السلام عليكم اخواني واخواتي اعضاء المنتدى

اليوم جايب لكم فكره لمشروع مربح يحتاج لـ 30000 ريال

المشروع (محل زينه سيارات ) ياشباب محل مربح جدا تفتح المحل بموقع مناسب وصدقوني مافي

خساره بالبداية حيث اللي يبيعون بالجمله يعطونك بالاجل وتسدده فيما بعد .

روله تظليل قزاز السياره 15 ريال بالجمله تكفي لتظليل 3 سيارات وكل سياره تظليلها 50

ريال ياشباب والله العظيم محل زينه يدخل ارباح 25000 بالشهر ويعلم الله كلامي صادق

غير رمضان يتضاعف معا الاعياد واعرف يمني يعطي كفيله 5000 ريال وايجار المحل 5000

بالشهر وبظاعه 5000 ريال تجديد ( 10000 ريال ياخذها اليمني )

انا اعطيتكم مثال بالروله فقط غير الاصطبات اللي تباع 5 ريال بالجمله تاخذها بنص ريال

والعطور الكرتونيه ب10 ريال تاخذها بريالين بالجمله وحامي الشمس للدركسون 15 ريال

بالجمله 3 ريال وغيرها الكثير .

صدقوني ارباح بالهبل وللاسف كل محلات الزينه اجانب

سامحوني على الاطاله.

الله يوفقك ان شاء الله


ويعطيك على قد نيتك والله مالي بالزينه بس اذكر ولد خالتي قد فتح بالسلي فتره وقفل لانه مل من الشغله

لكن بصراحه مربحه جدااا... قلي عاليت اذا تعرف احد يورد بضايع عشان اقدم قرض

مع العلم اني افضل نشاط الحداده اكثر لاسباب منها اني اقدر اشتغل فيها والناس تتقبلها كوظيفه لشخص كبير ويدرون انه يدير حلاله بنفسه وغير كذا انا قريب ان شاء الله واتخرج من الجامعه واتوظف بس دعواتكم.. فانا ابي مشرووع يكون لي مهنه وافهم فيها واتفنن فيها ..











عاشق البزنس؟!!!!!

لا والله مافهم فيها بس اخذت لي جووله وبديت افهم

ومحل الزينه سهل شفهم ببريده اغلبهم سعوديين.. ماشاء الله

ولو انك بالقصيم كان فتحت معك محل تغبير وتشميع وربي يدخل ذهب وانا اجيب لك ايجار رخيص بموقع جدا ممتاز

الله يوفقك

عمل رائع

اووووووووووووه اجل الشرقيه وش خليت بعد تكمل لو انت بالخبر كان 100%


مشكله محلات الزينه ان مافيها تجديد الا بأشياء معينه تضليل .. جنوط .. ستكرات .. زينون .. شاشات..


بس حقات ابو هنود وابو حضرم ماتعجبني بس صحيح ان البضاعه ماشيه ولو كنت بفتح محل لازم امشي مع موود السووق وننوع الدخل


عموما اانا بالرياض والقصيم اتواجد

الزينة مررربحة , ولاكن سيكون امامها نظام ساهر في المستقبل

مخالفة التظليل ومخالفة الحزام الامان والجوال

عسى الله يبعد عنا انظمة ساهر السامجة (سرعة 70)

[align=center]
اولا فكره جميله ولاكن ياخوان لاحد يسويها قمرا وربيع

انا ماني مهبط عزيمتكم ولاكن الواحد لازم يعرف الاثار السلبيه قبل الايجابيه

اولا انا رجال عندي محل زينه قبل سنتين واشتغلت فيه وانا الي اجيب البضاعه

رول التظليل مو نفس ماتقول رول التضليل العازل 90 ريال

والعادي مايقارب 40 والله ماذكره بالظبط

وبعدين كثرة المحلات والله ماصار فيها فائده واخر شي قبلت المحل

ولاكن هناك موقعين بما انك من اهل الشرقيه وتبي منك راس مال الايجار اهم شي

وهو الشارع الي بالثقبه الي فيه محلات الزينه ماشي واعرف فيه ناس مدخولهم 14 الى 15 الف يعني يصفاله مايقارب 8 الاف ريال

والزينه احلا مافيه ان تشتري الشغله ب10 ريال طلع لك دبل 4 مرات او اكثر وبعض الشغلات اقل

والموقع الثاني شارع الملك سعود بالدمام

واذا تبي في موقع امس عارضه علي يمني وسعر حلو

والله يوفقك واي خدمه او مشوره انا
[/align]بالخدمه

يعطيك العافية