السلام عليكم ورحمة الله وبركاته ..

اخواني الاعضاء اود منكم ان تفيدوني وخصوصا الذين لهم خبرة او اطلاع على موضوعي هذا ,

الحمد الله فإني موظف حكومي , وقد حصلت على عمل اضافي في شركة زيادة على وظيفتي الحكومية ..

ولكن من شروط الوظيفة الحكومية عدم العمل في شركة او خلافة ..

ولكن هل صحيح لو قبلت الوظيفة الاظافية في هذي الشركة على ان يكون مسمى وظيفتي (( وكيل او مندوب )) لها .

لن يكون على اشكاليات في وظيفتي الحكومية ؟
الرجاء منكم مساعدتي وتوضيح ماعلي كي لا اضع نفسي في مشاكل انا والحمد الله في غنى عنها .


طلب الرجاء من الاخوان عدم الرد علي بترك هذي الوظيفة الاضافية لسبب اني ارغب بهذه الوظيفة الاضافية ولكن بدون مشاكل ..

لاحول ولاقوة الا بالله
الطمع اهلك ماجمع
وانا اخووووووووووووووووووووك

الحمد الله قال الله تعالى (( ومن شر حاسدٍ اذا حسد )) صدق الله العظيم ,

اخوي يا بزنس مان يعني الي يسمعك يقول عني اني ملياردير عشان اطمع في تحسين وضعي المادي ,
وبعدين انا يا اخوي انا قدمت لهم اوراقي ووقع الاختيار علي يعني حتى واسطة او معرفة مالي بهم وذا رزق من الله يا اخذة يا اتركة ,

تجي تقول طمع لا حول الله بس .

انصحك اخوي انك تشتغل في نفسك في شي يفيدك وترتقي بتفكيرك شوي عن الحسد وخلافة ,

اهنئك اخوي على مثابرتك

شوف اخوي بالنسبة للوظيفة الثانية ما راح تؤثر على وظيفتك الحكومية إلا في حالة وحده فقط

اذا سجلتك الشركة في التأمينات كذا حتنظر انت

لاكن اذا موظف بدون تسجيل في التامينات ماراح تكون هناك اي مشكله

والله يوفقك

مشكور اخوي موظف برتبة عاطل على شعورك النبيل اخوي ,,

فعلا كلامك صحيح وهذا هو شرطي الاول لكن برضوا الواحد يبي يضمن حقة اولا من صاحب العمل ,

والله استخر الله لانهم ممكن بكرا تنكشف اوراقك وتخسر عملك الاساس.. وترى من طمع طبع... لاتقول عني حسودة انا ما احسد لكن فعلا انتبه لا يأثر عليك وبعدين تخسر الاولى والاخيرة..

هلا بيك اختي ام الوظائف مشكور على كلامك ,,
بس انا ابي اعرف انتم وين عايشين بالضبط
انا اسالكم يعني مافي احد في ذا البلد عنده عمل ثاني غير الوظيفة الي عنده ,
ولا على الناس حلال وعلى حرام او على قولتكم طمع ,
اختي ام الوظائف قبل فترة يمكن قبل سنتين كنت اشتغل في وظيفة مندوب بنك لبطاقة الفيزا ,
وكنت اطلع على ملعومات عن الاشخاص الذين يبون بطاقات ,
وكنت اروح حتى على اصحاب المحلات , ويعطوني اوراقهم وكانوا موظفين حكوميين وعسكريين ,
والنظام ما يسمح للموظف فتح محلات وخلافة ,
لكن بطريقة التحايل على النظام بمسمى الوكالة عن قريب له يفتح الف محل مو محل ,
لا تقولين هذولي بعيدين عني كل البعد ,
اعطيك مثال ثاني وقريب جدا جدا ,
في موظفين حكوميين وعسكريين عندهم وكالات من امراء وغير امراء على ادارة املاكهم ,
وهذا اقرب مثال على وضعي , هل اقول عنهم انهم طماعين ولااقول انهم مثابرين في تحسين وضعهم بالحلال ..

الله يوفق الجميع بس ,,,

عادي يخوي السهاد أنك تشتغل شغل ثاني، يعني مافيها شيء أنت تشغل نفسك بشيء ثاني مقابل مردود مادي ...

إذا قدرت تحصلها من دون تسجيل التأمينات فخير وبركة .. ويمكن ربي يوفقك في الشركة ويكتب ووتطور فيها ويتحسن وضعك ووترك الوظيفة الحكومية ..

ولا أوصيك بصلاة الإستخارة . موفق..

صباح الخير وكل عام وأنت بخير أخي الكريم ..


حقا .. ينال إعجابي دوما الشخص الطموح ..

مثل من أشار عليك ممن سبقني ..

فكر في جميع الإتجاهات وتأكد أنه لن يصيبك أي أذى أو مشاكل ..

وأولها عدم تسجيلك بالتأمينات ..





رزقك الله الرزق الحلال الطيب .. وبالتوفيق ..

مشكور اخوي ري.اميرسون واختي مشاعر عاطلة ,

على كلامك الي يسر الخاطر ..

والله يجيب الي فيه الخير .