضوعك حكمه جميله " احنا اللي اعطيناه اكبر من حجه " وهذه غلطه الطيبين

انت تقول عطيناه أكبر من حجمه !!

طيب تدارك الوضع ولا تعطيه أكبر من حجمه وأعتبره لا شيء وماهو موجود اساساً ..

التوجيه... اولا ً الله يعيينك بس بصراحه انتا اللي خليت له درب عليك يعني انتا تغيب وهذا افضل طريقه انه يلاقي عليك شي .. نصيحه اخويه حاول انك ماتغيب وتزبط اموركـ ولا تعطيه اكبر من حجمه وانا اللي فهمته منك انه هو اللي مسؤل عنكـ .. يعني اي زله منك رااح يقعدلك فيها .. وبالنهايه وكل امرك لله

لاتفكر بالفصل لانها وظيفة رسمية ولو فصلت صدقني راح تتمنى لو ترجعلها ممها كان معاملته معك انا كان واحد
نشبلي نشبه يحاسبني على كل صغيرو وكبيرة لدرجة كل من اتصل واحد على الشركة يقول من ذا وش يبغى لدرجة
انه فصلي بمزاجة بس الحمدلله كلمت الادارة ورجعوني ودريت انه كان يبي يحط مكاني خوية والله انقهرت قلت افتك من ذا ويطلعي خوية بس الحمدلله صبرت وبالنهاية بعد 6 شهور فصلو الاثنين وانا الحين محد يدق قق علي

ما قصرتوا على ردودكم ومالنا الا اخذ بكلامك واصبر

اذا شفت وجه
قل ياااااارب اشغله بنفسه عني
واجعل كيده في نحره

داوم ولا عليك منه اجلس بمكتبك وخلص شغلك واطلع
مسالة توقيع وماتوقيع عادي وقع ولو كان عند المدير العام
الشي الثاني بالنسبة للدوام مره ليل ومره نهار عادي انت رجال ولا يهمك ولو خلوك تداوم من صلاة التهجد
انا دخلت البنك موظف عادي وكرفوني كرف مرات اداوم الصباح ومرات العصر وتحملت وترقيت لمشرف ومن مشرف لمسؤول مباشر ومن مسؤول مباشرالى نائب مدير قسم
والان لو يرجعوني موظف عادي ماعندي مشكله دام راتبي ينزل كل شهر ماعلي لو اداوم في اي وقت

بالتوفيق

مالك الا الصبر وش وداك لـــــــــه !!!

مرحبا ياأخي

كيفك أن شآء الله بخير

تفضل أو ل شيء مني

لآيمكن يجي شيء بالسآهل تأكد من هالشيء

لآ تتركهآ ولآتهتم له مهمآ عمل لك

طنش وصدقني الصبر مفتآح الفرج ,

خلني أذكر لك قصه حصلت لي شخصياً

أشتغل باأحد المستشفيآت الكبيره وكثير يحصل لنا موآقف تجبرنا على الوقوف مع رجآل

وأحيآن مع حريم اكبر منا خبره وشهادات واحنا مستجدات يعني عظمنا طري

تعملت منهم ومن مواقفهم المجحفه لي الصبر والمجاهده على تحميل نفسي السكون والسكوت والهدوء حتى في اعظم الامور الي ممكن الواحد مايسكت عنها

كنت اتمالك نفسي

بس ادعي دعااء دائماً يطري علي اذ ا قابلتهم صدفه او للعمل


( اللهم أكفني شرهم وأجعل كيدهم في نحورهم )


وكان ربي يكفيني شرهم بذآك اليوم ولا تنسى الاذكار مع الصباح ياأخي الكريم ترى تجعل لك مخرج من كل شر ومن حيث لا تحتسب



.


.

.

وفقك الله ياأخي والله يصبرك عليه ادعي الله يفرج لك منه