بسم الله الرحمن الرحيم

الى كل الاعضاء الكرام ..

السلام عليكم ورحمة الله وبركاته

انا عضوه جديده في دا المنتدى فارجو ان يكون وجودي بينكم ذا فائدة لي ولكم ولقد سجلت قريب مع

العلم بأني من فتره وانا اتصفح ..وعجبني المنتدى بكل مافيه واقدم احترامي وتقديري لكل

الموجودين فإن شاء الله القى قبول بينكم .

فانا حابه اطرح موضوع وارجو المشاركة بما يعود على الجميع بالفائدة

نحن النساء المشاريع بالنسبه لنا قليله او مو اي شي يناسبنا ..تمام

انا من فتره حابه افتح مشغل وكوفيره بجدة ولكن متردده كثير والسبب لكثرتها وشدة المنافسه

وانا عندي خبره في دا الشغل وهل ينفع اغترض وهل فيه مشروع اخر افضل

الرجاء من لديه فكره جديده يقلي واكون شاكره له ..ودعواتي للجميع بالصحه والعافيه

اختكم( زهرة جدة)

الله يوفقكِ .. هذه بداية

ثانياً : أتوقع أن المشاغل صارت بكثرة و خصوصاً في جدة

إلا إذا تعملي على استقدام عاملات مغربيات ....
لو مغربيتين في البداية .. و جاوية وحدة .
و لازم تكون بدايتك قوية ...
و الصبر الصبر الصبر إللي يحتاجه أي مشروع


أو تشوفي لك مشروع بناءا على رأس المال
المتوفر لديكِ

أتمنى لكِ التوفيق ..

شكرا اخي اختلاف ع الرد.. بس ايش الفرق باني استقدم عاملات من المغرب او اشوف عاملات من هنا

والمبلغ جهة القرض تحدده..بس انا زي ماقلت انا متخوفه من هذا المشروع والسبب الكل عارفه وحابه بمشروع

تاني يناسب فمن عنده فكره وتناسب مدينة جدة يفيدنا. وشكرا

طيب حدود كم رأس مالكِ ؟

يحددوه على حسب المشروع ودراسة الجدوى .انا بقدم على عبد اللطيف جميل او بنك التسليف.اكيد عندك فكره عنهم

الخياطة مشروع ناجح في نظري خاصةً في جده .

ممكن يكون في ربط بينهم مع انها في رأيي كل مشروع منها مربع اذا تم التركيز عليه بذاته .

اول شي مشروع مركز التجميل يا تبداي كبيره او ما تنجحي
لازم له راس مال كبير
ودعايه كبيره
عشان يكون مميز
ولازم يكون عندك مبلغ احتياط لانه في البدايه راح يسجل خسائر على بال ما ينعرف وينشهر واكيد لازم تسوي عروض تطلع عليكي با الخساره بس تسوي لكي شهره
فعشان كدا لازم تحسبي كل دي الامور بحسابك
ولو تلاقي شريك او شريكه يكون افضل لكي
وبصراحه المشروع ذهب كانت احد الاخوات تجي البنك عندنا تودع مبلغ اسبوعي بحدود 50 الف ريال لصالون مشهور في جده