بسم الله << تطقطق أصابعها الأخت

شوفي يا بنت أنا من بريده وأدلعها قريده

مهورنا 50 ألف ماتتعدا مهناش زفه ولا شبكه و خرابيط النسوان ذي مهيب عندنا .

العرس يبدأ من بعد العشاء بس تخبرين لازم يجون أهل المعرس المغرب يستقبلون الضيوف
والمعرس رايحن يتحلس ويتملس بالحلاق
فيقوم بالنيابه عنه أبوه واخوته بأستقبال الضيوف الرجاجيل إلين يشرف الماخوذ

وإذا جت الساعه 11 زفوا العريس لعروسته طبعاً هو يصير حاجز شقة للعروسه ويزفزونه لها شفتوا أن القصمان مقتدين بالرسول عليه الصلاة والسلام يوم تزوج عائشة رضي الله عنها

وعاد كملوا عرسهم الناس في القصر ومهنا خرابيط من رقص وما أدري وش هذي للحريم بس
حدودهم على الساعه 1 إلا كلن رايحن لبيته بقى بس اهل العريس يضفون قراشيعهم

من ناحية المهور تقدم تسذا بس قرنقش مهنا ذهب
الذهب من ضمن المهر هي تشتريه العروس

وبعدين على حسب أهل العروس أحياناً يتعاونون مع أهل العريس
يعني مثل واحد من أخوتي أهل عروسته شالوا القصر وحنا الذبايح و شلنا الشقه بمستلزماته يعني على حسب اهل البنت إذا كان المهر 50 ألف يشيلون معنا شي أما إذا مهورهن أقل لا خلاص أهل العريس يتكفلون بكل شي ..

طبعاً من بكره يسوون أهل العريس عزيمة تسمى زوارة في بيتهم يجون أهل العروس مع العروسين يعني عائلي وخلاص يتيسرون المعاريس لشهر العسل

ومانشوفهم إلا إذا جوا من الرحله يكون خلاص بدت حياتهم طبيعي معنا

8 8 8

أجل يبطون عيالكم لا يتزوجون ؟؟

والله قصة ظهر الله يكون بعونكم

حنا عيالنا بدوا يحتسون وبيسووون تمرد على القبيله يقولون ليه ما نتملك ونذبح ذبيحه وأخذ حرمتي بلا كلفة بلا مصاريف ؟؟

لابد من الاختلاف من قبيله لقبيله...... بالمختصر

اما من ناحيه ربوعنا اول شي فالمهر من 30000 الى 90000 واكثر والله ان فيه ناس متزوجين بقيمه ويمكن تقولون مبالغ فيها ولاكن والله ماجاكم الا الصحيح بإكثر من 500000 ورب البيت

اما القبيله اللي انا منها المهره بكل اللي فيه ما يتعدا 30000 شرط بين القبيله ولله الحمد وحتى قيمه المهر يصير فيها قطوع

اما من ناحيه الحضور فلا يحتاج قاعه ولا خربيط وتكاليف كلها صيوان والحضور من بعد العصر والعشا من بعد صلاه العشاء دغري وبعده اللي وده يجلس يجلس يلعب قزوعي يضحك على المعرس اشوي واللي يبغى يسري فياكبر باب الصيون

والمتزوج عاد الله يعينه متى يلقى اقرب فرصه يحط ارجوله يمسكونه ما يخلونه يروح هذي مشكله المتزوج عندنا

الطبول والموسيقات من عاشر المستحيلات تجده