السلام عليكم

جمعه مباركه...


اخواني اخواتي انا قررت اتقدم بطلب قرض

بس محتار بين مشروع خدمه سيارات( غيار زيت . بنشر. بيع كفرات . بيع بطاريات ( طبعا بدون مغسله سيارات


او افتح مخرطه كامله ( مخرطه هوب . مخرطه عامود..(



مع العلم اني طالب اداره اعمال وباقي لي سنه واتخرج واصحاب القرض شرطهم اشتغل بالمحل يعني مجبور اوقف الدراسه الين ماسدد القرض او اجيب استثناء

بصراحه القرار فيه ايجابيه وفيه سلبيه .. ايجابيته للعاطل وسلبيته للطالب
وانا افضل ماوقف .. لكن بستخير واستشير اهلي .. الاهم انا ودي يكون مردود المشروع ممتاز عشان ابي اتزوج ان شاء الله وعقبال الجميع

يعني ايجابيه المشاريع بالنسبه لي مردودد يساعد اني افتح بيت اما اذا كان مردودها مش ولابد يعني اقل من 3000 الاف اشتغل اي شغله احسن لي

مع العلم اني قد استشرت الاهل وقالوا لي اذا في شغله تدخلك ذهب ومستعد تشتغل فيها وقف الدراسه لفتره بعدها كمل دراستك

طبعاا انا ماراح اترك المشروع للعمال بكون معهم وبستغل خبراتي ومواهبي والافكار االتجاريه الي عندي لتسويق المنتجات..
ومارااح اخلي الشغل يأثر على دراستي لو رجعت بعد سنه للجامعه


علما اني كنت موظف سابق بكذا شركه مطاعم.. بالتالي ماشوف فيه ضرر اني ادرس واشتغل بالورشه؟!!


ياليت اذا تعرفوون احد يدرس وماخذ قرض عشان ابي اعرف الطريقه؟! وايضا اذا تعرفون احد فاتح مخرطه او محل خدمه زيت ابي استفيد اكثر منهم وتنوع الخبرات مو عيب


غير كذا ابي اخذ دوره عن مشروع المخرطه لاني 90% - 95% عندي جهل عنه وحاب اتعلم عن كل آله ماهي منتجاتها واساسيات التعامل معها؟ ممكن تساعدوني بخصوص الدوره



طبعا انا محتاج بالمشروع 2 سعوديين كبدايه يفضل خريجين كليه التقنيه والمرتب ماراح نختلف عليه




ادري طوولت عليكم بس اعذروووني...



ياليت الموضووع مايحذف زي الاول

انا خريج كلية التقنيه تخصص تبريد وتكييف
وبشتغل معك ببلاش عشان استفيد خبره ولأن دوامي شفتات ولا اقدر التزم معك

الله يوفقك وانا جاهز اذا تسهلت لك راسلني خاص

طيب انت بالقصيم؟؟ ابي تدربني او تعطيني مرجع عشان اخذ خلفيه عن مشروع المخرطه
بعدين مافي شي ببلاش

ماعليش اخوي انت اي مشروع تعرفه البنشر ولا المخرطه؟

ولا عطيتني رأيك باي المشروعين افضل؟!! !

بالتوووووووفيق

ربي يوفقك اخي تاجر بلا دراهم ويرزقك ويعافيك

دام باقي لك سنه شد حيلك وتخرج وتفرغ بعد سنه للمشاريع


اما اذا عن الاجابه اي المشروعين

فالمخرطه احسن بكثير من البنشر لكنها مكلفه على مااعتقد

ربي يوفقك ويرفع قدرك

مشروع مخرطة ومسبك حديد هو المجدي
لكن بحاجة الى معدات مخرطة ولان عصب المناطق الصناعية المخارط

على قوولة (جبتها للجرح)
اخوي الله لايهينك وادعي لك من كل قلبي بالتوفيق لك ولكل مسلم ولجميع الطلاب اللي يطمحون بالعمل والجد وبناء مستقبله بيده بعد الله سبحانه
اخوي انا امس ذهبت لأحدى المناطق لدي عامل فيها على الكفالة يعمل (بنشر - زيت -مغسلة سيارات-ميكانيكا )ومستعد اذا تبي يساعدك انا وياه موجودين, وهو يعمل بنشري الان مكان زميله مسافر واذا جاء زميله يبي يستاجر محطة كاملة بدون البنزين , ولاكن ابي افيدك انه قالي اكثر فائدة الزيت والمغسلة ولاكن البنشر فائدة بسيطه ولاكن يحتاج راس مال
كفرات بطاريات جهاز ترصيص الى اخره, اذا شفت ان ودك تاجر على احد انا استاجر منك بسعر مناسب واخليه يشتغل اذا فيه مجال بإذن الله ,, وممكن نعمل بمثل مشروعك او نتعامل معك ونكتسب الخبرات , وبالتوفيق اخووي.

اشكر لكم مروركم..


اخوي يتيم الشوق انا عارف ان البنشر ززين وان الكفرات يبي لها مركز متخصص عشان تنجح


بس وانا اخوك الي اعرفه ان بنك التسليف يجبر المقترض انه يعمل بنفس الورشه يعني بس انا شاورت الاهل قالوا لي المخرطه احسسن مع ان اخوي نصحني بالبنشر


ان شاء الله يكون بيننا تعاون

اخوي تاجر الله يوفقك ان شاء الله انا اقول مشروع المخرطه مشروع ممتاز جدا

ودخلها جدا ممتاز اعرف سوداني شغال في مخرطه وسالته عن السوق اليومي للمخرطه

قالي اذا الشغل تعبان باليوم من من 500 الى 1000 ريال بسم الله ماشاء الله

طيب اذا كان الشغل ممتاز قالي من الف الى ثلاث الاف ماشاء الله

المخرطه كبيره وفيه فنيين فلبينين يعني مخرطه كامله ومرتبه متعوب عليه الله يوفق صاحبها

اخوي تاجر بنسبه لتمويل هل هو من المئويه او من التسليف مباشره

انا عندي مشروع بس منوين اطلب التمويل من المئويه او التسليف

وياليت تذكرلي شروط بنك التسليف

والله اخوي الشروط من موقعهم ادخله واقرااء لانهن كثيره لكن اهمها مالك سجل تجاري او عمال بإسمك في وقت التقديم وانك مستعد للتفرغ في حال الموافقه


اخوي الله يسعدك قل اميين وربي انك ريحتني وخلتني اتطمن بصراحه لان المشروع بالنسبه لي بدايه خير علي وانا ابي استفيد من هالمشروع اني اكون ذاتي واستقل ماديا واستغل شهادتي الجامعيه في الورشه << شركه صغيرونه

المهم ممكن تدلني على الورشه حقت السوداني اذا هي بالرياض بمشي لها وان كانها مو بالرياض ابي رقم السوداني لو سمحت




اشكرك على مرورك