مستشفيات الحرس الوطني بالشرقية - طريقة التقديم - استفسارات

عهداا · #**311** (**permalink**) 11-06-2014, 12:19 PM

مساء النوور ع الجميع انا توني جديده ع المنتدى وقريت الموضوع شدني لاني من زمان ابي اعرف شلون طريقة التقديم لمستشفى الحرس يعني هل اروح لهم اوشلون ياريت الي عنده معلومه يفيدنييي وشكررررررااا

ذا نيو عاطل · #**312** (**permalink**) 12-06-2014, 10:57 AM

اقتباس:

المشاركة الأصلية كتبت بواسطة طموحة علم

لو سمحتم انا قدمت بالموقع من فتره شهرين يمكن ولاشفت شئ
هل في طريقة ثانيه اقدم فيها ؟؟!
ايميل مباشر او شئ يعني

أنا كنت مثلك لما شفت الوضع كذا حرقت تلفونهم ونشبت نشبة الله لا يوريك

والحمدلله نادوني ودخلت الاختبار وبانتظار المقابلة

المقصد انك لا توقفين على انك قدمتي بالموقع وبس.. اذا شفتي انه ما فيه استجابة حاولي تغثينهم شوي عشان يخدمونك

اقتباس:

المشاركة الأصلية كتبت بواسطة طموحة علم

كم الراتب للبكالوريوس؟
واذا خبره في غير مجال التخصص
وايش المميزات الثانيه ؟
وهل في تطوير للموظف ؟!

معروفة رواتب مستشفى الحرس من اعلى الرواتب فلا تقلقين من هالناحية.. أو بشكل أدق رواتبهم الأساسية عادية بس البدالات عالية، بس اكيد بتكون متفاوتة حسب التخصص وما قلتي وش تخصصك حتى نقدر نجيب لك المعلومة اذا استطعنا

بالنسبة للتطوير هذا أكثر شي يحمسني أتوظف بالحرس لأن حسب ما سمعت ان بيئتهم بروفشنال مررة وتطويرهم رائع للموظف وفيه تقييم دوري يعني حتى اللي داخل بالواسطة ( والواسطة نادرة عندهم ) ما يقدر يكمل من ضغط العمل لانه ما راح يكون فاهم.

حتى الان الشي الوحيد اللي يعيبهم في رأيي الدوام من 8-5 لو يخلونه بدري شوي أفضل

الله يوفقك

ذا نيو عاطل · #**313** (**permalink**) 12-06-2014, 11:08 AM

اقتباس:

المشاركة الأصلية كتبت بواسطة آكووورد

انا اجتزت اختبار الانجليزي ابو 100 سؤال وعديته بدرجه حلوه 70 او 80 % والله نسيت المهم الكلام هذا من 4 شهور بعدها استنيت فتره شهر وجاني اتصال اني مرشح على مقابله في غير مجال تخصصي انا تخصصي فني صيدلة وترشحت على وظيفه في الاسعاف والطوارىء زي اخذ بيانات المرضى واساعد في الاسعاف المهم قبلت فيها لان راتبها حلو قريب الـ 8 الآف وقالي تقدر بعدين لا صار فيه شاغر تحول على الصيدلة وتدخل مقابله وتصير كنك متقدم جديد المهم من ذاك اليوم مادخلت المقابله ولا شي لا رجع دق ولا شي وكل ماكلم الموظفين يقولون موضوعك للحين ماخلص وللحين ماسوينا مقابلات معقول صارله الموضوع 3 شهور ممكن كل هذا يرتبون حق مقابلات ولا وظفو واحد واسطه وانسحب علينا !!

الصيدلة عليها إقبال كثير بمستشفى الحرس وش السالفة؟ عموما لا تستسلم وحاول توصّل الأمور لأكبر من قسم التوظيف وتكلم مدير الموارد البشرية أو شي من هالقبيل هالأشياء ممكن تحرّك معاملتك أو تسرّعها ببعض الأحيان.

من ناحية المقابلة يبدو لي ان كلنا نعاني من هالشي وقريت بأحد المنتديات وحدة جتها الوظيفة بعد 9 شهور !

والله يا حبيبي مالي الا ادعي لك واطّلعت على كم حساب صيدلي متوظف في الحرس اذا ممكن يفيدك ارسل لي خاص

ذا نيو عاطل · #**314** (**permalink**) 12-06-2014, 11:17 AM

الله يوفقها ويسعدها كاتبة هالموضوع أفادت الكثير بما فيهم أنا

عهداا · #**315** (**permalink**) 12-06-2014, 02:45 PM

اقتباس:

المشاركة الأصلية كتبت بواسطة ذا نيو عاطل

كنت بعطيك رابط موضوع يفيدك لكن لا أعلم عن قوانين المنتدى اذا تسمح أو لا وعلي تنبيه إداري قبل فما ودي أطير

فلذلك باخذها اقتباس وطبعا هي تتكلم عن الرياض في بعض المحاور لكن ما يفرق لأن موقعهم واحد وتفاصيلهم وحدة اللهم تغير مسميات المستشفيات والجامعات الخ:

الله يوفقها ويسعدها كاتبة هالموضوع أفادت الكثير بما فيهم أنا

مشكووووووووووووور الله يسعدك ويفتح لك كل ابوب رزقه وويوفق الي كتبت الموضع

نووووووووورة · #**316** (**permalink**) 16-06-2014, 07:52 PM

الله يعافيكم عندي سؤال ياليت احد يجاوبني
انا تخصصي نظم معلومات حاسب .. Computer information systems
لما جيت اعلي السيره الذاتيه في موقع الحرس مالقيت التخصص حقي
لقيت التخصصات الثانيه اللي تشبهه تقريبا زي نظم معلومات اداريه .. لقيت علوم حاسب .. واشيا ثانيه
بس مالقيت الوصف الدقيق لتخصصي .. وش اللي يعادله وش المفروض اختار ؟!

سؤال ثاني .. هل ممكن اقدم في الحرس قبل استلام الوثيقه .. او ضروري تكون الوثيقه عندي ؟

مشكورين مقدما

ابراهيم نبيل · #**317** (**permalink**) 24-06-2014, 03:44 AM

السلام عليكم ورحمة الله وبركاته

جاني اتصال من مستشفى الحرس الوطني بالاحساء وقالو عندك مقابله نهائيه لمسمى الوظيفه aligibility officer

علما انا خريج بكالوريس تخصص تسويق

ليت من عنده خبره عن طريقه وطبيعه المقابله من اسئله وماهي طبيعه الوظيفه وهل بتكون المقابله بالانجليزي او خليط ياليت من عنده العلم يفيدنا

ذا نيو عاطل · #**318** (**permalink**) 24-06-2014, 04:28 PM

اقتباس:

المشاركة الأصلية كتبت بواسطة نووووووووورة

الله يعافيكم عندي سؤال ياليت احد يجاوبني
انا تخصصي نظم معلومات حاسب .. Computer information systems
لما جيت اعلي السيره الذاتيه في موقع الحرس مالقيت التخصص حقي
لقيت التخصصات الثانيه اللي تشبهه تقريبا زي نظم معلومات اداريه .. لقيت علوم حاسب .. واشيا ثانيه
بس مالقيت الوصف الدقيق لتخصصي .. وش اللي يعادله وش المفروض اختار ؟!

سؤال ثاني .. هل ممكن اقدم في الحرس قبل استلام الوثيقه .. او ضروري تكون الوثيقه عندي ؟

مشكورين مقدما

أنا نفس تخصصك وحطيت على اني تقنية معلومات هم راح يقرون السي في وبيعرفون تخصصك بعدين

اي نعم ممكن تقدمين بس تحدثين بياناتك فور وصول وثيقتك

والمعذرة عالتأخر بالرد

ذا نيو عاطل · #**319** (**permalink**) 24-06-2014, 04:31 PM

اقتباس:

المشاركة الأصلية كتبت بواسطة ابراهيم نبيل

السلام عليكم ورحمة الله وبركاته

جاني اتصال من مستشفى الحرس الوطني بالاحساء وقالو عندك مقابله نهائيه لمسمى الوظيفه aligibility officer

علما انا خريج بكالوريس تخصص تسويق

ليت من عنده خبره عن طريقه وطبيعه المقابله من اسئله وماهي طبيعه الوظيفه وهل بتكون المقابله بالانجليزي او خليط ياليت من عنده العلم يفيدنا

بكرة الأربعاء مقابلتك؟؟ شكلك معي

اللي متأكد منه وسمعته من أكثر من شخص سوا مقابلة انهم يرحبون فيك بالعربي بعدين انطلق انقليزي وبيكونون 4 أشخاص على ما اعتقد

اللي استغربته ان فيه واحد قال لي قابلوه فيديو !

ابراهيم نبيل · #**320** (**permalink**) 24-06-2014, 05:21 PM

اقتباس:

المشاركة الأصلية كتبت بواسطة ذا نيو عاطل

بكرة الأربعاء مقابلتك؟؟ شكلك معي

اللي متأكد منه وسمعته من أكثر من شخص سوا مقابلة انهم يرحبون فيك بالعربي بعدين انطلق انقليزي وبيكونون 4 أشخاص على ما اعتقد

اللي استغربته ان فيه واحد قال لي قابلوه فيديو !

اي نعم الاربعاء مقابلتي وانت في نفس مسمى الوظيفه او غير
قد سمعت المقابله خليط عربي وانجلش